ប្រទេសអេហ្ស៊ីប ៖ ពេលទៅបំពេញទស្សនកិច្ចមួយនៅកាណាដា រដ្ឋមន្ត្រីអន្តោប្រវេសន៍អេហ្ស៊ីប លោកស្រី NABILA MAKRAM បានបង្កើតជាសង្គ្រាមប៉ាកាមួយចាប់តាំងពីថ្ងៃទី២១កក្កដាមក ដោយសារតែលោកស្រីលើកពាក្យដ៏សាហាវ ដោយស្នើឲ្យកាត់ក្បាលពួកអ្នកប្រឆាំង។…
ប្រទេសអេហ្ស៊ីប ៖ ពេលទៅបំពេញទស្សនកិច្ចមួយនៅកាណាដា រដ្ឋមន្ត្រីអន្តោប្រវេសន៍អេហ្ស៊ីប លោកស្រី NABILA MAKRAM បានបង្កើតជាសង្គ្រាមប៉ាកាមួយចាប់តាំងពីថ្ងៃទី២១កក្កដាមក ដោយសារតែលោកស្រីលើកពាក្យដ៏សាហាវ ដោយស្នើឲ្យកាត់ក្បាលពួកអ្នកប្រឆាំង។
ពេលស្ថិតនៅទីក្រុងតូរ៉ុងតូ លោកស្រីរដ្ឋមន្ត្រីអេហ្ស៊ីបរូបនោះនិយាយថា ប្រសិនបើនរណាមួយនិយាយអាក្រក់ពីអេហ្ស៊ីប នោះរូបគេគួរតែអារក។ បើនរណាម្នាក់និយាយអាក្រក់ពីប្រទេសយើងតើទុកគេធ្វើអី? ដោយធ្វើដៃជាសញ្ញានៃការអារក លោកស្រីថាជនបែបនោះគួរតែកាត់ក្បាល។
លោកស្រីថ្លែងបែបនេះក្នុងសុន្ទរកថាមួយនាទីក្រុងតូរ៉ុងតូ ក្នុងឱកាសនៃការជួបជុំជាមួយបណ្ដាអណិកជនអេហ្សុីបរស់នៅក្នុងទីក្រុងសេដ្ឋកិច្ចនេះរបស់កាណាដា។ ពាក្យពេចន៏លោកស្រិត្រូវបានគេចាត់ទុកថា គ្រោះថ្នាក់និងមិនអាចទទួលយកបាន។ វីដេអូមួយពីការថ្លែងរបស់លោកស្រីចេញផ្សាយតាមTWITTERកាលពីថ្ងៃទី២៤កក្កដា មានអ្នកចូលមើលដល់ជាង១៤៤.០០០នាក់៕ (កែសម្រួលដោយ ៖ បុប្ផា)
ចែករំលែកព័តមាននេះ