ខេត្តរតនគិរី ៖ យុវជនម្នាក់ ត្រូវបក្សពួកជនពាលមួយក្រុមចាប់អារ.កសម្លាប់យ៉ាងឃោរឃៅ នៅម្តុំខ្ទមអ្នកតាជួងបឹងកន្សែង ហើយក្រុមជនដៃដល់បានរត់គេចខ្លួនអស់ ដែលសមត្ថកិច្ចកំពុងស្រាវជ្រាវរកមុខសញ្ញាតាមចាប់ខ្លួនយកមកផ្តន្ទាទោសតាមច្បាប់ ។ ហេតុការណ៍អារ.កសម្លាប់ បានបង្កការភ្ញាក់ផ្អើលកាល
ពីវេលាម៉ោងប្រមាណ៩យប់ថ្ងៃទី២៣ កក្កដា នៅក្បែរខ្ទមអ្នកតាជួងបឹងកន្សែង ស្ថិតក្នុងភូមិទេសអន្លង់ សង្កាត់បឹងកន្សែង ក្រុងបានលុង ។ ករណីនេះ សង្ឃឹមនឹងរកឃើញក្រុមជនដៃដល់បានឆាប់ៗ ព្រោះជន
រងគ្រោះម្នាក់បានរួចផុតពីការសម្លាប់យ៉ាងសាហាវនេះ ហើយសមត្ថកិច្ចកំពុងធ្វើការសាកសួរនាំផងដែរ។
ការសម្លាប់គ្នានេះ សមត្ថកិច្ចកំពុងធ្វើការស្រាវជ្រាវរកមូលហេតុ និងតាមចាប់ក្រុមជនដៃដល់ដែលកំពុងរត់គេចខ្លួននិងមិនទាន់ដឹងថា មានគ្នាប៉ុន្មាននាក់នៅឡើយទេ ។ ប្រភពពីសមត្ថកិច្ចថា ជនរងគ្រោះមានគ្នា២
នាក់ ហើយម្នាក់រងរបូសស្រាលបានរត់រួចមក ព្យាបាលនៅមន្ទីរពេទ្យបង្អែកខេត្ត ឯម្នាក់ទៀតបានស្លាប់បាត់បង់ជីវិតពេលបញ្ជូនដល់មន្ទីរពេទ្យ។
ប្រភពដដែលបន្តថា ជនរងគ្រោះដែលស្លាប់ឈ្មោះ អេង រដ្ឋា អាយុ១៨ឆ្នាំ រស់នៅភូមិថារងជង ឃុំអូរជុំ ស្រុកអូរជុំ ជាកូនអភិបាលរងស្រុកអូរជុំ ។ ឯជនរងគ្រោះម្នាក់ទៀត សមត្ថកិច្ចកំពុងសាកសួរនៅអធិការដ្ឋាននគរបាលក្រុងបានលុង តែនៅមិនទាន់ដឹងពីអត្តសញ្ញាណនៅឡើយទេ ។
ចែករំលែកព័តមាននេះ