ខេត្តក្រចេះ ៖ សេចក្តីរាយការណ៍ឱ្យដឹងថា រថយន្តសាំយ៉ុង៤គ្រឿងផ្សេងទៀត សម្រាប់លួចដឹកជញ្ជូនឈើខុសច្បាប់គ្រប់ប្រភេទ និងត្រូវបានកម្លាំងអាវុធហត្ថខេត្តក្រចេះចាប់ និងប្រមូលមកពីតំបន់នានាក្នុងខេត្តក្នុងអំឡុងប្រតិបត្តការរយៈពេល៤ថ្ងៃកន្លងទៅ គឺត្រូវបាននាំមកដុតកម្ទេចចោល ។ នេះជាការដុតកម្ទេចវត្ថុតាងរថយន្តដឹកឈើល្មើសច្បាប់…
ខេត្តក្រចេះ ៖ សេចក្តីរាយការណ៍ឱ្យដឹងថា រថយន្តសាំយ៉ុង៤គ្រឿងផ្សេងទៀត សម្រាប់លួចដឹកជញ្ជូនឈើខុសច្បាប់គ្រប់ប្រភេទ និងត្រូវបានកម្លាំងអាវុធហត្ថខេត្តក្រចេះចាប់ និងប្រមូលមកពីតំបន់នានាក្នុងខេត្តក្នុងអំឡុងប្រតិបត្តការរយៈពេល៤ថ្ងៃកន្លងទៅ គឺត្រូវបាននាំមកដុតកម្ទេចចោល ។
នេះជាការដុតកម្ទេចវត្ថុតាងរថយន្តដឹកឈើល្មើសច្បាប់ ដែលបានអនុវត្តជាលើកទី៣ ពីកម្លាំងអាវុធហត្ថខេត្តក្រចេះ ក្នុងប្រតិបត្តការបង្ក្រាបបទល្មើសព្រៃឈើយ៉ាងក្តៅគគុក ជាមួយនិងវិធានការដ៏តឹងតែងក្រោមការបញ្ជាដឹកនាំដោយផ្ទាល់ពីនាយឧត្តមសេនីយ៍ សៅ សុខា អគ្គ មេបញ្ជាការរងកងយោធពលខេមរភូមិន្ទជាមេបញ្ជាការកងរាជអាវុធហត្ថលើផ្ទៃប្រទេស និងជា ប្រធានគណៈកម្មការជាតិបង្ក្រាបបទល្មើសធនធានធម្មជាតិ។ សូមរំលឹកថា៖ ម៉ូតូ11គ្រឿងនិងឡាន1គ្រឿងត្រូវអាវុធហត្ថដុតកម្ទេចចោល
មេបញ្ជាការរងកងរាជអាវុធហត្ថខេត្តក្រចេះលោក វរសេនីយ៍ឯក ឡុង យឹង បានថ្លែងថា ការដុតកម្ទេចសារជាថ្មីទៀតនេះ បានធ្វើឡើង កាលពីរសៀលថ្ងៃទី២៥ កក្កដា។ ក្នុងនោះ មានរថយន្តសាំយ៉ុងយ៉ាងហោច៤គ្រឿង គឺត្រូវបានប្រមូលមកដុតកម្ទេចោលនៅក្នុងឃុំ គោលាប់ ស្រុកចិត្របុរី។ លោកថា រថយន្តទាំងនេះ ជារថយន្តដឹកឈើល្មើសច្បាប់មានគ្រប់ប្រភេទ ដែលត្រូវបានកម្លាំងអាវុធហត្ថខេត្ត ស្រុក ចាប់បានក្នុងប្រតិបត្តការបង្ក្រាប ដែលធ្វើឡើងរយៈពេល៤ថ្ងៃកន្លងទៅ ។
ប្រភពបន្ត ក្រោយពីមានការចាប់បង្ក្រាបឈើខុសច្បាប់ ដែលឈ្មួញបានដឹកជញ្ជូន កម្លាំងអាវុធហត្ថបានប្រគល់ឲ្យជំនាញរដ្ឋបាលព្រៃឈើ ដើម្បីអនុវត្តនីតិវិធី ។ ចំណែកឯរថយន្ត គឺត្រូវប្រមូលយកមកដុតកម្ទេចចោល ទៅតាមផែនការដៅណែនាំរបស់ថ្នាក់លើ។
លោក ឡុង យឹង បានអះអាងប្រាប់ថា សកម្មភាពរបស់កម្លាំងកងរាជអាវុធហត្ថលើ ការស្រាវជ្រាវបង្ក្រាបបទល្មើសព្រៃឈើខុសច្បាប់ គឺនៅតែបន្តស្រាវជ្រាវ ដើម្បីមានវិធានការបង្ក្រាប ដែលសកុម្មភាពកំពុងតែធ្វើឡើងយ៉ាងសកម្មដូចភ្លៀងរលឹម ។ (សម្រួលដោយ៖ ស្រីណា)
ចែករំលែកព័តមាននេះ