ទិវាធានារ៉ាប់រង លើកទី១ ត្រូវបានប្រារព្ធធ្វើឡើងនៅថ្ងៃទី ២៥ ខែកក្កដា ឆ្នាំ ២០១៩ នៅសណ្ឋាគារសុខាភ្នំពេញ ហើយក្រុមហ៊ុន អេច.អាយ-ម៉ាយក្រូអ៊ិនសួរេន…
ទិវាធានារ៉ាប់រង លើកទី១ ត្រូវបានប្រារព្ធធ្វើឡើងនៅថ្ងៃទី ២៥ ខែកក្កដា ឆ្នាំ ២០១៩ នៅសណ្ឋាគារសុខាភ្នំពេញ ហើយក្រុមហ៊ុន អេច.អាយ-ម៉ាយក្រូអ៊ិនសួរេន ម.ក បានរៀបចំស្តង់មួយដើម្បីចូលរួមតាំងពិព័រណ៍ធានារ៉ាប់រងនៅក្នុងពិធីនោះផងដែរ ។
លោក ការីន ថុងស៊ីរី (KARIN THONGSIRI) នាយកប្រតិបត្តិក្រុមហ៊ុន អេច.អាយ-ម៉ាយក្រូអ៊ិនសួរេន ម.ក បានឱ្យដឹងថា នេះជាឱកាសដ៏ល្អមួយដែលក្រុមហ៊ុនបានមកចូលរួមតាំងពិពណ៍នាថ្ងៃនេះ ។ ផលិតផលទីមួយរបស់ក្រុមហ៊ុន គឺ RVI ដែលជាសេវាកម្មធានារ៉ាប់រងគ្រោះថ្នាក់ចរាចរណ៍តាមដងផ្លូវ ដោយក្រុមហ៊ុនព្យាបាលទៅលើអ្នករងរបួសដែលកើតឡើងដោយសារគ្រោះថ្នាក់ចរាចរណ៍ ។
លោកបន្តថា សេវាកម្មធានារ៉ាប់រងរបស់លោកមិនដូចធានារ៉ាប់រងរបស់ក្រុមហ៊ុនដទៃនោះទេ ហើយនេះជាលើកដំបូងដែលមាននៅក្នុងប្រទេសកម្ពុជា ចំណែកឯនៅប្រទេសថៃមានរយៈពេល ២៨ ឆ្នាំមកហើយ ។ ទាក់ទងទៅនឹងតម្លៃធានារ៉ាប់រងវិញលោកបញ្ជាក់ឱ្យដឹងថា បងប្អូននៅស្រុកខ្មែរអាចមានលទ្ធភាពទិញបាន ។
សូមរំឭកផងដែរថា ក្រុមហ៊ុនធានារ៉ាប់រង អេច.អាយ-ម៉ាយក្រូអ៊ិនសួរេន ម.ក បង្កើតឡើងនៅថ្ងៃទី២៩ ខែឧសភា ឆ្នាំ ២០១៧ ។ កញ្ចប់ RVI គឺជាសេវាធានារ៉ាប់រងជនរងគ្រោះដែលរងគ្រោះថ្នាក់ចរាចរណ៍នៅលើដងផ្លូវនៅក្នុងប្រទេសកម្ពុជា ។ លក្ខណៈពិសេសនៃសេវាធានារ៉ាប់រងនេះ គឺជនរងគ្រោះទាំងសងខាង រួមទាំងអ្នកថ្មើរជើង ឬភាគីពាក់ព័ន្ធក្នុងគ្រោះថ្នាក់ចរាចរណ៍ទាំងអស់ នឹងត្រូវបានការការពារ (សំណង) ដោយR VI ។
ជនរងគ្រោះទាំងអស់មិនបាច់ចំណាយពេលឈ្លោះប្រកែកគ្នា រកខុសរកត្រូវឡើយ ពោលគឺក្រុមហ៊ុនធានារ៉ាប់រង នឹងចេញថ្លៃសំណងលើការព្យាបាល និងហិរញ្ញវត្ថុ ។ ការស្វែងរកខុសត្រូវទុកឲ្យប៉ូលិសស៊ើបអង្កេតពេលក្រោយ ។ ការសម្រេចបង្កើត RVI គឺដោយសារអត្រាគ្រោះថ្នាក់ចរាចរណ៍នៅកម្ពុជានៅលើដងផ្លូវ នៅមានកម្រិតខ្ពស់ដែលជាមូលហេតុសំខាន់ធ្វើឲ្យមានអត្រាមនុស្សស្លាប់ និងពិការភាពច្រើន ព្រមទាំងក្លាយជាបន្ទុកផ្នែកហិរញ្ញវត្ថុដល់ក្រុមគ្រួសារ ។
ជនរងគ្រោះនឹងទទួលបានសំណងពី RVI លើ ៖ ការព្យាបាលរបួស, ពិការភាព និងបាត់បង់ជីវិត ។ ដោយឡែកតារាងតម្លៃ RVI តាមប្រភេទយានយន្ត ៖ ១៧ ដុល្លារអាមេរិក/ឆ្នាំ សម្រាប់ម៉ូតូ, ២០ ដុល្លារអាមេរិក/ឆ្នាំ សម្រាប់រ៉ឺម៉កកង់បី ឬម៉ូតូ + ផ្នែកបន្ថែម (បន្ថែមកង់), ៧០ ដុល្លារអាមេរិក/ឆ្នាំ សម្រាប់រថយន្ត/យានយន្តកង់ ៤ ផ្សេងៗ (អ្នកដំណើរមិនលើស ៥ នាក់), ៨០ ដុល្លារអាមេរិក/ឆ្នាំ សម្រាប់រថយន្ត/យានយន្តកង់ ៤ ផ្សេងៗ (អ្នកដំណើរលើស ៥ នាក់) និង ៩០ ដុល្លារអាមេរិក/ឆ្នាំ សម្រាប់យានយន្តផ្សេងៗដែលមានកង់ច្រើនជាង ៤ ។
អត្ថប្រយោជន៍នៃការការពារពី RVI ៖
- ការព្យាបាលវេជ្ជសាស្ត្រ (ចំណាយថ្លៃពេទ្យ, ថ្នាំសង្កូវនឹងការព្យាបាលលើរបួស) ៖ ៥៨០$/សម្រាប់មនុស្សម្នាក់
- ស្លាប់ ឬពិការភាព (ពិការភាពជាអចិន្ត្រៃយ៍នៃសរីរាង្គសំខាន់ចំនួន២) ៖ ៣០០០$
- ពិការភាព៖ (ពិការភាពជាអចិន្ត្រៃយ៍នៃសរីរាង្គសំខាន់១ ឬសរីរាង្គផ្សេងៗ) ៖ ១៦០០$
- បាត់បង់គន្លាក់ម្រាមណាមូយ ដូចជាម្រាមដៃឬជើង ៖ ១៣០០$
- ថ្លៃសម្រាប់ការស្នាក់នៅមន្ទីរពេទ្យ ៖ ៥$/១ថ្ងៃ ខណៈដេកសម្រាកនៅមន្ទីរពេទ្យរយៈពេល១០ថ្ងៃ
- សំណងខ្ពស់បំផុតសម្រាប់ក្នុងមួយករណី ៖ ៥០០០$ ។
សម្រាប់ព័ត៌មានបន្ថែមសូមទាក់ទងមកកាន់ក្រុមហ៊ុន H.I MICRO- INSURANCE PLC (ក្រុមហ៊ុន អេច.អាយ ម៉ាយក្រូអ៊ិនសួរេន ម.ក) ដែលមានទីតាំងផ្ទះលេខ៣៣ ផ្លូវ ៣៣៧ខណ្ឌទួលគោក ភ្នំពេញ ឬតាមរយៈលេខទូរស័ព្ទ 1800 208877ឬ 023 888 777 , Facebook : rvi.cam , Line : rvi.cam ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ