បុរសម្នាក់ដែលត្រូវបានគេរាយការណ៍ថា ចង់ធ្វើឱ្យមិត្តស្រីរបស់ខ្លួនភ្ញាក់ផ្អើលនោះបានធ្វើដំណើរពីចម្ងាយ ដើម្បីមកជួបនាងដោយមិនបានប្រាប់ជាមុននោះទេ ប៉ុន្តែគាត់បែរជាភ្ញាក់ផ្អើលនៅក្នុងជីវិតរបស់គាត់ទៅវិញបន្ទាប់ពីគាត់បានឃើញមិត្តស្រីកំពុងតែស្ថិតក្នុងរង្វង់ដៃបុរសផ្សេងទៅវិញ ។ បើតាមអ្នកប្រើគណនី Twitter ជនជាតិជប៉ុនឈ្មោះ @T_Radiosonde បានបំបែកសាច់រឿងនេះ…
បុរសម្នាក់ដែលត្រូវបានគេរាយការណ៍ថា ចង់ធ្វើឱ្យមិត្តស្រីរបស់ខ្លួនភ្ញាក់ផ្អើលនោះបានធ្វើដំណើរពីចម្ងាយ ដើម្បីមកជួបនាងដោយមិនបានប្រាប់ជាមុននោះទេ ប៉ុន្តែគាត់បែរជាភ្ញាក់ផ្អើលនៅក្នុងជីវិតរបស់គាត់ទៅវិញបន្ទាប់ពីគាត់បានឃើញមិត្តស្រីកំពុងតែស្ថិតក្នុងរង្វង់ដៃបុរសផ្សេងទៅវិញ ។
បើតាមអ្នកប្រើគណនី Twitter ជនជាតិជប៉ុនឈ្មោះ @T_Radiosonde បានបំបែកសាច់រឿងនេះ នៅថ្ងៃទី១៩ ខែកក្កដា ដោយបានអះអាងថា គូស្នេហ៍នេះស្ថិតនៅក្នុងទំនាក់ទំនងដែលមានចម្ងាយឆ្ងាយពីគ្នារហូតដល់ទៅ២៤០០ គីឡូម៉ែត្រឯណោះ ។
បុរសនោះបានធ្វើដំណើរពីឆ្ងាយ ដើម្បីមកធ្វើឱ្យភ្ញាក់ផ្អើលដល់សង្សាររបស់គាត់ដោយគាត់បានស្លៀកពាក់ជាសត្វខ្លាឃ្មុំ ។ ជាអកុសលគាត់បែរជាឃើញសង្សាររបស់ខ្លូនត្រូវបុរសម្នាក់កំពុងកៀក .ក ឱបរឹតទៅវិញធ្វើឱ្យគាត់បាក់មុខមិនស្ទើរនោះទេ ។
ប្រភពឱ្យដឹងទៀតថា នៅពេលដែលបុរសជាសង្សារដកក្បាលខ្លាឃ្មុំដែលពាក់ចេញពីក្បាលរបស់គាត់ ស្រាប់តែឃើញមិត្តស្រី និងម្ចាស់ស្នេហ៍ថ្មីរបស់នាងនាំគ្នាងាកមកមើលដោយរន្ធត់ចិត្ត ។ បន្ទាប់មកមិត្តស្រីបានរត់ដេញតាមបុរសម្នាក់នោះ នៅពេលដែលគាត់ដើរចេញពីអ្នកទាំងពីរដោយគ្មានវាចា ។ បន្ទាប់មកទៀតបុរសនោះក៏បានពាក់ក្បាលខ្លាឃ្មុំម្តងទៀតដោយគេសន្មតថា ដើម្បីបិទបាំងទឹកភ្នែករបស់គាត់ ។ រូបភាពចុងក្រោយបានបង្ហាញពីមិត្តស្រីនោះរត់ឱបបុរសជាសង្សារចាស់ ដោយទុកឱ្យបុរសដែលកៀក .ក នាងនៅឈរម្នាក់ឯង ។
@T_Radiosonde បាននិយាយថា ឈុតឆាកនេះបានកើតឡើងនៅក្នុងប្រទេសចិន ។ រូបភាពបែបនេះបានល្បីល្បាញនៅក្នុងបណ្តាញសង្គម Twitter និងហ្វេសប៊ុក ដែលប្រមូលអ្នកគាំទ្រចំនួនជាង ៨១.០០០នាក់ និងជាថ្មីម្តងទៀតទទួលបាន២០.០០០ នាក់ដោយភាគច្រើនបានសម្តែងនូវការអាណិតអាសូរចំពោះបុរសជាសង្សារចាស់ ។
គួរឱ្យសោកស្តាយប្រភពព័ត៌មានមិនបានបញ្ជាក់ថា ចុងបញ្ចប់នៃសាច់រឿងនេះនឹងទៅជាយ៉ាងណានោះទេ ? ៕ កែសម្រួលដោយ ៖ សុឃាក់
ចែករំលែកព័តមាននេះ