សហរដ្ឋអាមេរិក ៖ អ្នកតំណាងពាណិជ្ជកម្មអាមេរិកលោក Robert Lighthizer និងមន្ត្រីជាន់ខ្ពស់អាម៉េរិកជាច្រើនរូបគ្រោងនឹងធ្វើដំណើរទៅកាន់ប្រទេសចិននៅថ្ងៃចន្ទសប្តាហ៍ក្រោយសម្រាប់ការចរចារពាណិជ្ជកម្មកម្រិតខ្ពស់និងឈានមុខគេរវាងមហាអំណាចសេដ្ឋកិច្ចធំជាងគេទាំង 2 នៅលើពិភព បន្ទាប់ពីការចរចាររវាងមហាអំណាចចិននិងអាមេរិក បានបរាជ័យក្នុងខែឧសភាកន្លងទៅនោះ…
សហរដ្ឋអាមេរិក ៖ អ្នកតំណាងពាណិជ្ជកម្មអាមេរិកលោក Robert Lighthizer និងមន្ត្រីជាន់ខ្ពស់អាម៉េរិកជាច្រើនរូបគ្រោងនឹងធ្វើដំណើរទៅកាន់ប្រទេសចិននៅថ្ងៃចន្ទសប្តាហ៍ក្រោយសម្រាប់ការចរចារពាណិជ្ជកម្មកម្រិតខ្ពស់និងឈានមុខគេរវាងមហាអំណាចសេដ្ឋកិច្ចធំជាងគេទាំង 2 នៅលើពិភព បន្ទាប់ពីការចរចាររវាងមហាអំណាចចិននិងអាមេរិក បានបរាជ័យក្នុងខែឧសភាកន្លងទៅនោះ ។ នេះបើយោងាតាមការចុះផ្សាយរបស់ភ្នាក់ងារ Bloomberg ចុះថ្ងៃទី ២៤ ខែកក្កដា ។
លោក Robert Lighthizer និងក្រុមការងាររបស់លោកនឹងទៅដល់ទីក្រុងសៀងហៃនិងស្នាក់នៅរហូតដល់ថ្ងៃពុធ ។ នេះបើយោងតាមប្រភពដែលបានដឹងពីផែនការតែសុំមិនបញ្ចេញឈ្មោះបានប្រាប់ទៅភ្នាក់ងារសារព័ត៌មានខាងលើ ។ មន្ត្រីរដ្ឋបាលជាន់ខ្ពស់មួយរូបបាននិយាយថាកិច្ចប្រជុំនេះនឹងមានការពិភាក្សាដ៏ទូលំទូលាយមួយអំពីបញ្ហាដែលកំពុងលេចធ្លោនិងមិនត្រូវបានរំពឹងថានឹងអាចបញ្ចប់ញ្ហាដ៏ធំធេងនោះទេ។
លោកប្រធានាធិបតីអាមេរិក Donald Trump និងសមភាគីចិនលោកស៊ី ជីនពីង បានជួបប្រជុំគ្នានៅឯកិច្ចប្រជុំកំពូលនៃក្រុមប្រទេស G20 នៅប្រទេសជប៉ុនកាលពីខែមុនហើយបានប្រកាសថានឹងមានបទឈប់បាញ់គ្នាមួយនៅក្នុងសង្គ្រាមពាណិជ្ជកម្មរយៈពេលមួយឆ្នាំរបស់ពួកគេដែលបានធ្វើប៉ះពាល់សេដ្ឋកិច្ចពិភពលោក ក៏ដូចជាកសិករអាមេរិកនិងអ្នកវិនិយោគិននៅចិនដែលប្រឈមមុខនឹងការយកពន្ធដ៏ធ្ងន់ករដោយអាមេរិកនោះ ។ មេដឹកនាំបានដឹកនាំអ្នកចរចារបស់ពួកគេដើម្បីបន្តកិច្ចចរចាពាណិជ្ជកម្ម។ ចាប់តាំងពីពេលនោះមករដ្ឋលេខាធិការក្រសួងរតនាគារអាមេរិកើលោក Steven Mnuchin, Lighthizer និងសមភាគីចិនបាននិយាយគ្នាតាមទូរស័ព្ទជាបន្តបន្ទាប់
យោងតាមមន្ត្រីរដ្ឋបាលជាន់ខ្ពស់ចិន បានឲ្យដឹងថាថ្នាក់ដឹកនាំចិនបានស្នើសុំឱ្យកិច្ចប្រជុំឡើងវិញនេះ ត្រូវប្រព្រឹត្តទៅនៅទីក្រុងសៀងហៃ ជាជាងធ្វើនៅទីក្រុងប៉េកាំង។ ក្រសួងការបរទេសនិងពាណិជ្ជកម្មរបស់ចិនមិនបានឆ្លើយតបភ្លាមៗចំពោះសំណើសុំការបំភ្លឺទេជុំវិញកិច្ចប្រជុំនាថ្ងៃច័ន្ទខាងមុខនេះទេ ។
កិច្ចចរចានេះនឹងចាប់ផ្តើមឡើងវិញ នៅខណៈពេលនយោបាយដ៏រសើបមួយ ព្រោះលោកប្រធានាធិបតីចិន លោកស៊ី បានប្រមូលផ្តុំពួកអ្នកចាស់ទុំនៅក្នុងពិធីមួយរៀបចំនៅតំបន់រមណីយដ្ឋានសមុទ្រលឿង Beidaihe សម្រាប់កិច្ចប្រជុំស្តពី «ការដកគោលនយោបាយប្រចាំឆ្នាំ»។
យ៉ាងណាមិញ ការចរចារហាក់សង្ឃឹមថាមានផ្លែផ្កាច្រើន ខណៈដែលបក្សកុម្មុយនីសចិនមានការអត់ធ្មត់ខ្លាំងជាងមុនជាមួយអ្វីដែលខ្លួនមើលឃើញថាជាការជ្រៀតជ្រែករបស់រដ្ឋបាលលោក Trump ក្នុងកិច្ចការផ្ទៃក្នុងរបស់ខ្លួន។ កាលពីថ្ងៃអង្គារ៍ ក្រសួងការបរទេសចិនបានចោទប្រកាន់សហរដ្ឋអាមេរិកថាជា «ដៃខ្មៅ» នៅពីក្រោយភាពចលាចលនៅទីក្រុងហុងកុង ខណៈក្រុមយោធាបាននិយាយនៅក្នុងក្រដាសពណ៌សថាក្រុងវ៉ាស៊ីនតោនបានធ្វើឱ្យអន្តរាយដល់ស្ថេរភាពជាយុទ្ធសាស្ត្រសកល។
ជាមួយនឹងដំណឹងនៃការចរចារឡើងរវាងមហាអំណាចទាំងពីរថានឹងធ្វើនៅថ្ងៃច័ន្ទ សប្តាហ៍ក្រោយនោះ គឺគេឃើញថាភាគហ៊ុនបានកើនឡើង។ ហើយ S & P 500 បានកើនស្ទើរតែ 0.7% នៅញូវយ៉ក។ ភាគហ៊ុនរបស់ចិនបានកើនឡើងកាលពីថ្ងៃពុធដោយសន្ទស្សន៍សំខាន់ៗទាំងអស់បានកើនឡើងនៅពេលព្រឹកដោយសារព័ត៌មាននៃការចរចាជាថ្មីមុនពេលដកចេញវិញនូវសន្ទស្សន៍សំខាន់ៗដែលបានកោះនឡើង ។ (កែសម្រួលដោយ ៖ បុប្ផា)
ចែករំលែកព័តមាននេះ