ចាប់ខ្លួនច្រើននាក់ក្នុងថ្ងៃខួប៣ឆ្នាំរបស់លោកបណ្ឌិត កែម ឡី
- ភ្នំពេញ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នៅព្រឹកថ្ងៃទី១០ កក្កដា ឆ្នាំ ២០១៩ នេះដែរ នៅចំណុចស្ថានីយ៍ប្រេងឥន្ធនៈកាល់តិចបូកគោ ក្នុងសង្កាត់ទន្លេបាសាក់…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នៅព្រឹកថ្ងៃទី១០ កក្កដា ឆ្នាំ ២០១៩ នេះដែរ នៅចំណុចស្ថានីយ៍ប្រេងឥន្ធនៈកាល់តិចបូកគោ ក្នុងសង្កាត់ទន្លេបាសាក់…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នៅព្រឹកថ្ងៃទី១០ កក្កដា ឆ្នាំ ២០១៩ នេះដែរ នៅចំណុចស្ថានីយ៍ប្រេងឥន្ធនៈកាល់តិចបូកគោ ក្នុងសង្កាត់ទន្លេបាសាក់ ខណ្ឌចំការមន មានកម្លាំងសមត្ថកិច្ចយ៉ាងច្រើនកុះករត្រូវបានដាក់ពង្រាយនៅជុំវិញនោះផងដែរ។
ពាក់ព័ន្ធទៅនឹងការដាក់ពង្រាយរបស់កម្លាំងសមត្ថកិច្ចនៅជុំវិញស្ថានីយប្រេងឥន្ធនៈកាល់តិចបូកគោខាងលើនេះដែរ គឺដើម្បីការពារសណ្តាប់ធ្នាប់ ខណៈដែលត្រូវជាថ្ងៃខួប៣ឆ្នាំរបស់លោកបណ្ឌិត កែម ឡី ដែលត្រូវបានខ្មាន់កាំភ្លើងបាញ់សម្លាប់កាលពីថ្ងៃទី១០ ខែ កក្កដា ឆ្នាំ ២០១៦ កន្លងមកនេះ។
ក្នុងពេលនេះផងដែរ ក៏មានក្រុមអង្គការ សង្គមស៊ីវិល អង្គការសិទ្ធិមនុស្ស និងព្រះសង្ឃ ព្រមទាំងប្រជាពលរដ្ឋមួយចំនួន បានយកកម្រងផ្កាមកដាក់ និងសូត្រមន្តឧទ្ទិសកុសលដល់វិញ្ញាណក្ខន្ធរបស់លោកបណ្ឌិត កែម ឡី ផងដែរ។
ការលើកគ្នាមកធ្វើពិធីសូត្រមន្ត និងដាក់កម្រងផ្កានេះដែរ ក៏ត្រូវបានកម្លាំងសមត្ថកិច្ចធ្វើការហាមឃាត់រារាំងមិនអោយធ្វើឡើយ ហើយសមត្ថកិច្ចក៏បានធ្វើឃាត់ខ្លួនក្រុមយុវជនចំនួន៣នាក់យកទៅកាន់អធិការដ្ឋានខណ្ឌចំការមន ពាក់ពន្ធ័នឹងការដើរចែកខិតប័ណ្ណផងដែរ ។
គិតមកត្រឹមវេលាម៉ោង១០និង៩នាទីព្រឹកថ្ងៃដដែល កម្លាំងសមត្ថកិច្ចក៏បានឃាត់ខ្លួនមនុស្សចំនួន៤នាក់ផ្សេងទៀតផងដែរ ពាក់ព័ន្ធទៅនឹងការចែកចាយអាវយឺតរូបលោកបណ្ឌិតកែម ឡី សរុបការចាប់ខ្លួនមានចំនួន៧នាក់ហើយនៅទីតាំងផ្សេងគ្នា ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ