សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ នាថ្ងៃទី១៥កក្កដា បានបន្តវាយប្រហារ សមាជិកាសភា៤រូបព្រោះតែអ្នកទាំង៤រូបនោះស្ថិតក្នុងក្រុមធ្វេងនិយម ជាអ្នកវាយប្រហារកាន់តែខ្លាំងចំពោះរូបលោក។
ចាប់តាំងពីចូលក្នុងសភាពីខែមករាមកលោកស្រីALEXANDRIA OCASIO CORTEZ លោកស្រីLLHAN OMAR លោកស្រីAYANNA PRESSLEYនិងលោកស្រី RASHIDA TLAIBជាមនុស្សថ្មីជាប់ឆ្នោតដែលអាចឲ្យគណបក្សប្រជាធិបតេយ្យទទួលបានសំឡេងភាគច្រើនក្នុងសភាអាមេរិក ក្រោយការបោះឆ្នោតពាក់កណ្ដាលអាណត្តិកាលពីខែវិច្ចិកាឆ្នាំ២០១៨។ អ្នកទាំង៤ត្រូវបានលោកត្រាំចាត់ទុកជាបន៤នាក់ ដោយសារពួកគេចង់កម្ចាត់លោក ដោយប្រើអាវុធដូចគ្នានឹងលោកដែរគឹបណ្ដាញសង្គម ។
អ្នកទាំង៤រូបដែលត្រូវបានលោកត្រាំចាត់ទុកជាបន៤នាក់លើកឡើងថា បននោះមិនកម្រិតត្រឹមមនុស្ស៤នាក់ទេ។ បនរបស់យើងបញ្ចូលរាល់មនុស្សដែលបានបូជាខ្លួនក្នុងការកសាងពិភពលោកមួយដែលកាន់តែយុត្តិធម៌និងស្មើភាព។
និយាយដល់បន៤នាក់នាំឲ្យគេនឹកដល់ក្រុមប្រឆាំងមួយនៅចិន ដឹកនាំដោយភរិយាលោកម៉ៅសេទុង។ លោកម៉ៅសេទុងទទួលមរណភាពក្នុងឆ្នាំ១៩៧៦ ហើយឡើងជំនួសដោយលោកHUA GUOFENG។
លោកស្រីJIANG QINGភរិយាលោកម៉ៅសេទុងចង់ឡើងបន្តតំណែងពីស្វាមី ហើយប៉ុនប៉ងដណ្ដើមអំណាច។ ដើម្បីចៀសវាងកុំឲ្យលោកស្រីJIANG QINGដណ្ដើមអំណាច លោកHUA GUOFENGបានចាប់ខ្លួនអ្នកទាំង៤ ដែលគេចាត់ទុកជាបន៤នាក់ហើយឃុំឃាំងពួគគេ។ ការចាប់ខ្លូនក្រុមបន៤នាក់នោះ កំណត់ពីការបញ្ចប់នៃបដិវត្តន៍វប្បធម៌៕ (កែសម្រួលដោយ ៖ បុប្ផា)
ចែករំលែកព័តមាននេះ