ខេត្តបន្ទាយមានជ័យ ៖ បង្គោលភ្លើងដាក់ដល់ហើយមិនព្រមតបណ្តាញអោយប្រើប្រាស់ និងខ្សែភ្លើងដាក់មានភាពរញ៉េរញ៉ៃដែលព្រួយបារម្ភគ្រោះថ្នាក់កើតឡើងសុំខេត្តជួយដោះស្រាយដែលនេះជាការលើកឡើងក្នុងវេទិការនៅថ្ងៃទី២២ ខែកក្កដា ឆ្នាំ២០១៩ នៅក្រុងសិរីសោភ័ណ ។
ក្នុងពិធីវេទិការប្រជាពលរដ្ឋភូមិបី សង្កាត់ព្រះពន្លា បានលើកឡើងថា ស្រះសហគមន៍ដែលប្រជាពលរដ្ឋប្រើប្រាស់ទឹកនៅក្បែរមាត់ស្ទឹងព្រះពន្លា និងខាងលិចផ្សាររាត្រីត្រូវបានបុគ្គលម្នាក់ចាក់ដីលុបយកធ្វើកម្មសិទ្ធរយៈពេលជាង១០ឆ្នាំមកហើយ និងទឹកហូរធ្លាក់ពីខាងលើផ្នែកសាលាខេត្តបណ្តាលលេចលង់អ្នកខាងក្រោមភូមិបីរាល់ឆ្នាំនៅរដូវវស្សា ព្រោះតែប្រព័ន្ធលូតូចនិងស្ទះសុំអោយខេត្តជួយដោះស្រាយជូនប្រជាពលរដ្ឋផង ។
ប្រជាពលរដ្ឋភូមិដីឡូត៍សង្កាត់ទឹកផ្លាថា បង្គោលភ្លើងដាក់ដល់ហើយ តែមិនព្រមតបណ្តាញអោយប្រជាពលរដ្ឋប្រើប្រាស់ដែលជាភូមិមួយកណ្តាលក្រុងដែលអត់ភ្លើងប្រើប្រាស់ជាច្រើនឆ្នាំ។ ភូមិកោះពងសត្វ សង្កាត់ភ្នៀត ប្រជាពលរដ្ឋថា បណ្តាញអគ្គីសនីតមានធ្លាក់ខ្សែរញ៉េរញ៉ៃដែលប្រឈមគ្រោះថ្នាក់គ្រប់ពេលសុំអោយខេត្តជួយដោះស្រាយ ។
ប្រជាពលរដ្ឋភូមិភ្នំបាក់ សង្កាត់ទឹកថា ប្រជាពលរដ្ឋនៅក្បែរមណ្ឌលកែប្រែជីវិតថ្មីភ្នំបាក់បានបង្ហូទឹកស្អុយបណ្តាលមានក្លិនស្អុយជាច្រើនឆ្នាំមកហើយដែលប៉ះពាល់បរិស្ថាន និងប្រជាពលរដ្ឋក្រុងសិរីសោភ័ណសុំអោយបញ្ចុះតំលៃទឹកស្អាត និងបញ្ឈប់ការយកលុយថ្លៃថែទាំកុងទ័រទឹកស្អាតដែលគាត់ប្រើជិត២០ឆ្នាំហើយមិនដែលខូចគួរបញ្ឈប់យកលុយសេវាថែទាំ សុំខេត្តដោះស្រាយផង និងបង់ពន្ធដីធ្លីនៅសាខាពន្ធដាខេត្តបន្ទាយមានជ័យគឺបង់ពន្ធថ្លៃហើយបើគ្មានលុយសេវាក្រៅទេទុកជិត១ឆ្នាំទើបបាន ។
លោក អ៊ុ រាត្រី អភិបាលខេត្តបន្ទាយមានជ័យបានមានប្រសាសន៍ថា ការរៀបចំធ្វើវេទិការសាធារណៈនេះមានប្រជាពលរដ្ឋ និងអាជ្ញាធរមូលដ្ឋានបានចូលរួមប្រមាណជាង៣០០នាក់អោយចេញមានមតិរាល់បញ្ហាប្រឈមដើម្បីដោះស្រាយជូនដល់ប្រជាពលរដ្ឋ និងការជួបប្រាស្រ័យដោយផ្ទាល់ជាមួយប្រជាពលរដ្ឋនៅតាមមូលដ្ឋានរាល់ចម្ងល់ត្រូវបានអោយមន្ត្រីជំនាញបកស្រាយជូនអោយដឹង ៕
កែសម្រួលដោយ ៖ សំណាង
ចែករំលែកព័តមាននេះ