ស្វាមីភរិយាខ្លះមានការលែងលះគ្នា ដោយសារតែបញ្ហាបន្តិចបន្តួច ព្រោះគេសម្លឹងឃើញគ្នាតែលើរូបសម្រស់ ដើម្បីបំពេញកាមតណ្ហារបស់គេរៀងៗខ្លួន តែ នៅពេលដែលរូបសម្រស់ដៃគូររបស់ខ្លួនអន់ថយ គេក៏កើតក្ដីនឿយណាយ ហើយក៏ចាប់ផ្ដើមសម្លឹងរកដៃគូថ្មី ដើម្បីបំពេញចំណង់របស់ខ្លួន ។
ត្រង់នេះហើយ ដែលធ្វើឱ្យប្តីប្រពន្ធអស់សេចក្ដីទុកចិត្តគ្នាទៅវិញទៅមក ហើយបញ្ហាផ្សេងៗ ក៏បានចាប់ផ្ដើមកើតជាបន្តបន្ទាប់ ដូចជាការនាំមេរោគចូលផ្ទះ ហើយត្រូវប្រឈមនឹងការព្យាបាលជាដើម ។
តាមពិតមេរោគដែលបង្កជាជំងឺនោះគ្មានអ្វីគួរឱ្យខ្លាចទេ តែមេរោគដែលគួរឱ្យខ្លាចហើយលំបាកក្នុងការព្យាបាលបំផុតនោះ គឺរោគស្នេហា ព្រោះជំងឺផ្លូវចិត្តមិនងាយនឹងព្យាបាលឱ្យជាសះស្បើយបានឡើយ ត្រូវការបេះដូងស្មោះមួយនិងមួយទើបស្រាកស្រាន្តបាន ។
ព្រោះសេចក្តីដែលបានពោលមកនេះព្រះភគវាទ្រង់មានទស្សនៈថា ស្នេហាគឺជាបញ្ហាស្មុគស្មាញបំផុតសម្រាប់ជីវិត តែផ្ទុយទៅវិញមិនដូច្នោះទេមនុស្សច្រើនណាស់ដែលយល់ថា រឿងស្នេហាតែងនាំមកនូវសេចក្ដីសុខ នាំឱ្យគេមានសុភមង្គលទៅវិញ ។
ចែករំលែកព័តមាននេះ