រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា គ្រឿងចក្រមួយកំពុងតែឈូសឆាយដីសុខៗ ក៏បានស្រុតដីខ្សាច់ធ្លាក់ចូលក្នុងទឹកប្រឡាយអូរវែងអស់រយៈពេលជាច្រើនម៉ោង ទើបម្ចាស់យកគ្រឿងចក្រផ្សេងមកស្ទួចយកឡើងលើគោកវិញ។ ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោងប្រមាណ១០ព្រឹកថ្ងៃទី៨ ខែកក្កដា ឆ្នាំ២០១៩ នៅក្នុងការដ្ឋានរបស់សាលារាជធានីភ្នំពេញចាក់លុបប្រឡាយអូរវែង…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា គ្រឿងចក្រមួយកំពុងតែឈូសឆាយដីសុខៗ ក៏បានស្រុតដីខ្សាច់ធ្លាក់ចូលក្នុងទឹកប្រឡាយអូរវែងអស់រយៈពេលជាច្រើនម៉ោង ទើបម្ចាស់យកគ្រឿងចក្រផ្សេងមកស្ទួចយកឡើងលើគោកវិញ។
ហេតុការណ៍នេះបង្កអោយមានការភ្ញាក់ផ្អើលកាលពីវេលាម៉ោងប្រមាណ១០ព្រឹកថ្ងៃទី៨ ខែកក្កដា ឆ្នាំ២០១៩ នៅក្នុងការដ្ឋានរបស់សាលារាជធានីភ្នំពេញចាក់លុបប្រឡាយអូរវែង ស្ថិតនៅក្រោយវត្តទួលអស់លោក ក្នុងសង្កាត់គីឡូមែត្រលេខ៦ ក្នុងខណ្ឌឬស្សីកែវ ដើម្បីធ្វើផ្លូវ ព្រមទាំងរៀបចំអោយប្រជាពលរដ្ឋ ដែលរងផលប៉ះពាល់ពីការស្ថាបនាផ្លូវរថភ្លើង ទៅរស់នៅមាត់អូរនោះវិញ។
តាមអ្នកបើកបរគ្រឿងចក្រ បានអោយដឹងថា នៅព្រឹកនោះ គ្រឿងចក្រ(អាប៊ុល) កំពុងតែឈូសឆាយដីនៅមាត់អូរ ដែលកំពុងតែចាក់ដីខ្សាច់លុប ស្រាប់តែពេលនោះក៍ស្រុតដី បណ្តាលឱ្យរអិលគ្រឿងចក្រធ្លាក់ចូលទៅក្នុងទឹកប្រឡាយអូរវែងនោះតែម្តង ធ្វើឱ្យលិចបាត់នៅសល់តែដំបូល។ ភ្លាមៗនោះ អ្នកបើកបរក៍បានលោតចេញរួចផុតពីគ្រោះថ្នាក់ ។
ក្នុងហេតុការណ៍ខាងលើនេះដែរ ត្រូវបានប្រជាពលរដ្ឋនិយាយថា សង្ស័យអាប៊ុលក្តៅពេកខឹងម្ចាស់ប្រើមិនឈប់ក៏ចុះងូតទឹកតែម្តង ។
នៅព្រឹកដដែលនោះផងដែរ ម្ចាស់គ្រឿងចក្រក៏បានហៅរថយន្តដើម្បីយកមកស្ទួចលើកឡើង និងយកទៅជួសជុលដោយខ្លួនឯង ចំណែកសកម្មភាពចាក់ដីក៏បានផ្អាកដំណើរការផងដែរ៕
ចែករំលែកព័តមាននេះ