ខេត្តក្រចេះ ៖ យ៉ាងហោចណាស់ ម៉ូតូចំនួន១១គ្រឿងនិងរថយន្តសាំយ៉ុង១គ្រឿង ដែលមន្ត្រីកងរាជអាវុធ ហត្ថអះអាងថា សុទ្ធសឹងជាមធ្យោបាយដឹកជញ្ជូនបទល្មើសព្រៃឈើ ត្រូវបានធ្វើការដុតកម្ទេចចោលកាលពីព្រឹកថ្ងៃទី២១ ខែកក្កដា នៅក្នុងស្រុកស្នួល…
ខេត្តក្រចេះ ៖ យ៉ាងហោចណាស់ ម៉ូតូចំនួន១១គ្រឿងនិងរថយន្តសាំយ៉ុង១គ្រឿង ដែលមន្ត្រីកងរាជអាវុធ ហត្ថអះអាងថា សុទ្ធសឹងជាមធ្យោបាយដឹកជញ្ជូនបទល្មើសព្រៃឈើ ត្រូវបានធ្វើការដុតកម្ទេចចោលកាលពីព្រឹកថ្ងៃទី២១ ខែកក្កដា នៅក្នុងស្រុកស្នួល ចំណុចក្បែរព្រំដែនវៀតណាម ដោយមានការដឹកនាំពីលោកឧត្តមសេនីយ៍ត្រី សាន្ត បុ៊នថាន មេបញ្ជាការកងរាជអាវុធហត្ថខេត្ត ។
នេះជាករណីបង្ក្រាបបទល្មើសព្រៃឈើដែលបានធ្វើឡើងយ៉ាងក្តៅគគុក ជាមួយនឹងវិធានការដ៏តឹងរុឹង ក្រោមការបញ្ជាដឹកនាំដោយផ្ទាល់ពីលោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងជាប្រធានគណៈកម្មការជាតិបង្ក្រាបបទល្មើសធនធានធម្មជាតិ ។
នេះជាដុតកម្ទេចមធ្យោបាយដឹកជញ្ជូនបទល្មើសេព្រៃឈើជាលើកទី២ហើយពីសំណាក់កម្លាំងកងរាជ អាវុធ ហត្ថខេត្ត ក្នុងប្រតិបត្តិការចុះបង្ក្រាបឈើខុសច្បាប់ និងរឹបអូសមធ្យោបាយ ដឹកជញ្ជូន ដែលបានធ្វើឡើងយ៉ាងក្តៅគគុកក្នុងអំឡុងរយៈពេល២ប្តាហ៍កន្លងមកនេះ ។ កាលពីលើកមុន មានរថយន្តបាកុងជាប្រភេទរថយន្តកែច្នៃចំនួន៩គ្រឿង ត្រូវបានដុតកម្ទេចចោលម្តងហើយ ៕ (សម្រួលដោយ៖ស្រីណា)
ចែករំលែកព័តមាននេះ