រាជធានីភ្នំពេញ ៖ អធិការរងនគរបាលខណ្ឌដូនពេញមួយរូប ទទួលផែនអន្តរាគមន៍បានដេកស្លាប់នៅក្នុងវត្តសារាវ័ន្ត ស្ថិតនៅក្នុងសង្កាត់ជ័យជំនះ ខណ្ឌដូនពេញ ផ្អើលដល់សមត្ថកិច្ចអស់មួយខណ្ឌ ។ ករណីនេះ កើតឡើង…
រាជធានីភ្នំពេញ ៖ អធិការរងនគរបាលខណ្ឌដូនពេញមួយរូប ទទួលផែនអន្តរាគមន៍បានដេកស្លាប់នៅក្នុងវត្តសារាវ័ន្ត ស្ថិតនៅក្នុងសង្កាត់ជ័យជំនះ ខណ្ឌដូនពេញ ផ្អើលដល់សមត្ថកិច្ចអស់មួយខណ្ឌ ។ ករណីនេះ កើតឡើង កាលពីវេលាម៉ោងប្រមាណ៦និង៣០នាទីល្ងាចថ្ងៃទី៩ ខែកក្កដាកន្លងទៅ ដែលតាមព័ត៌មានថា ដោយសារគាត់មានជំងឺប្រចាំកាយ ។
លោកអធិការរងដែលស្លាប់នេះឈ្មោះ ឈឹម វណ្ណនី អាយុ៥២ឆ្នាំ លោកមានស្រុកកំណើតនៅភូមិក្របៅ ឃុំក្របៅ ស្រុកកំចាយមារ ខេត្តព្រៃវែង ។ តាមប្រភពព័ត៌មានពីសមត្ថកិច្ចបានឲ្យដឹងថា លោកអធិការរងខណ្ឌដូនពេញរូបនេះបម្រើការងារជាង៣០ឆ្នាំមកហើយ និងត្រូវបានមន្ត្រី ក្រោមឱវាទកោតសរសើរថា លោកជាមេកោយដ៏ល្អនិងស្លូតបូត តែងតែយកអាសាគេឯងមិនដែលធ្វើឱ្យមន្ត្រីក្រោមឱវាទមួយណាស្អប់លោក ឡើយ តែលោកមានជំងឺជាច្រើនមុខជាប់នឹងខ្លួន ។ ប្រមាណជា៣ទៅ៤ខែមុន លោកឈឺធ្ងន់បានសម្រាកព្យាបាលមួយរយៈក៏ធូរស្បើយ និងមានកម្លាំងកំហែងធ្វើការជាបន្ត ។
ជាក់ស្តែង នាល្ងាចថ្ងៃនោះ មានអ្នកនៅក្នុងវត្តសារាវ័ន្តប្រទះឃើញលោកខ្យល់គរដេកដួលនៅក្នុងវត្ត ផ្អើលដល់សមត្ថកិច្ចអស់មួយខណ្ឌនាំគ្នាហៅរថយន្តសង្គ្រោះដឹកយកទៅសង្គ្រោះ តែ ជាអកុសលលោកបានស្លាប់នៅពាក់កណ្តាលផ្លូវ ។ សពលោកអធិការរងរូបនេះ ត្រូវបានក្រុមគ្រួសារសាច់ញាតិដឹកយកទៅធ្វើបុណ្យនៅឯស្រុកកំណើត ៕ (សម្រួលដោយ៖ ស្រីណា)
ចែករំលែកព័តមាននេះ