ខេត្តក្រចេះ ៖ ក្រុមគ្រូពេទ្យជិត២០០នាក់ ដែលកំពុងតែបម្រើការងារនៅមន្ទីរពេទ្យបង្អែកខេត្តទទួលបានវគ្គសិក្ខាសាលា ដើម្បីបំប៉នបន្ថែមលើឯកទេសជំងឺគ្រុនឈាម ខណៈខេត្តតំបន់ប៉ែកឥសាន្តមួយនេះ បញ្ហាជំងឺគ្រុនឈាម ក៏កំពុងតែមានសភាពផ្ទុះរាតត្បាតគួរឲ្យព្រួយបារម្ភ រហូតធ្វើឲ្យអ្នកជំងឺយ៉ាងហោច៧នាក់ ក្នុងនោះ…
ខេត្តក្រចេះ ៖ ក្រុមគ្រូពេទ្យជិត២០០នាក់ ដែលកំពុងតែបម្រើការងារនៅមន្ទីរពេទ្យបង្អែកខេត្តទទួលបានវគ្គសិក្ខាសាលា ដើម្បីបំប៉នបន្ថែមលើឯកទេសជំងឺគ្រុនឈាម ខណៈខេត្តតំបន់ប៉ែកឥសាន្តមួយនេះ បញ្ហាជំងឺគ្រុនឈាម ក៏កំពុងតែមានសភាពផ្ទុះរាតត្បាតគួរឲ្យព្រួយបារម្ភ រហូតធ្វើឲ្យអ្នកជំងឺយ៉ាងហោច៧នាក់ ក្នុងនោះ ភាគច្រើនមានជាកុមារបានឈឺស្លាប់ក្នុងអំឡុងរយៈពេល២ខែចុងក្រោយនេះ។
ជាមួយនិងវគ្គបំប៉នឯកទេសរយៈពេលខ្លី ដែលបានធ្វើឡើងពេញមួយថ្ងៃទី១៨ កក្កដា នេះ មន្ត្រីជំនាញរបស់មកពីក្រសួងសុខាភិបាលបានអំពាវនាវដល់ក្រុមគ្រូពេទ្យ ត្រូវធ្វើការ អប់រំផ្សព្វផ្សាយឲ្យមានការបញ្ជ្រាបការយល់ដឹង ដល់ពលរដ្ឋ ឲ្យពួកគាត់មានការប្រុងប្រយ័ត្ន នៅពេលដែលមានអការៈក្តៅខ្លួនលើកំរិត៣៨អង្សារ ត្រូវប្រញាប់បញ្ជូនអ្នកជម្ងឺមកព្យាបាល នៅមន្ទីរពេទ្យព្រោះស្ថានភាពនេះ អាចប៉ះពាល់ដល់អាយុជីវិតដោយសារជម្ងឺគ្រុនឈាមបាន។
អនុរដ្ឋលេខាធិការក្រសួងសុខាភិបាល លោក យីត ស៊ុនណារ៉ា បានមានប្រសាសន៍ បញ្ជាក់ថា វគ្គសិក្ខាសាលានេះ ធ្វើឡើងក្នុងគោលបំណងឲ្យក្រុមគ្រូពេទ្យដែលកំពុងតែអនុវត្ត ជំនាញសព្វថ្ងៃ បញ្ជ្រាបឲ្យកាន់តែយល់ដឹងបន្ថែមអំពីមុខសញ្ញា និងរោគសញ្ញានៃការផ្ទុកជម្ងឺ គ្រុនឈាមទាំងបិទមុខ និងបើកមុខ ។
តាមរបាយការណ៍ទន្និន័យរបស់ក្រសួងសុខាភិបាលបានបញ្ជាក់ឲ្យដឹងថា ករណីផ្ទុះនូវ ជម្ងឺគ្រុនឈាមនៅទូទាំងប្រទេសកម្ពុជាមានចំនួនប្រមាណ ២ម៉ឺននាក់និងអាចឈានដល់ទៅ ៥ម៉ឺននាក់ នេះបើតាមការប៉ាន់ប្រមាណរបស់ក្រសួងសុខាភិបាល។ តែកាស្លាប់មាន ចំនួន០.២% នៃចំនួនអ្នកកើតជម្ងឺគ្រុនឈាមនេះតែប៉ុណ្ណោះ ។ ហើយសម្រាប់ខេត្តក្រចេះវិញ បើតាមការបញ្ជាក់ពីប្រធានមន្ទីរសុខាភិបាលខេត្ត ឈ្នាង សុវត្ថា បានឲ្យដឹងថា គិតត្រឹម សប្តាហ៍ទី២៨ ឆ្នាំ២០១៩នេះ ករណីផ្ទុះជម្ងឺគ្រុនឈាម មានចំនួន ១.៤៧៧ នាក់ ស្លាប់៧ នាក់ ដែលតំបន់ផ្ទុះច្រើនជាងគេ គឺឃុំឃ្សឹម ក្នុងស្រុកស្នួល ខេត្តក្រចេះ ។
មានប្រសាសន៍ឲ្យដឹងបន្ថែម អនុរដ្ឋលេខាធិការក្រសួងសុខាភិបាល លោក យីត ស៊ុន ណារ៉ា បានថ្លែងថា បច្ចុប្បន្ននេះកម្ពុជានិងបណ្ដាប្រទេសមួយចំនួនកំពុងមានការផ្ទុះនូវជំងឺ គ្រុនឈាម តម្រូវឲ្យប្រជាពលរដ្ឋមានការយល់ដឹងនិងការពារទប់ស្កាត់នៃការទូទាត់ជំងឺគ្រុន ឈាម ដោយសារជំងឺគ្រុនឈាមនេះកាន់តែវិវឌ្ឍន៍ធ្វើឱ្យអ្នកជម្ងឺបាត់បង់ជីវិតភ្លាមៗ ។
លោកបានជម្រុញឲ្យក្រុមគ្រូពេទ្យ បន្តចុះផ្សព្វផ្សាយសុខភាពអប់រំ ជូនដល់ប្រជាពលរដ្ឋ ឲ្យពួកគាត់រស់នៅប្រកបដោយអនាម័យ និងរ៉ូសរ៉ាន់បញ្ជូនអ្នកជម្ងឺមកព្យាបាលនៅមន្ទីរពេទ្យ ខេត្ត ដែលមានគ្រូពេទ្យមានជំនាញឯកទេសគ្រប់គ្រាន់។ ព្រោះជម្ងឺគ្រុមឈាន ជាប្រភេទជម្ងឺ មួយដែលត្រូវឲ្យព្យាបាលតាមថេរវេលា។ (សម្រួលដោយ៖ ស្រីណា)
ចែករំលែកព័តមាននេះ