មិនគួរទាល់តែសោះ…ស្រីស្អាតអើយ
- បន្ទាយមានជ័យ
ខេត្តបន្ទាយមានជ័យ ៖ ឆ្លងតាមការសាកសួរចម្លើយជនសង្ស័យបានសារភាពថា ថ្នាំញៀនទាំងនេះ គឺគេបានទិញពីឈ្មោះ ត្រា ភេទប្រុស អាយុ៣១ឆ្នាំ នៅសង្កាត់ផ្សារកណ្តាល និងឈ្មោះអូន…
ខេត្តបន្ទាយមានជ័យ ៖ ឆ្លងតាមការសាកសួរចម្លើយជនសង្ស័យបានសារភាពថា ថ្នាំញៀនទាំងនេះ គឺគេបានទិញពីឈ្មោះ ត្រា ភេទប្រុស អាយុ៣១ឆ្នាំ នៅសង្កាត់ផ្សារកណ្តាល និងឈ្មោះអូន…
ខេត្តបន្ទាយមានជ័យ ៖ ឆ្លងតាមការសាកសួរចម្លើយជនសង្ស័យបានសារភាពថា ថ្នាំញៀនទាំងនេះ គឺគេបានទិញពីឈ្មោះ ត្រា ភេទប្រុស អាយុ៣១ឆ្នាំ នៅសង្កាត់ផ្សារកណ្តាល និងឈ្មោះអូន ភេទប្រុស អាយុប្រហែល៣៦ឆ្នាំ នៅភូមិទួលពង្រ សង្កាត់ផ្សារកណ្តាល ។
ក្រោយពីទទួលបានចម្លើយ នៅវេលាម៉ោង៧និង៣០នាទីល្ងាចថ្ងៃទី១២ កក្កដា លោកបានដឹកនាំកម្លាំងផ្នែកជំនាញប្រឆាំងគ្រឿងញៀន និងកម្លាំងនគរបាលប៉ុស្តិ៍ ចុះបន្តអនុវត្តនីតិវិធីស្រាវជ្រាវ និងឈានដល់ការបង្ក្រាបចាប់ឃាត់ខ្លួន ជនសង្ស័យឈ្មោះ សំ ចិត្រា ភេទប្រុស អាយុ៣១ឆ្នាំ ស្នាក់នៅភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ។ ឆែកឆេររកឃើញវត្ថុតាងម្សៅក្រាមពណ៌សថ្លា សង្ស័យជាថ្នាំញៀនចំនួន១ថង់ធំ និង២ថង់តូច ស្មើ១០៣.៩៧ក្រាមនិងទូរស័ព្ទដៃ១គ្រឿង ។
សូមបញ្ជាក់ថា កម្លាំងនគរបាលប្រឆាំងគ្រឿងញៀនខេត្ត បានបង្ហាញមុខសញ្ញាជនសង្ស័យជួញដូរគ្រឿង ញៀនចំនួន៣នាក់ រួមទាំងវត្ថុតាងគ្រឿងញៀនមួយចំនួនធំ កាលពីវេលាម៉ោង១១និង១៥នាទីព្រឹកថ្ងៃទី១៤ កក្កដា ដោយកម្លាំងនគរបាលការិយាល័យប្រឆាំងគ្រឿងញៀនខេត្តនិងកម្លាំងនគរបាលក្រុងសិរីសោភ័ណ ដឹកនាំដោយលោកវរសេនីយ៍ទោ ង៉េង សុជា ស្នងការរងផែនការងារប្រឆាំងគ្រឿងញៀន ។ ការបង្ក្រាបនេះ ចាប់ឃាត់ខ្លួនជនសង្ស័យនៅផ្ទះរបស់ខ្លួន ស្ថិតក្នុងភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ។
លោកវរសេនីយ៍ទោ ង៉េង សុជា មានប្រសាសន៍ថា អនុវត្តតាមបទបញ្ជារបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តដែលលោកតែងតែដាក់ចេញនូវបទបញ្ជាដល់កម្លាំងនគរបាលជំនាញ ត្រូវមានវិធានការ ស៊ើបអង្កេតស្រាវជ្រាវមុខសញ្ញាជួញដូរនិងប្រើប្រាស់គ្រឿងញៀន ឲ្យដូចជាភ្លៀងរលឹម ។ ជាលទ្ធផលនៅវេលាម៉ោង១១និង១៥នាទី ព្រឹកថ្ងៃទី១៤ កក្កដា កម្លាំងនគរបាលការិយាល័យប្រឆាំងគ្រឿង ញៀនខេត្ត និងកម្លាំងនគរបាលក្រុងសិរីសោភ័ណ បានស៊ើបអង្កេតស្រាវជ្រាវតាមវិធានការជំនាញ និងមានការដឹកនាំសម្របសម្រួលដោយលោក តេង សាម៉ៃ ព្រះរាជអាជ្ញារងអមសាលាដំបូងខេត្ត ឈានដល់ការបង្ក្រាបចាប់ឃាត់ជនសង្ស័យចំនួន៣នាក់។
ក្នុងនោះ ស្រី្ត២នាក់ ម្នាក់ឈ្មោះ សៀប ម៉ាយ៉ា អាយុ២០ឆ្នាំ ខ្មែរអ៊ិស្លាម ស្នាក់នៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ មុខរបរលក់ខោអាវ និងម្នាក់ទៀតឈ្មោះ លាង ឧសភា អាយុ២៥ឆ្នាំ ជន ជាតិខ្មែរ ស្នាក់នៅអគារកាស៊ីណូ ហូលីដេ ស្ថិតក្នុងភូមិក្បាល ស្ពាន សង្កាត់ប៉ោយប៉ែត ក្រុងប៉ោយប៉ែត មុខរបរជាបុគ្គលិកកាស៊ីណូ ។ ដោយឡែក ក្មេងប្រុសម្នាក់ មានអាយុ១៣ឆ្នាំ មានមុខក្នុងកន្លែងប្រតិបតិ្តការ បង្ក្រាប ក្រោយពីធ្វើការស្រាវជ្រាវរកឃើញថាមិនពាក់ព័ន្ធ សមត្ថកិច្ចគ្រាន់តែធ្វើការអប់រំ និងឲ្យវិលត្រឡប់ទៅផ្ទះវិញ ។
លោកវរសេនីយ៍ទោ ង៉េង សុជា បានបន្តថា ក្នុងកិច្ចប្រតិបត្តិការនេះ សមត្ថកិច្ចបានធ្វើការឆែកឆេររកឃើញវត្ថុតាងនៅនឹងផ្ទះរបស់ជនសង្ស័យមានម្សៅក្រាមពណ៌សថ្លា (LCE) ឬម៉ាទឹកកកឬខ្លះហៅថា ខេទឹកកកចំនួន១៩ថង់តូច និង១ថង់ធំ ថ្នាំគ្រាប់អ៊ិចស្តាស៊ីចំនួន១៥គ្រាប់ វត្ថុរាវនៅក្នុងដបចំនួន៧ដប-សំបកថង់ប្លាស្ទិក រួមទាំងឧបករណ៍សម្រាប់ប្រើប្រាស់សារធាតុញៀនមួយចំនួន ។ កាលពីថ្ងៃទី១៤ កក្កដា ជនសង្ស័យចំនួន២នាក់ផ្សេងទៀត និងវត្ថុតាងគ្រឿងញៀនត្រូវបានបញ្ជូនទៅសាលាដំបូងខេត្ត ដើម្បីចាត់ការតាមនីតិវិធីច្បាប់ ។
លោកវរសេនីយ៍ឯកធិន ស៊ិនដេត អធិការនគរបាល ក្រុងប៉ោយប៉ែត បានឲ្យដឹងថា៖ នៅព្រឹកថ្ងៃទី១២ កក្កដា នៅចំណុចលើផ្លូវលំ ក្នុងភូមិទំនប់ក.៥ សង្កាត់ផ្សារកណ្តាល ក្រុងប៉ោយប៉ែត លោកបានដឹកនាំកម្លាំងនគរបាលផ្នែកជំនាញប្រឆាំងគ្រឿងញៀន និងកម្លាំងនគរបាលប៉ុស្តិ៍រដ្ឋបាលសង្កាត់ផ្សារកណ្តាល ចុះទៅដល់កន្លែងដែលជនសង្ស័យធ្វើសកម្មភាព និងចាប់ឃាត់ខ្លួនបានម្នាក់ ឈ្មោះ សឿង សំណាង ហៅពេជ្រ ភេទប្រុស អាយុ២៦ឆ្នាំ ស្នាក់នៅភូមិទំនប់ក.៥ សង្កាត់ផ្សារកណ្តាល ក្រុងប៉ោយប៉ែតនិងធ្វើការឆែកឆេររកឃើញ វត្ថុតាងម្សៅក្រាមពណ៌ស សង្ស័យជាគ្រឿងញៀន សរុបចំនួន៥៥ថង់តូច ស្មើ៥៦.៣២ក្រាម និងទូរស័ព្ទដៃ១គ្រឿង ។ (សម្រួលដោយ៖ ស្រីណា)
ចែករំលែកព័តមាននេះ