ខេត្តសៀមរាប ៖ កងរាជអាវុធហត្ថខេត្ត សហការជាមួយកងរាជអាវុធហត្ថស្រុកសូទ្រនិគម ដឹកនាំដោយលោកវរសេនីយ៍ឯក ថា ដាលុច មេបញ្ជាការងកងរាជអាវុធហត្ថខេត្ត ដោយមានការចង្អុលបង្ហាញពីលោកឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្ត បានបង្ក្រាបបទល្មើសគ្រឿងញៀនទ្រង់ទ្រាយធំមួយនៅទឹកដីស្រុកសូទ្រនិគម ក្រោមវិធានញុះញង់ ។ ការឃាត់ខ្លួនក្រុមជួញដូរគ្រឿងញៀនដ៏ធំនៅក្នុងទឹកដីស្រុកសូទ្រនិគមនោះ ធ្វើឡើងកាលពីវេលាម៉ោងប្រមាណ១១យប់ថ្ងៃទី១៩ ខែកក្កដា កន្លងទៅ នៅភូមិតាយ៉ែក ឃុំតាយ៉ែក ។
លោកវរសេនីយ៍ទោ ធាវ ច័ន្ទដារ៉ា នាយការិយាល័យប្រឆាំងគ្រឿញៀននៃកងរាជអាវុធហត្ថខេត្ត បានប្រាប់ឲ្យដឹងថា ការបង្ក្រាបនេះគឺក្រោមការសម្របសម្រួលនីតិវិធីដោយលោក កើត វណ្ណរ៉េត ព្រះរាជអាជ្ញាអមសាលាដំបូងខេត្ត និងបានឃាត់ខ្លួនជនសង្ស័យចំនួន១៣នាក់ ដកហូតវត្ថុតាងសារធាតុញៀនជាង១គីឡូ
ក្រាម រួចបញ្ជូនមកកាន់បញ្ជាការដ្ឋានកងរាជអាវុធហត្ថខេត្ត ដើម្បីសាកសួរនិងកសាងសំណុំរឿងបញ្ជូនទៅសាលាដំបូងខេត្ត ។
បន្ទាប់ពីសាកសួររួច សមត្ថកិច្ចក៏នាំយកមេខ្លោងលក់ថ្នាំញៀនឈ្មោះ ប៉ែន ធា ឱ្យសហការជាមួយកម្លាំងសមត្ថកិច្ច ដើម្បីទៅបង្ក្រាបបក្សពួកមេខ្លោងម្នាក់ទៀត នៅក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ ចាប់យកបានថ្នាំញៀនម៉ាទឹកកចំនួន៣០០ក្រាមថែមទៀត ទូរស័ព្ទដៃចំនួន២គ្រឿង និងឧបករណ៍ប្រើប្រាស់សារធាតុមួយចំនួន ។
ជនសង្ស័យទាំង១៣នាក់ និងវត្ថុតាងសារធាតុ ញៀនជាង១គីឡូក្រាម ដាវសាមូរ៉ៃ ព្រមទាំងទូរស័ព្ទដៃ និងឧបករណ៍សម្រាប់សេពគ្រឿងញៀន ត្រូវបានបញ្ជូនទៅសាលាដំបូងខេត្តនៅរសៀលថ្ងៃទី២៣ ខែកក្កដា ។
បញ្ហាគ្រឿងញៀនបច្ចុប្បន្នបានក្លាយជាបទឧក្រិដ្ឋមួយកើតមាននៅគ្រប់ទីកន្លែងមិនថា ទីក្រុងឬជនបទនោះទេ និងកំពុងបង្កការបារម្ភជាទូទៅ ពិសេសប៉ះពាល់ដល់អនាគតយុវជនមួយចំនួនដែលភ្លើតភ្លើននឹងការសប្បាយ ហើយប្រើប្រាស់វា ៕
ចែករំលែកព័តមាននេះ