ខេត្តមណ្ឌលគិរី ៖ មនុស្សជំនិតឧកញ៉ា ស៊ឹង សំអុលចំនួន២នាក់ទៀត ត្រូវបានតំណាងអយ្យការអមសាលាដំបូងខេត្ត ចេញដីកាបញ្ជាឲ្យចូលខ្លួន នៅបញ្ជាការដ្ឋានកងរាជអាវុធហត្ថខេត្តមណ្ឌលគិរី ដើម្បីសាកសួរអំពីករណីប្រមូលដឹកជញ្ជូន និងសមិទ្ធផល អនុផលព្រៃឈើដោយគ្មានលិខិតអនុញ្ញាត ។
យោងតាមដីកាដែលកោះសន្តិភាពទទួលបាន គឺតម្រូវឲ្យឈ្មោះ ណេង ម៉ៅ ភេទប្រុស អាយុ៥០ឆ្នាំ មុខរបរជាអ្នកចាត់ចែងការប្រមូលឈើរបស់ក្រុមហ៊ុនម៉ាស្ទ័រខេសាន់ មានទីលំនៅបច្ចុប្បន្ននៅភូមិស្នួល ឃុំស្នួល ស្រុកស្នួល ខេត្តក្រចេះ និងឈ្មោះ សាំង សុខុន ភេទប្រុស អាយុ២៧ឆ្នាំ ជាអ្នកចាត់ចែងរបស់ក្រុមហ៊ុនម៉ាស្ទ័រខេសាន់ មានទីលំនៅបច្ចុប្បន្នភូមិកោះសំរោង ឃុំកោះសំរោង ស្រុកកំពង់សៀម ខេត្តកំពង់ចាម ដែលអ្នកទាំងពីរត្រូវចូលបង្ហាញនៅខ្លួនបញ្ជាការដ្ឋានកងរាជអាវុធហត្ថខេត្តមណ្ឌលគិរី ឱ្យបានមុនថ្ងៃទី០៩ សីហា ឆ្នាំ២០១៩ ខាងមុន ដើម្បីសាកសួរអំពីករណី ប្រមូលដឹកជញ្ជូន នឹងសន្និធិផល អនុផលព្រៃឈើដោយគ្មានលិខិតអនុញ្ញាត។
សួមរំឮកថា គណៈកម្មាធិការថ្នាក់ជាតិដើម្បី ទប់ស្កាត់ និងបង្ក្រាប ធនធានធម្មជាតិ បានចាប់ឃាត់ខ្លួនឧកញ៉ា ស៊ឹង សំអុល រួមនិងបក្សពួកចំនួន៣នាក់ ក្នុងទឹកដីស្រុកកោះញែក ដោយរកឃើញពីបទល្មើសព្រៃឈើជាច្រើនករណី ថែមទាំងបានប្រតិបត្តិការដុតបំផ្លាញមធ្យោបាយដែលបម្រើឲ្យការដឹកជញ្ជូនឈើខុសច្បាប់អស់ជាច្រើនគ្រឿងផងដែរ ។ (សម្រួលដោយ៖ ស្រីណា)
ចែករំលែកព័តមាននេះ