លោក ស ថេត ៖ ស្រង់ឈ្មោះមន្ត្រីនគរបាលណាដែលទៅយាមផ្ទះ ឬទៅការពារឧកញ៉ា
- ភ្នំពេញ
រាជធានីភ្នំពេញ ៖ លោក ស ថេត ស្នងការរាជធានីភ្នំពេញបានដាក់បញ្ជាឲ្យស្រង់ឈ្មោះមន្ត្រីនគរបាលណាដែលទៅយាមផ្ទះ ឬទៅការពារឧកញ៉ា ។ លោក ស…
រាជធានីភ្នំពេញ ៖ លោក ស ថេត ស្នងការរាជធានីភ្នំពេញបានដាក់បញ្ជាឲ្យស្រង់ឈ្មោះមន្ត្រីនគរបាលណាដែលទៅយាមផ្ទះ ឬទៅការពារឧកញ៉ា ។ លោក ស…
រាជធានីភ្នំពេញ ៖ លោក ស ថេត ស្នងការរាជធានីភ្នំពេញបានដាក់បញ្ជាឲ្យស្រង់ឈ្មោះមន្ត្រីនគរបាលណាដែលទៅយាមផ្ទះ ឬទៅការពារឧកញ៉ា ។ លោក ស ថេត ស្នងការនគបាលក្រុងភ្នំពេញបានសរសេរលើបណ្តាញសង្គមនៅមុខនេះ យ៉ាងដូច្នេះថា នៅក្នុងកិច្ចប្រជុំផ្សព្វផ្សាយសេចក្តីណែនាំស្តីពីការគ្រប់គ្រងប្រើប្រាស់ក្របខ័ណ្ឌមន្ត្រីនគរបាលជាតិ ការគ្រប់គ្រង ការប្រើប្រាស់អាវុធគ្រឿងផ្ទុះ និងមធ្យោបាយ ខ្ញុំបានលើកឡើងដូចជា ៖ មន្ត្រីនគរបាល ត្រូវយកចិត្តទុកដាក់ពង្រឹងឲ្យបានម៉ឺងម៉ាត់ អំពីការគោរពវិន័យពេលម៉ោងការងាររដ្ឋបាល ដែលបានកំណត់ ដោយពេលព្រឹកចាប់ពីម៉ោង០៧ព្រឹក ដល់ម៉ោង១១និង៣០នាទី ហើយពេលល្ងាចម៉ោង១៤ ដល់ម៉ោង១៧និង៣០នាទី ។
ត្រូវស្នើសុំច្បាប់ឈប់សម្រាកជាលាយល័ក្ខអក្សរអោយបានត្រឹមត្រូវ មន្ត្រីនគរបាលនឹងកាត់សក់ខ្លីនៅស្នងការដ្ឋាននគរបាលរាជធានីភ្នំពេញតែម្តង ។ លោកបញ្ជាក់ថា «ហាមដាច់ខាតការឆ្លៀតយកកម្លាំងក្នុងអង្គភាពទៅបម្រើការងារនៅតាមក្រុមហ៊ុន រោងចក្រ សហគ្រាសឯកជន ឬជាលក្ខណៈបុគ្គលឯក ជនដែលមិនមានការអនុញ្ញាតពីថ្នាក់ដឹកនាំ និងហាមដាច់ខាតការយកមន្ត្រីនគរបាលជាតិទៅប្រចាំការការពារកន្លែងកម្សាន្ត ជាពិសេសក្លិបកម្សាន្ត ខារ៉ាអូខេ និងកាស៊ីណូជាដើម» ។
លោកស្នងការងារក៏បានគូសបញ្ជាក់ថា« បន្ថែមលើចំណុចនេះ ២ថ្ងៃខាងមុខត្រូវស្រង់ឈ្មោះមន្ត្រីនគរបាលណាដែលទៅយាមផ្ទះ ឬទៅការពារឧកញ៉ា ដើម្បីដឹងថា តើពួកគាត់មានការអនុញ្ញាតឬទេ? បន្តគ្រប់គ្រង និងការប្រើប្រាស់អាវុធ» ។ លោកបន្ថែមថា ត្រូវដឹកនាំកិច្ចប្រជុំអោយបានប្រចាំ និងមានរបាយការណ៍ ដើម្បីដឹងថា នៅមូលដ្ឋានមានបញ្ហាអ្វី និងឈានទៅរកដំណោះស្រាយទាន់ពេលវេលា ៕ កែសម្រួលដោយ ៖ សុឃាក់
ចែករំលែកព័តមាននេះ