រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បុរសម្នាក់ស្រវឹងស្រាចោទស្រីខារ៉ាអូខេ ថាយកទូរស័ព្ទដៃរបស់គាត់បានវាយនាងសន្លប់ស្តូក ត្រូវបានអ្នកធ្វើការក្នុងខារ៉ាអូខេព្រួតគ្នាវាយវិញហូរឈាមស្រោចពេញខ្លួន បង្កឲ្យមានការភ្ញាក់ផ្អើល កាលពីវេលាម៉ោង១២និង១៥នាទីរំលងអធ្រាត្រឈានចូលថ្ងៃទី២៣ ខែកក្កដានេះ នៅផ្លូវ២០០៤…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បុរសម្នាក់ស្រវឹងស្រាចោទស្រីខារ៉ាអូខេ ថាយកទូរស័ព្ទដៃរបស់គាត់បានវាយនាងសន្លប់ស្តូក ត្រូវបានអ្នកធ្វើការក្នុងខារ៉ាអូខេព្រួតគ្នាវាយវិញហូរឈាមស្រោចពេញខ្លួន បង្កឲ្យមានការភ្ញាក់ផ្អើល កាលពីវេលាម៉ោង១២និង១៥នាទីរំលងអធ្រាត្រឈានចូលថ្ងៃទី២៣ ខែកក្កដានេះ នៅផ្លូវ២០០៤ (ម៉ៃដា) កែងស្តប់វត្តអង្គតាមិញ ដែលស្ថិតនៅភូមិត្រពាំងល្វា សង្កាត់កាកាបទី១ ខណ្ឌពោធិ៍សែនជ័យ ។
សេចក្តីរាយការណ៍បានបន្តថា បុរសរងរបួសឈ្មោះ សូរ ភៀង អាយុ៣៣ឆ្នាំ មានស្រុកកំណើតនៅភូមិស្រែធំឃុំជ្រៃបាក់ស្រុករលាប្អៀរ ខេត្តកំពង់ឆ្នាំង ។ ចំណែកនារីរងគ្រោះឈ្មោះ ភ. ស.ណ អាយុ២០ឆ្នាំ មុខរបរបុគ្គលិកខារ៉ាអូខេ ត្បូងពេជ្យ ។
តាមប្រភពព័ត៌មានពីស្ត្រីរងគ្រោះជាស្រីខារ៉ាអូខេបាននិយាយប្រាប់ថា នៅមុនពេលកើតហេតុ ពួកគាត់បានឃើញបុរសខាងលើជិះម៉ូតូកង់បីមួយគ្រឿង២នាក់តៃកុងកង់បី បានចុះមុខហាងរបស់គាត់តែម្នាក់ឯង យីហោត្បូងពេជ្យ តែបុរសខាងលើមិនបានចូលផឹកស៊ីនៅហាងនោះឡើយ ដោយនិយាយជាមួយនារីខារ៉ាអូខេដែលអង្គុយមុខហាងយីហោត្បូងពេជ្រថា គាត់មិនចូលទៀតទេ ព្រោះគាត់ទើបចេញពីខារ៉ាអូខេកន្លែងផ្សេង មិនអាចចូលផឹកបានទេ ហើយបន្ទាប់មកបុរសខាងលើបានអោយលុយទៅនារីដែលអង្គុយមុខហាងខាងលើ ក្នុងមួយនាក់ចំនួន១ពាន់រៀល សម្រាប់ទិញទឹកសុទ្ធហូប ចំណែកនារីរងគ្រោះគាត់បានអោយលុយចំនួន២ពាន់រៀលលើសគេ។
ប្រភពព័ត៌មានបានបន្តទៀតថា ខណៈភ្លាមៗនោះដែរបុរសដែលស្រវឹងស្រាខាងលើបានប្រាប់ថា គាត់បាត់ទូរស័ព្ទដៃនៅកន្លែងមុខហាងខារ៉ាអូខេខាងលើ ហើយនិយាយទៅនារីរងគ្រោះថា គាត់អោយលុយ២ម៉ឺនរៀលហើយ ម៉េចបានយកទូរស័ព្ទគាត់ទៀត នារីរងគ្រោះគាត់ថា មិនដឹងឡើយ ហើយលុយដែលអោយមានតែ២ពាន់រៀលទេ ម៉េចបានថា២ម៉ឺនច្រឡំទេអី ? ហើយចោទថា យកទូរស័ព្ទគាត់ទៀតបន្ទាប់មកនារីរងគ្រោះបានបោះលុយចំនួន២ពាន់អោយវិញ ចំណែកបុរសខាងលើបានវាយនារីរងគ្រោះមួយដៃ បណ្តាលអោយបែកមាត់សន្លប់ស្តូកនៅមុខហាងខារ៉ាអូខេតែម្តង ហើយបុរសខាងលើបានដើរចេញត្រូវគេដេញវាយនឹងចាក់ បណ្តាលអោយឈាមហូរស្រោចពេញខ្លួន ។ ភ្លាមៗនោះនារីរងគ្រោះត្រូវបានមិត្តភក្ដិនាំយកទៅសង្គ្រោះនៅមន្ទីរពេទ្យជិតកន្លែងកើតហេតុ ហើយចំណែកឯបុរសខាងលើវិញត្រូវបានសមត្ថកិច្ចហៅរថយន្តសង្គ្រោះភ្លាមៗផងដែរ ។
សមត្ថកិច្ចបានសាកសួរបុរសដែលមានរបួសបាននិយាយប្រាប់ថា គាត់ទើបចេញពីហាងផឹកស៊ីកន្លែងផ្សេង ដោយជិះម៉ូតូកង់បី តាមបណ្តោយផ្លូវ២០០៤ខាងលើដោយមានក្មេងៗហាងខារ៉ាអូខេខាងលើដេញកង់បីនឹងឡើងជិះជាមួយគាត់ ហើយគាត់បានឈប់នៅមុខហាងយីហោ ត្បូងពេជ្រ បាននិយាយលេងជាមួយនារីខារ៉ាអូខេនឹងអោយលុយទិញទឹកសុទ្ធទៀតផង ហើយបន្ទាប់មកស្រាប់តែបាត់ទូរស័ព្ទរបស់គាត់ម៉ាកហៃយ៉ា តែសួរនាំទៅបែរជានារីខារ៉ាអូខេខាងលើ វាយគាត់២ដៃ ហើយគាត់ទប់អត់បានដាល់មួយដៃចំមាត់ដួលតែម្តង ខណៈពេលភ្លាមៗនោះ ស្រាប់តែឃើញបក្សពួកហាងខាងលើដេញវាយនឹងចាក់ តែម្តងដោយគាត់រត់មិនរួចឡើយ ៕ កែសម្រួលដោយ ៖ សុឃាក់
ចែករំលែកព័តមាននេះ