ខេត្តស្វាយរៀង ៖ សមត្ថកិច្ចបានកោះហៅមនុស្សពីរបីនាក់ ដែលធ្លាប់ចេញចូលផ្ទះជនរងគ្រោះ ហើយមានទីលំនៅក្នុងភូមិមកសាកសួរ ឯលទ្ធផលយ៉ាងណា សមត្ថកិច្ចនឹងផ្តល់ព័ត៌មាននៅពេលក្រោយ តែសមត្ថកិច្ចនិយាយថា វាដូចរាវរកម្ជុលនៅក្នុងបាតសមុទ្រអុីចឹង ។…
ខេត្តស្វាយរៀង ៖ សមត្ថកិច្ចបានកោះហៅមនុស្សពីរបីនាក់ ដែលធ្លាប់ចេញចូលផ្ទះជនរងគ្រោះ ហើយមានទីលំនៅក្នុងភូមិមកសាកសួរ ឯលទ្ធផលយ៉ាងណា សមត្ថកិច្ចនឹងផ្តល់ព័ត៌មាននៅពេលក្រោយ តែសមត្ថកិច្ចនិយាយថា វាដូចរាវរកម្ជុលនៅក្នុងបាតសមុទ្រអុីចឹង ។
សូមបញ្ជាក់ថា គ្រឿងអលង្ការជាង៣តម្លឹង និងប្រាក់ជាង១ពាន់ដុល្លារ បានត្រូវចោរលួចគាស់សោបន្ទប់ក្រោមផ្ទះលួចយកទៅអស់ កាលពីថ្ងៃទី១២ ខែកក្កដា វេលាម៉ោងប្រហែល៧និង៤៥នាទីយប់ នៅភូមិខ្នុរ ឃុំរមាំងថ្កោល ស្រុកស្វាយទាប ។
បើតាមលោកអនុសេនីយ៍ទោ នាង ចាន់រតនាបុប្ផា នាយរងប៉ុស្តិ៍នគរបាលឃុំរមាំងថ្កោលបានឲ្យដឹងថា ម្ចាស់ផ្ទះដែលរងគ្រោះដោយចោរលួចនេះ ឈ្មោះ តូច ទាន អាយុ៥៧ឆ្នាំ ប្រពន្ធឈ្មោះមុំ ។ ចំពោះទ្រព្យ សម្បត្តិដែលត្រូវចោរលួចយកទៅអស់នោះមាន ប្រាក់ចំនួន១.២៣៥ដុល្លារ ខ្សែកមាស២ខ្សែទម្ងន់១តម្លឹង៧ជី៥ហុ៊ន ខ្សែដៃមាស២ខ្សែទម្ងន់៨ជី ចិញ្ចៀនមាស១វង់ទម្ងន់៣ជី និងចិញ្ចៀនប្លាទីន២វង់ទម្ងន់២ជី។
មានការសង្ស័យថា ចោរលួចនេះជាមនុស្សស្គាល់ គ្នាធ្លាប់ចេញចូលផ្ទះរបស់ជនរងគ្រោះ ។
ប្រភពដដែលបន្តថា បើតាមការស្រាវជ្រាវ ជនរងគ្រោះដូចជាមិនច្បាស់ថា ចោរចូលលួចយកតាំងពីថ្ងៃណាទេ ព្រោះកេសដាក់លុយកាក់និងមាសប្រាក់ គឺទុកក្នុងទូបន្ទប់ក្រោមផ្ទះ ហើយចោរគាស់ទូ រួចគាស់កេសយកលុយ និងមាសទៅបាត់ ។ នៅយប់កើតហេតុ ជនរងគ្រោះទៅបើកទូទើបដឹងថា មានចោរគាស់កេសយកលុយ ខ្សែក ខ្សែដៃ និងចិញ្ចៀន់ទើបឆោឡោ និងប្តឹងសមត្ថកិច្ចតែម្តង ។ (សម្រួលដោយ៖ ស្រីណា)
ចែករំលែកព័តមាននេះ