រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានស្ត្រីម្នាក់បានដឹកដៃកូនប្រុសតូចអាយុប្រហែលជា៤ ទៅ៥ឆ្នាំម្នាក់ គឺធ្វើដំណើរមកលោតទឹកសម្លាប់ខ្លួន តែពុំទាន់បានលោតទេ ព្រោះនាងអង្គុយយំនៅកណ្តាលស្ពានជ្រោយចង្វារចាស់ ធ្វើឲ្យមានការភ្ញាក់ផ្អើលដល់សមត្ថកិច្ច និងសារព័ត៌មានទៅដល់ ធ្វើឲ្យនាងដឹកដៃកូនតូចចុះមកវិញ តែនាងបានប្រាប់ថា មានវិបត្តិ តែក៏មិនប្រាប់ថា មានវិបត្តិអ្វីឡើយ ដែលហេតុការណ៍នេះបានកើតឡើងនៅរសៀលថ្ងៃទី២៦ ខែកក្កដានេះ នៅសង្កាត់ជ្រោយចង្វា រាជធានីភ្នំពេញ ។
សេចក្តីរាយការណ៍បានបន្តថា បន្ទាប់ពីចុះមកដល់ដី ប្តីរបស់នាងក៏បានមកដល់ ហើយបានបីកូន និងនាំនាងត្រឡប់ទៅផ្ទះវិញ ដោយប្តីបានអះអាងថា ដោយសារតែប្រពន្ធខឹងខ្លួនមានស្រី ។ ដោយឡែកស្ត្រីខាងលើខាងយើងនៅមិនទាន់ស្គាល់អត្តសញ្ញាណឡើយ ។ ហើយនាងដឹកដៃកូនមកកលោតទឹកសម្លាប់ខ្លួននេះដែរ គឺនាងហាក់មិនដាច់ចិត្តមកលោកទឹកទេ ទើបអង្គុយយំនៅកណ្តាលស្ពានធ្វើឲ្យមានការភ្ញាក់ផ្អើលតែម្តង ។
បញ្ជាក់៖ តាមនគរបាលបានបញ្ជាក់ឲ្យដឹងថា មុនពេលកើតហេតុគឺ ឃើញស្ត្រី និងកូនតូចខាងលើជិះម៉ូតូកង់បីអាតុៗ មកឈប់នៅកំពែងខាងលិច ហើយក៏ធ្វើដំណើរមកអង្គុយលើកំពែងនោះ ដោយមានការសង្ស័យគាត់ក៏បានដេញទៅ ហើយនាងក៏បានទៅអង្គុយលើស្ពានម្តង ទើបបង្កឲ្យមានការភ្ញាក់ផ្អើលតែម្តង តែនាងក៏មិនដាច់ចិត្តលោតទឹកសម្លាប់ខ្លួនដែរ ៕ កែសម្រួលដោយ ៖ សុឃាក់
ចែករំលែកព័តមាននេះ