ខេត្តកំពង់ឆ្នាំង ៖ តាមសេចក្តីរាយការណ៍បឋមបានឱ្យដឹងថា ភ្លៀងលាយឡំនឹងខ្យល់កន្ត្រាក់បណ្តាលអោយផ្ទះប្រជាពលរដ្ឋ២ខ្នងនៅក្នុងស្រុកចំនួន២ ដួលរលំបាក់រាបដល់ដី ។ ហេតុការណ៍នេះបានកើតឡើងនៅល្ងាចនិងយប់ថ្ងៃទី២៣ ខែកក្កដា ឆ្នាំ២០១៩ នៅស្រុកសាមគ្គីមានជ័យ…
ខេត្តកំពង់ឆ្នាំង ៖ តាមសេចក្តីរាយការណ៍បឋមបានឱ្យដឹងថា ភ្លៀងលាយឡំនឹងខ្យល់កន្ត្រាក់បណ្តាលអោយផ្ទះប្រជាពលរដ្ឋ២ខ្នងនៅក្នុងស្រុកចំនួន២ ដួលរលំបាក់រាបដល់ដី ។ ហេតុការណ៍នេះបានកើតឡើងនៅល្ងាចនិងយប់ថ្ងៃទី២៣ ខែកក្កដា ឆ្នាំ២០១៩ នៅស្រុកសាមគ្គីមានជ័យ និងស្រុកកំពង់លែង ។
យោងសេចក្តីរាយការណ៍របស់អាជ្ញាធរមូលដ្ឋានបានអោយដឹងថា៖ ករណីទី១-នៅវេលាម៉ោង៦និង១០នាទីល្ងាចថ្ងៃទី២៣ កក្កដា នៅភូមិស្រែឫស្សី ក្នុងឃុំឈានឡើង ស្រុកសាមគ្គីមានជ័យ មានភ្លៀង និងខ្យល់កន្ក្រាក់ បណ្តាលអោយផ្ទះមួយខ្នងរលំបាករាបដល់ដី មានម្ចាស់ឈ្មោះ សាន់ តុន ភេទប្រុស អាយុ៦០ឆ្នាំ មានកូន៣នាក់រស់នៅក្នុងបន្ទុកគ្រួសារ ។ ផ្ទះដែលរងការខូចខាតនេះធ្វើអំពីឈើ មានទំហំ៤ម៉ែត្រគុណ៥ម៉ែត្រ ជញ្ជាំងក្តារ ប្រក់ស័ង្កសី។ ក្រៅពីនៅមានសម្ភារៈមួយចំនួនក្នុងផ្ទះបានរងការខូចខាតផងដែរ ។
ករណីទី២-នៅវេលាម៉ោង៨យប់ថ្ងៃទី២៣ កក្កដា ផ្ទះប្រជាពលរដ្ឋមួយខ្នងទៀតមានទទឹង៤ម៉ែត្រ និងបណ្តោយ៦ម៉ែត្របានដួលរលំបាក់រាបដល់ដីដោយសារភ្លៀងនិងខ្យល់ ។ ផ្ទះនេះជាកម្មសិទ្ឋរបស់ឈ្មោះ ជា ស្រីម៉ៅ អាយុ២៩ឆ្នាំ ជាស្ត្រីមេម៉ាយ រស់ជាមួយកូន៣នាក់ ស្ថិតក្នុងភូមិដំបូកកកោះ ឃុំពោធិ ស្រុកកំពង់លែង ខេត្តកំពង់ឆ្នាំង ។
ចំពោះករណីផ្ទះទាំង២ខ្នងដែលរងការខូចខាតដោយសារភ្លៀងនិងខ្យល់កន្ត្រាក់ខាងលើនេះ ត្រូវបានសាខាកាកបាទក្រហមខេត្តស្រង់ឈ្មោះម្ចាស់ផ្ទះរងគ្រោះអស់ហើយ នឹងត្រៀមយកអំណោយទៅប្រគល់ជូនក្នុងពេលឆាប់ៗនេះផងដែរ ៕ (កែសម្រួលដោយ ៖ ធីតា)
ចែករំលែកព័តមាននេះ