ខេត្តកំពង់ស្ពឺ ៖ ហេតុការណ៍គ្រោះថ្នាក់ដ៏កម្រដែលបុរសម្នាក់ចាត់ទុកថា ជាសំណាងខ្លាំងណាស់ ខណៈកំពុងជិះម៉ូតូសុខៗ ស្រាប់តែរេចង្កូតដួលចូលទៅក្រោមរថយន្តមួយគ្រឿង តែមិនបណ្តាលឱ្យមានគ្រោះថ្នាក់ដល់អាយុជីវិតនោះទេ គ្រាន់តែរងរបួសតែប៉ុណ្ណោះ ។ ភ្លាមៗ…
ខេត្តកំពង់ស្ពឺ ៖ ហេតុការណ៍គ្រោះថ្នាក់ដ៏កម្រដែលបុរសម្នាក់ចាត់ទុកថា ជាសំណាងខ្លាំងណាស់ ខណៈកំពុងជិះម៉ូតូសុខៗ ស្រាប់តែរេចង្កូតដួលចូលទៅក្រោមរថយន្តមួយគ្រឿង តែមិនបណ្តាលឱ្យមានគ្រោះ
ថ្នាក់ដល់អាយុជីវិតនោះទេ គ្រាន់តែរងរបួសតែប៉ុណ្ណោះ ។ ភ្លាមៗ សមត្ថកិច្ចបានចុះអន្តរាគមន៍បញ្ជូនជន
រងគ្រោះទៅកាន់មន្ទីរពេទ្យ ចំណែកតៃកុងរថយន្តបានរត់គេចខ្លួនបាត់ស្រមោល ដោយមិនទាន់ដឹងពីមូលហេតុ។
ហេតុការណ៍ដ៏រន្ធត់នេះ កើតឡើងកាលពីវេលាម៉ោង០៤ និង៣២នាទីរសៀលថ្ងៃទី២២ កក្កដា ស្ថិតលើផ្លូវ ជាតិលេខ4 ចន្លោះគីឡូម៉ែត្រលេខ40-41 ត្រង់ចំណុចភូមិចំការរដ្ឋឃុំវល្លិសរ ស្រុកសំរោងទង ខេត្តកំពង់
ស្ពឺ ។
ប្រភពបន្តថា ភាគីម៉ូតូរងគ្រោះ ម៉ាកហុងដាសេ125 ស៊េរី2015 ពណ៌ខ្មៅ ពាក់ផ្លាកលេខស្វាយរៀង 1C-9953 អ្នកបើកបរឈ្មោះ ឈុន លៀង ភេទប្រុស អាយុ៤៨ឆ្នាំ រស់នៅភូមិតាំងស្រឡៅ ឃុំតាំងខ្យា ស្រុកភ្នំស្រួច ខេត្តកំពង់ស្ពឺ ។ ឯភាគីខាងរថយន្ត មិនស្គាល់អត្តសញ្ញាណឡើយ ។ ប្រភពបន្តថា មុនពេលកើតហេតុ គេឃើញភាគីម៉ូតូបើកបរមកពីទិសខាងកើត ទៅទិសខាងលិច មកដល់ចំណុចខាងលើ បានរេចង្កូតដួលខ្ទាតអ្នកបើកម៉ូតូចូលក្រោមរថយន្តម៉ាក ហ្វ៊ុយហ្សូ ពណ៌ខៀវ ពាក់ផ្លាកលេខ កំពង់ស្ពឺ 3A-1698 មានសណ្តោងរ៉ឺម៉ក ពាក់ផ្លាកលេខភ្នំពេញ 4B-0323 ។
ប្រភពបន្តថា រថយន្តកំពុងបើកបរទិសដៅពីកើតទៅលិច បណ្ដាលឲ្យអ្នកបើកម៉ូតូរងរបួសធ្ងន់ក្រោយកើតហេតុ អ្នកបើកបរចុះរត់គេចខ្លួនបាត់ បន្សល់តែវត្ថុតាងនៅកន្លែងកើតហេតុ ។ ចំពោះជនរងគ្រោះត្រូវ
បានសមត្ថកិច្ចបញ្ជូនទៅមន្ទីរពេទ្យកាលម៉ែត្ររាជធានីភ្នំពេញ។ ក្រោយពីធ្វើការវាស់វែងនិងកំណត់ហេតុរួចរាល់ចំពោះវត្ថុតាងទាំងពីរគ្រឿងម៉ូតូខូចខាតកម្រិតស្រាល ត្រូវបាននាំយកទៅ រក្សាទុកនៅអធិការដ្ឋាននគរបាលស្រុកសំរោងទង រង់ចាំការដោះស្រាយពេលក្រោយ ។ (សម្រួលដោយ៖ ស្រីណា)
ចែករំលែកព័តមាននេះ