ទស្សនៈអ្នកញៀនសុរាខ្លះបានពោលថា ការផឹកសុរាបន្តិចបន្តួចគឺដើម្បីឱ្យបាយឆ្ងាញ់មិនមានទោសនោះទេ ទាល់តែផឹកច្រើនទើបមានទោស តែនៅក្នុងទ្រឹស្តីព្រះពុទ្ធសាសនាវិញមិនដូច្នោះទេលោកបានប្រដៅឲ្យមនុស្សវៀរចាកការសេពគ្រឿងស្រវឹងឱ្យស្រឡះ សូម្បីតែបន្តិចបន្តួចក៏ដោយ ព្រោះសុរានេះគឺជាប្រភពនៃសេចក្ដីវិនាសច្រើនបែបច្រើនយ៉ាងណាស់ដូចជា ៖ សុរានាំឲ្យវិនាសទ្រព្យសម្បត្តិ, សុរានាំឲ្យកើតជម្លោះ, សុរានាំឲ្យកើតរោគទាំងឡាយ,…
ទស្សនៈអ្នកញៀនសុរាខ្លះបានពោលថា ការផឹកសុរាបន្តិចបន្តួចគឺដើម្បីឱ្យបាយឆ្ងាញ់មិនមានទោសនោះទេ ទាល់តែផឹកច្រើនទើបមានទោស តែនៅក្នុងទ្រឹស្តីព្រះពុទ្ធសាសនាវិញមិនដូច្នោះទេលោកបានប្រដៅឲ្យមនុស្សវៀរចាកការសេពគ្រឿងស្រវឹងឱ្យស្រឡះ សូម្បីតែបន្តិចបន្តួចក៏ដោយ ព្រោះសុរានេះគឺជាប្រភពនៃសេចក្ដីវិនាសច្រើនបែបច្រើនយ៉ាងណាស់ដូចជា ៖
សុរានាំឲ្យវិនាសទ្រព្យសម្បត្តិ, សុរានាំឲ្យកើតជម្លោះ, សុរានាំឲ្យកើតរោគទាំងឡាយ, សុរា នាំឲ្យខូចឈ្មោះ, សុរាធ្វើឱ្យមនុស្សឆ្កួតវង្វេង, សុរានាំឲ្យមានការបង្ហាញកេរ្តិ៍ភេទឥតអៀនខ្មាស, សុរាធ្វើឱ្យបញ្ញាថយចុះ ។
មើលចុះគ្រួសារខ្លះ ប្ដីជាមនុស្សប្រមឹក ហើយវាយធ្វើបាបប្រពន្ធកូនបង្កហិង្សាក្នុងគ្រួសារ មិនគោរពសិទ្ធិគ្នាធ្វើឲ្យកូនខ្លះខូចចិត្តត្បិតខ្មាសអ្នកជិតខាងក៏ចេញពីផ្ទះ រហូតខ្លួនក្លាយជាក្មេងអនាថា ព្រោះវិបត្តិឪពុកម្ដាយ ។
ដូចនេះសូមជនគ្រប់រូបមានចេតនាវៀរចាកការផឹកទឹកស្រវឹង ហើយយកពេលវេលាដ៏មានតម្លៃទៅបំពេញភារកិច្ចតាមតួនាទីប្រកបដោយសតិសម្បជញ្ញៈ នោះសង្គមគ្រួសារនឹងមានពន្លឺសុភមង្គលប្រាកដ ។
ចែករំលែកព័តមាននេះ