ស្រុកព្រៃនប់ ៖ សេចក្តីរាយការណ៍បឋមឱ្យដឹងថា អ្នកបើកម៉ូតូសណ្តោងរ៉ីម៉កម្នាក់ បានរងរបួសធ្ងន់ធ្ងរ ក្នុងហេតុការណ៍ចរាចរណ៍រវាងរថយន្តធុនធំមួយគ្រឿង កើតឡើងវេលាម៉ោងជាង១០ព្រឹកថ្ងៃទី២៣ កក្កដា នេះ ត្រង់ចំណុចមុខតំបន់ប្រត្តិបត្តការសិករងស្រុកជិតរង្វង់មូលសួនច្បារវាលរេញ ស្រុកព្រៃនប់ ។
ប្រភពបន្តថា អត្តសញ្ញាណជនរងគ្រោះខាងលើ មិនត្រូវបានស្គាល់ទេ ដោយភ្លាមៗត្រូវបានបងប្អូនជួយបញ្ជូនទៅសង្គ្រោះជីវិត ។ រីឯខាងរថយន្តក៏មិនត្រូវបានស្គាល់ដែរ ។ បើតាមការពិនិត្យនៅកន្លែងកើតហេតុ ទាំងរថយន្តនិងម៉ូតូរ៉ឺម៉ក គឺភាគីទាំងពីរអាចមានទិសដៅស្របគ្នា ហើយក៏ចង់បត់ដូចគ្នាផងដែរ តែដោយសារកៀកខ្លាំងគ្នាពេក ទើបបង្កឱ្យកើតគ្រោះថ្នាក់បែបនេះ ។
យ៉ាងណាក៏ដោយ សូមបងប្អូនជាអ្នកធ្វើដំណើរទាំងអស់ មេត្តាចូលរួមការពារជីវិតខ្លួនឯង និងជីវិតអ្នកដទៃផង ជាក់ស្តែង គ្រោះថ្នាក់ទាំងឡាយភាគច្រើន គឺកើតឡើងដោយសារតែមើលងាយពីស្ថានភាពគ្រោះថ្នាក់ ។ (សម្រួលដោយ៖ ស្រីណា)
ចែករំលែកព័តមាននេះ