សហរដ្ឋអាមេរិក-ចិន ៖ ប្រទេសចិនកាលពីថ្ងៃទី៩កក្កដាបានស្នើដល់សហរដ្ឋអាមេរិក ឲ្យលុបចោលជាបន្ទាន់ការលក់អាវុធរបស់ខ្លួនឲ្យដល់តៃវ៉ាន់ និងកាត់់ផ្ដាច់ទំនាក់ទំនាក់យោធាជាមួយដែនកោះនោះ។ យោងតាមស៊ីនហួថា អ្នកនាំពាក្យក្រសួងការបរទេសចិនលោកGENG SHUANGអះអាងបែបនេះ ជាប្រតិកម្មតបចំពោះគម្រោងរបស់អាមេរិក លក់អាវុធឲ្យតៃវ៉ាន់មានទឹកប្រាក់សរុប២,២២ពាន់លានដុល្លារឲ្យតៃវ៉ាន់…
សហរដ្ឋអាមេរិក-ចិន ៖ ប្រទេសចិនកាលពីថ្ងៃទី៩កក្កដាបានស្នើដល់សហរដ្ឋអាមេរិក ឲ្យលុបចោលជាបន្ទាន់ការលក់អាវុធរបស់ខ្លួនឲ្យដល់តៃវ៉ាន់ និងកាត់់ផ្ដាច់ទំនាក់ទំនាក់យោធាជាមួយដែនកោះនោះ។
យោងតាមស៊ីនហួថា អ្នកនាំពាក្យក្រសួងការបរទេសចិនលោកGENG SHUANGអះអាងបែបនេះ ជាប្រតិកម្មតបចំពោះគម្រោងរបស់អាមេរិក លក់អាវុធឲ្យតៃវ៉ាន់មានទឹកប្រាក់សរុប២,២២ពាន់លានដុល្លារឲ្យតៃវ៉ាន់ ក្នុងនោះរួមមានរថក្រោះធុនM1A2 ABRAMSនិងបណ្ដាមីស៊ីលការពារអាកាសធុនSTINGER។លោកGENGថ្លែងថា ការលក់អាវុធរបស់សហរដ្ឋអាមេរិកឲ្យតៃវ៉ាន់ ជាការរំលោភបំពានធ្ងន់ធ្ងរដល់ច្បាប់អន្តរជាតិ បណ្ដាបទដ្ឋានសំខាន់នានាក្នុងទំនាក់ទំនងអន្តរជាតិ គោលការណ៍ចិនតែមួយនិងសេចក្ដីប្រកាសរួម៣ចិន-អាមេរិក។
បែបនោះជាការជ្រៀតជ្រែកដ៏កម្រោលមួយចូលកិច្ចការផ្ទៃក្នុងចិន ហើយបំផ្លាញអធិបតេយ្យភាពនិងផលប្រយោជន៍នៃសន្តិសុខរបស់ចិន។ ភាគីចិនមិនសប្បាយចិត្តខ្លាំងហើយប្រឆាំងយ៉ាងម៉ឺងម៉ាត់ ចំពោះសកម្មភាពបែបនេះហើយធ្វើការតវ៉ាជាមហោឡារិកចំពោះភាគីអាមេរិក។
អ្នកនាំពាក្យរូបនោះបន្តថា តៃវ៉ាន់ជាផ្នែកមួយមិនអាចកាត់ផ្ដាច់បាននៃដែនដីចិន។ គ្មាននរណាមួយអាចមើលស្រាល ចំពោះឆន្ទៈខ្លាំងក្លានិងការតាំងចិត្តមុតមាំ របស់រដ្ឋាភិបាលនិងប្រជាជនចិនឡើយ ក្នុងការថែរក្សាអធិបតេយ្យភាពជាតិនិងបូរណភាពដែនដី ហើយប្រឆាំងការជ្រៀតជ្រែករបស់បរទេស។
លោកគូសបញ្ជាក់ថា ចិនស្នើដល់សហរដ្ឋអាមេរិកឲ្យគោរពកិច្ចសន្យារបស់ខ្លួន ទាក់ទិនដល់គោលការណ៍ចិនតែមួយនិងសេចក្ដីប្រកាសរួម៣ចិន-អាមេរិក លុបចោលជាបន្ទាន់ការលក់អាវុធរបស់ខ្លួនដែលគ្រោងឲ្យដល់កោះតៃវ៉ាន់ ហើយកាត់ផ្ដាច់ទំនាក់ទំនងយោធាជាមួយតៃវ៉ាន់ ដើម្បីចៀសវាងដល់ការបំផ្លាញថែមទៀតទំនាក់ទំនងទ្វេភាគី ព្រមទាំងសន្តិភាពនិងស្ថេរភាពនៅច្រកសមុទ្រតៃវ៉ាន់៕ (កែសម្រួលដោយ ៖ បុប្ផា)
ចែករំលែកព័តមាននេះ