ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា មានបុរសជាសន្តិសុខយាមនៅហាងរបស់ចិនម្នាក់ ប៉នប៉ងចង.កបញ្ចប់ជីវិត តែត្រូវសន្តិសុខរួមអាជីព និងអ្នកស្រុកនាំគ្នាជួយចាប់ទាន់ តែបុរសម្នាក់ប្រាប់ថាមកពីវិបត្តិផ្លូវចិត្តព្រោះកូនស្រីទើបស្លាប់ ខុសផ្ទុយពីស្ត្រីជាំប្រពន្ធប្រាប់តាមទូរស័ព្ទថា កូនឈឺដេកពេទ្យ…
ខេត្តបន្ទាយមានជ័យ ៖ បើតាមសេចក្តីរាយការណ៍បឋមបានឱ្យដឹងថា មានបុរសជាសន្តិសុខយាមនៅហាងរបស់ចិនម្នាក់ ប៉នប៉ងចង.កបញ្ចប់ជីវិត តែត្រូវសន្តិសុខរួមអាជីព និងអ្នកស្រុកនាំគ្នាជួយចាប់ទាន់ តែបុរសម្នាក់ប្រាប់ថាមកពីវិបត្តិផ្លូវចិត្តព្រោះកូនស្រីទើបស្លាប់ ខុសផ្ទុយពីស្ត្រីជាំប្រពន្ធប្រាប់តាមទូរស័ព្ទថា កូនឈឺដេកពេទ្យ លោកប្តីយកប្រាក់កម្ចីពីធនាគារ2លានរៀលគេចបាត់ពីផ្ទះ បង្កឱ្យមានការភ្ញាក់ផ្អើលកាលពីម៉ោង៩និង០៥នាទីយប់ ថ្ងៃទី១៥ ខែកក្កដា ឆ្នាំ២០១៩ ស្ថិតនៅក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត។
សេចរាយការណ៍បន្តថា សន្តិសុខដែលគិតខ្លីរូបនេះឈ្មោះ សៀង ហៃ អាយុ41ឆ្នាំ ជាសន្តិសុខយាមហាងឲ្យជនជាតិចិនមួយកន្លែង ស្ថិតក្នុងភូមិក្បាលស្ពាន01 សង្កាត់និងក្រុងប៉ោយប៉ែត។
សេចក្តីរាយការណ៍បន្តទៀតថា មុនពេលកើតហេតុ បុរសខាងលើនេះបានដើរឡើងទៅជាន់ទី6 ហើយប៉ុនប៉ងចង.កនឹងខ្សែកាបូប ប៉ុន្តែត្រូវបានគេនាំគ្នាជួយទាន់ ហើយចងដៃចងជើងប្រគល់ឲ្យនគរបាលប៉ុស្តិ៍រដ្ឋបាលសង្កាត់ប៉ោយប៉ែត ដើម្បីសាកសួរ។
ក្រោយពេលសាកសួរផ្ទាល់ មុននឹងប្រគល់ឲ្យសមត្ថកិច្ចនោះសន្តិសុខខាងលើនេះបានប្រាប់ថា មកពីនឹកអាណិតកូនស្រីវ័យ20ឆ្នាំទើបស្លាប់បាន4ទៅ5ថ្ងៃ ទើបខ្លួនគិតខ្លីចង់បញ្ចប់ជីវិត ប៉ុន្តែតែធាតុពិត នៅពេលដែលបានសាកសួរតាមទូរស័ព្ទ ស្ត្រីជាប្រពន្ធបានប្រាប់ថា ប្តីនាងខ្ចីប្រាក់កម្ចី2លានរៀល ពីធនាគារមួយក្នុងខេត្តកោះកុង ខណៈកូនៗឈឺសម្រាកព្យាបាលនៅមន្ទីរពេទ្យគ្មានប្រាក់មួយរៀល ស្រាប់តែលោកប្តីបាត់ខ្លួនតែម្តង ហើយទើបតែដឹងដំណឹងពេលដែលលោកប្តីប៉នប៉ងចង.កសម្លាប់នេះ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។ (កែសម្រួលដោយ ៖ បុប្ផា)
ចែករំលែកព័តមាននេះ