វ៉ាស៊ីនតោន ៖ តម្រូវការរបស់ចិនសម្រាប់ទំនិញរបស់អាមេរិកបានធ្លាក់ចុះដែលជាភស្តុតាងបង្ហាញពីការខូចខាតសេដ្ឋកិច្ចពីសង្គ្រាមពាណិជ្ជកម្ម ។ វាមិនគ្រាន់តែធ្វើឱ្យប៉ះពាល់ដល់ប្រទេសចិនប៉ុណ្ណោះទេថែមទាំងសហរដ្ឋអាមេរិកផងដែរ ។ ពីមួយឆ្នាំទៅមួយឆ្នាំការនាំចូលទំនិញរបស់អាមេរិកបានធ្លាក់ចុះ៣១% នៅក្នុងខែមិថុនា ។ សេដ្ឋវិទូនិយាយថា…
វ៉ាស៊ីនតោន ៖ តម្រូវការរបស់ចិនសម្រាប់ទំនិញរបស់អាមេរិកបានធ្លាក់ចុះដែលជាភស្តុតាងបង្ហាញពីការខូចខាតសេដ្ឋកិច្ចពីសង្គ្រាមពាណិជ្ជកម្ម ។ វាមិនគ្រាន់តែធ្វើឱ្យប៉ះពាល់ដល់ប្រទេសចិនប៉ុណ្ណោះទេថែមទាំងសហរដ្ឋអាមេរិកផងដែរ ។
ពីមួយឆ្នាំទៅមួយឆ្នាំការនាំចូលទំនិញរបស់អាមេរិកបានធ្លាក់ចុះ៣១% នៅក្នុងខែមិថុនា ។ សេដ្ឋវិទូនិយាយថា នេះបង្ហាញពីសេដ្ឋកិច្ចចិន ដែលកំពុងតែលូតលាស់យឺតរួចទៅហើយ មកត្រូវគេធ្វើឱ្យកាន់តែយឺតថែមមួយកម្រិតទៀត ។
លោក Zhiwei Ren ប្រធានគ្រប់គ្រងនិងជាអ្នកគ្រប់គ្រងផលបត្រនៅក្រុមហ៊ុន Penn Mutual Asset Management បានថ្លែងថា៖«ការនាំចូលរបស់ប្រទេសមួយ បង្ហាញពីកម្រិតសេដ្ឋកិច្ចរបស់ប្រទេសនោះ។ សេដ្ឋកិច្ចរឹងមាំតែងតែមានការនាំចូលកាន់តែច្រើន។ ការនាំចូលទាបនេះ បង្ហាញពីកំណើនសេដ្ឋកិច្ចទាបនៅចិន» ។
លោក Jeff Ng ប្រធានសេដ្ឋវិទូអាស៊ីប្រចាំក្រុមហ៊ុន Continuum Economics បានថ្លែងថា៖«វាឆ្លុះបញ្ចាំងឱ្យឃើញពីតម្រូវការក្នុងស្រុកទន់ខ្សោយរបស់ប្រទេសចិន។ ទិន្នន័យនេះបានឆ្លុះបញ្ចាំងពីតម្រូវការក្នុងស្រុកទាបនិងកំណើនយឺត។ យើងរំពឹងថាកំណើនផលិតផលក្នុងស្រុកសរុបនឹងមានស្ថិរភាពនៅកម្រិតទាបនៅត្រីមាសខាងមុខ»។
អត្រាកំណើន GDP ប្រចាំត្រីមាសដំបូងរបស់ចិន មានត្រឹមតែ៦.៤% តែអ្នកសេដ្ឋកិច្ចដែលស្ទង់មតិដោយ Reuters បានរំពឹងថា នឹងធ្លាក់ចុះ៦.២% នៅត្រីមាសទី២ នៅពេលដែលរដ្ឋាភិបាលចិនបានរាយការណ៍កាលពីថ្ងៃចន្ទ។
ការធ្លាក់ចុះយ៉ាងគំហុកនៃការនាំចូលរបស់អាមេរិក ក៏ជាការឆ្លុះបញ្ចាំងពីរបៀបដែលពន្ធនាំចេញត្រូវបានជំរុញឱ្យប្រទេសចិនផ្លាស់ប្តូរការទិញទំនិញរបស់ខ្លួនទៅកាន់បណ្តាប្រទេសផ្សេងទៀត ដែលកាលពីមុនធ្លាប់តែយកពីសហរដ្ឋអាមេរិក ៕
ចុចអាន ៖ អាមេរិកក្តៅឆេវដូចភ្នំភ្លើងផ្ទុះរឿងចិននិយាយបាតដៃខ្នងដៃ
ចុចអាន ៖ អាមេរិក-ចិន ស៊ីសាច់ហុតឈាមគ្នាដូចបើកដៃឱ្យប្រទេស១នេះទទួលផល
ប្រភព ៖ nbcnews , កែសម្រួលដោយ ៖ សំណាង
ចែករំលែកព័តមាននេះ