រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា តាមអង្គភាពអ្នកនាំពាក្យរាជរដ្ឋាភិបាល នឹងរៀបចំសន្និសីទសារព័ត៌មាន ស្តីពីព័ត៌មានក្លែងក្លាយអន្តរាយដល់សន្តិសុខជាតិ នៅវេលាម៉ោង៩និង៣០នាទីព្រឹកថ្ងៃទី២៥ ខែកក្កដានេះ នៅសាលប្រជុំទីស្ដីការគណៈរដ្ឋមន្ត្រី។ សន្និសីទនេះ…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា តាមអង្គភាពអ្នកនាំពាក្យរាជរដ្ឋាភិបាល នឹងរៀបចំសន្និសីទសារព័ត៌មាន ស្តីពីព័ត៌មានក្លែងក្លាយអន្តរាយដល់សន្តិសុខជាតិ នៅវេលាម៉ោង៩និង៣០នាទីព្រឹកថ្ងៃទី២៥ ខែកក្កដានេះ នៅសាលប្រជុំទីស្ដីការគណៈរដ្ឋមន្ត្រី។
សន្និសីទនេះ រៀបចំឡើងដើម្បីឆ្លើយតបនូវគោលការណ៍និងស្មារតីរួមនៃវិធានការប្រឆាំងនឹងព័ត៌មានប្រឌិតដ៏អាក្រក់បំផុតនៅកម្ពុជាដែលត្រូវបានបង្កើតឡើងជាបន្តបន្ទាប់។ ដូច្នេះ អង្គភាពអ្នកនាំពាក្យរាជរដ្ឋាភិបាលសូមប្រកាសដល់ជូនសាធារណជន ក៏ដូចជាបណ្ដាញសារព័ត៌មានគ្រប់និន្នាការទាំងអស់អាចចូលរួមយកព័ត៌មានដើម្បីផ្សព្វផ្សាយជាសាធារណៈ។
សូមបញ្ជាក់ថា វាគ្មិនដែលនឹងអញ្ជើញចូលរួម មានតំណាងក្រសួងការពារជាតិ, តំណាងក្រសួងការបរទេសនិងសហប្រតិបត្តិការអន្តរជាតិ និងតំណាងក្រសួងព័ត៌មាន ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ