Barcelona ប្រើអន្ទាក់សំណាញ់ថ្មីចង Messi រហូតដល់អាយុ…
តាមប្រភពព័ត៌មាន ESPN បានឱ្យដឹងថា ក្លិបអ្នកមានបុណ្យ Barcelona បាននិយាយជាមួយនឹង Lionel Messi ពីការពន្យាកុងត្រា ដើម្បីឱ្យ…
តាមប្រភពព័ត៌មាន ESPN បានឱ្យដឹងថា ក្លិបអ្នកមានបុណ្យ Barcelona បាននិយាយជាមួយនឹង Lionel Messi ពីការពន្យាកុងត្រា ដើម្បីឱ្យ…
តាមប្រភពព័ត៌មាន ESPN បានឱ្យដឹងថា ក្លិបអ្នកមានបុណ្យ Barcelona បាននិយាយជាមួយនឹង Lionel Messi ពីការពន្យាកុងត្រា ដើម្បីឱ្យ Messi នៅឱ្យបានកាន់តែយូរតទៅទៀត។
កីឡាករជើងខ្លាំង Lionel Messi អាយុ៣២ឆ្នាំ កំពុងតែនៅសល់កុងត្រា២ឆ្នាំទៀត ហើយពេលនេះ Barcelona ចង់ឱ្យរូបគេលេងឱ្យបានលើសពីឆ្នាំ២០២១។ វានឹងក្លាយទៅជាកុងត្រាទី១០ ដែលកីឡាករម្នាក់នេះចុះជាមួយនឹង Barcelona តាំងពីចូលលេងផ្លូវការជាលើកដំបូងនៅឆ្នាំ២០០៤។
នាយករបស់ Barcelona លោក Josep Maria Bartomeu នឹងដឹកនាំការចចារជាមួយនឹងឪពុករបស់ Messi លោក Jorge ដែលធ្វើជាភ្នាក់ងារ។ ក្នុងកុងត្រាបច្ចុប្បន្ន Barcelona អាចបន្តឱ្យ Messi នៅបានមួយឆ្នាំទៀតបន្ទាប់ពីផុតឆ្នាំ២០២១ តែខាងថ្នាក់ដឹកនាំ Barca ចង់បន្តកុងត្រាឱ្យបាន៤ឆ្នាំលើសពីនេះ រហូតដល់អាយុ៣៦ឆ្នាំ។
គួរបញ្ជាក់ផងដែរថា Messi ធ្លាប់បាននិយាយថា គេចង់ចូលបញ្ចប់អាជីពជាកីឡាករបាល់ទាត់នៅត្រឹមក្លិប Barcelona ដែលគេបានហៅថាជាផ្ទះរបស់គេ។ Jordi Alba និង Sergio Busquets សុទ្ធតែបានពន្យាកុងត្រានៅរដូវកាលមុន លើកលែងតែ Rafinha ដែលផុតកុងត្រាសម្រាប់រដូវកាលខាងមុខនេះ។ Ivan Rakitic, Arturo Vidal និង Luis Suarez សុទ្ធតែមានកុងត្រាផុតនៅឆ្នាំ២០២១ ដូចទៅនឹង Messi ដែរ៕
ប្រភព ៖ espn , កែសម្រួលដោយ ៖ សំណាង
ចែករំលែកព័តមាននេះ