មិនធម្មតា​ទេ​​! ២​នាក់​ជិះ​ម៉ូតូ​បណ្តើរ ធ្វើ​សកម្ម​ភាព​បណ្តើរ អស់លក្ខណ៍​ទាំងអស់


រាជធានី​ភ្នំពេញ ៖ បើ​តាម​សេចក្តីរាយការណ៍​បន្ត​ថា ជនសង្ស័យ​២​នាក់​ត្រូវ​កម្លាំង​ប៉ុស្តិ៍​នគរបាល​រដ្ឋបាល​ឃ្មួ​ញ ធ្វើការ​ឃាត់ខ្លួន​ក្រោយ​ពី​ជិះ​ម៉ូតូឌុប​គ្នា​ដើរ​ប៉ុនប៉ង​លួច​ទ្រព្យសម្បត្តិ​ប្រជាពលរដ្ឋ កាលពី​ម៉ោង​២​និង​៣០​នាទី​ទៀប​ភ្លឺ​ឈាន​ចូល​ថ្ងៃ​ទី​១៤ កក្កដា ២០១៩ នៅ​ចំណុច​ផ្លូវលំ ក្នុងភូមិ​សំរោង សង្កាត់​ឃ្មួ​ញ ខណ្ឌ​សែន​សុខ​។

ជនសង្ស័យ​ទី​១-​ឈ្មោះ រុន ស្រី​ថេ​ត អាយុ​២៦​ឆ្នាំ មុខរបរ​មិន​ពិតប្រាកដ និង​២-​ឈ្មោះ សុខ វ៉ា អាយុ​១៦​​ឆ្នាំ មុខរបរ​មិន​ពិតប្រាកដ ទាំង​២​នាក់​ស្នាក់​នៅ​សហគមន៍​សែន​សុខ​៥ សង្កាត់​ឃ្មួ​ញ​ខណ្ឌ​សែន​សុខ​។

បើ​តាម​សមត្ថកិច្ច​ឲ្យ​ដឹង​ថា មុន​ឃាត់ខ្លួន​ជនសង្ស័យ​ខាងលើ ខណ​៖​ដែល​កម្លាំង​ប៉ុស្តិ៍​នគរបាល​រដ្ឋបាល​ឃ្មួ​ញ ធ្វើការ​ល្បាត​ក្នុង​មូលដ្ឋាន​ដល់​ចំណុច​ខាងលើ បាន​ជួន​ជនសង្ស័យ​ទាំង​២ នាក់​ជិះ​ម៉ូតូ​ស៊េរី​ចាស់​មួយ​គ្រឿង ពណ៌​ក្រហម (​មិន​មាន​ភ្លើង​បំភ្លឺ​ផ្លូវ​) កំពុង​ដឹក​គ្នា​ប៉ុនប៉ង​ដើរ​លួច​ទ្រព្យសម្បត្តិ​ប្រជាពលរដ្ឋ​ក្នុងភូមិ ។ ដោយ​មានការ​សង្ស័យ​សមត្ថកិច្ច​ក៏​ឃាត់​សួរ​ហើយ​ត្រូវ​ជនសង្ស័យ​ប្រាប់​ថា ពួក​គេ​ទាំង​២​អ្នក​ជិះ​ម៉ូតូ​វង្វេង​ផ្លូវ​ទៅ​វិញ​។

សម​ត្ថិ​ច្ច​បន្ត​ថា កន្លង​មក ក្នុងភូមិ​ត្រង់​ចំណុច​ខាងលើ តែងតែ​កើតឡើង​បទល្មើស​លួច និង​គាស់​ផ្ទះ​ជា​ញឹក​​ញាប់ ទើប​កម្លាំង​សមត្ថកិច្ច​ឧស្សាហ៍​ជិះ​ម៉ូតូ​ល្បាត ស្រាប់តែ​ម៉ោង​ខាងលើ​បាន​ជួប​ជនសង្ស័យ​ទាំង​២​តែ​ម្តង​។​សមត្ថកិច្ច​ក៏​បញ្ជាក់​ទៀត​ថា ជនសង្ស័យ​ទាំង​២​នាក់​ខាងលើ​នេះ​ក៏​ជា​សមាសភាព​អ្នក​ប្រើប្រាស់​គ្រឿងញៀន​ផង​ដែរ​។

បច្ចុប្បន្ន​ជនសង្ស័យ​ត្រូវ​បាន​ឃាត់ខ្លួន​បណ្តោះអាសន្ន​នៅ​អធិការដ្ឋាន​នគរបាល​ខណ្ឌ​សែន​សុខ រង់ចាំ​បញ្ជូន​ទៅ​សាលាដំបូង​រាជធានី​ភ្នំពេញ​ពេល​ក្រោយ​។ (​កែសម្រួល​ដោយ ៖ បុប្ផា​)

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ