ទីផ្សារឌីជីថល ដែលកំពុងមានការរីកចម្រើនយ៉ាងឆាប់រហ័សនៅកម្ពុជា បាននិងកំពុងទាក់ទាញការចាប់អារម្មណ៍យ៉ាងខ្លាំងពីសំណាក់បណ្តាក្រុមហ៊ុនអ៊ីនធើណេតល្បីៗជាច្រើននៅពាសពេញសកលលោក។ តាមរយៈតួលេខនៃការប្រើប្រាស់អ៊ីនធើរណេតដែលមានរហូតដល់ទៅជាង 75% ក្រុមហ៊ុន Havas Socialyse Cambodia ដែលជាក្រុមហ៊ុនផ្តល់ សេវាកម្មផ្នែកឌីជីថលឈានមុខគេនៅក្នុងប្រទេសកម្ពុជា យល់ឃើញថា វាជាពេលវេលាដ៏ល្អត្រឹមត្រូវ និងសមស្របបំផុត ដើម្បីរៀបចំសិក្ខាសាលាមួយដ៏មានសារសំខាន់សម្រាប់សហគមន៍អាជីវកម្ម។ សូមថ្លែងអំណរគុណយ៉ាងជ្រាលជ្រៅដល់បណ្តាញសកលទាំងអស់ ដែលបានបង្កលក្ខណៈងាយស្រួលឲ្យមានការជួបជុំគ្នារវាងក្រុមហ៊ុនអ៊ីនធើរណេតយក្សទាំង 3 នៅព្រះរាជាណាចក្រកម្ពុជានាពេលនេះ។
លោក Benjamin Houghton ប្រធានក្រុមហ៊ុន Socialyse Cambodia បានថ្លែងថា ៖ «ប្រជាជនកម្ពុជាចូលចិត្តប្រើប្រាស់ស្មាតហ្វូន ហើយពួកគេក៏ចូលចិត្តប្រើប្រាស់ប្រព័ន្ធផ្សព្វផ្សាយសង្គមផងដែរ។ ចំនួនប្រជាជនជាងពាក់កណ្តាលជាអ្នកប្រើប្រាស់សកម្ម ហើយវាជាប្រព័ន្ធផ្សព្វផ្សាយទី 1 សម្រាប់មនុស្សវ័យក្មេង។ ប្រជាជនកម្ពុជាក៏មានការបើកចំហយ៉ាងទូលំទូលាយចំពោះការធ្វើអន្តរកម្មជាមួយម៉ាក (Brand) ផងដែរ»។
លោកក៏បានបញ្ជាក់ទៀតថា៖ «ទោះជាយ៉ាងណាក៏ដោយ យើងសង្កេតឃើញថា ក្រុមហ៊ុនជាច្រើននៅតែមិនទាន់បានដឹងឲ្យកាន់តែស៊ីជម្រៅបន្ថែមទៀតនៅឡើយថា តើយុទ្ធសាស្ត្រឌីជីថលអាចជួយឲ្យអាជីវកម្មរបស់ពួកគេរីកចម្រើនយ៉ាងឆាប់រហ័យបានយ៉ាងដូចម្តេច។ ដោយសារតែមូលហេតុនេះហើយ បានជាយើងសម្រេចចិត្តរៀបចំសិក្ខាសាលាដ៏មានសារសំខាន់នេះឡើង។ នៅពេលដែលយើងបានទាក់ទងទៅកាន់ដៃគូរបស់យើង ដែលមានដូចជាក្រុមហ៊ុន Facebook, Google និង InMobi ពួកគេទាំងអស់គ្នាបានឆ្លើយតបដោយសេចក្តីរីករាយថា ពួកគេនឹងមកកាន់ប្រទេសកម្ពុជា»។
សូមស្វែងយល់អំពីអ្វីដែល Facebook, Google, InMobi និង Socialyse ចង់និយាយពីកម្ពុជា៖
អំពីក្រុមហ៊ុន Havas Socialyse Cambodia
Socialyse ជាក្រុមហ៊ុនឌីជីថលមួយដ៏ធំដែលជាសមាជិករបស់ក្រុមហ៊ុន Havas Group ដែលកំពុងធ្វើការនៅតាមបណ្តាការិយាល័យចំនួន 39 និងធ្វើប្រតិបត្តិការនៅក្នុងប្រទេសចំនួន 80 ។ ជាមួយនឹងការផ្តល់ជូននូវសេវាកម្មផ្នែកឌីជីថល 360 ដឺក្រេ ក្រុមហ៊ុន Havas Socialyse Cambodia ប្រមូលផ្តុំទៅដោយអ្នកជំនាញដែលមានចំណេះដឹងជ្រៅជ្រះ និងមានទេពកោសល្យខ្ពស់ក្នុងស្រុក ហើយក្រុមហ៊ុននេះនឹងបន្តខិតខំបង្កើនលទ្ធភាពរបស់ខ្លួនបន្ថែមទៀតដើម្បីសហការជាមួយដៃគូសកលរបស់ក្រុមហ៊ុន Havas និង Vivendi Group ដែលក្រុមហ៊ុនទាំងនោះមានដូចជា Gameloft, Ekino និង Universal Music ជាដើម។ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ