ក្តុកក្ឌួលក្រៃ…ជីវិតស្រីម្នាក់ដែលបានជ្រើសប្តីទី២មានចិត្តដ៏អគតិបំផុត
- សៀមរាប
ខេត្តសៀមរាប ៖ តាមការស្រាវជ្រាវជុំវិញផ្ទះឆេះនិងឆេះទាំងមនុស្ស៣នាក់មាន (ប្តីជាជនសង្ស័យ ប្រពន្ធ កូនង៉ែត) គឺបង្កឡើងដោយជនសង្ស័យជាប្តីផ្ទាល់ ឈ្មោះ គង់ ចំណាន…
ខេត្តសៀមរាប ៖ តាមការស្រាវជ្រាវជុំវិញផ្ទះឆេះនិងឆេះទាំងមនុស្ស៣នាក់មាន (ប្តីជាជនសង្ស័យ ប្រពន្ធ កូនង៉ែត) គឺបង្កឡើងដោយជនសង្ស័យជាប្តីផ្ទាល់ ឈ្មោះ គង់ ចំណាន…
ខេត្តសៀមរាប ៖ តាមការស្រាវជ្រាវជុំវិញផ្ទះឆេះនិងឆេះទាំងមនុស្ស៣នាក់មាន (ប្តីជាជនសង្ស័យ ប្រពន្ធ កូនង៉ែត) គឺបង្កឡើងដោយជនសង្ស័យជាប្តីផ្ទាល់ ឈ្មោះ គង់ ចំណាន ពិតប្រាកដមែន ។ គួរបញ្ជាក់ថា អណ្តាតភ្លើងបានឆាបឆេះយ៉ាងសន្ធោសន្ធៅទាំងព្រឹក និងឆក់យកជីវិតប្តី ប្រពន្ធ និងកូន ដោយបន្សល់ទុក តែសពរោលខ្លោចអស់ទៅហើយ ។ ខណៈអ្នកភូមិបានអាណិតស្ត្រីជាប្រពន្ធនិងកូនយ៉ាងខ្លាំង ដែលមកត្រូវអស់ជិវិតដោយស្នាដៃប្តីក្រោយ ដែលមានចិត្តដ៏អគតិនេះ ។
នេះជាហេតុការណ៍គួរឱ្យភ្ញាក់ផ្អើលមួយ ដែលបានកើតឡើង ដោយសារបុរសជាប្តីខឹងប្រពន្ធ នាំកូនរត់មកពួនសម្ងំនៅផ្ទះឪពុកម្តាយក្មេករបស់ខ្លួន ហើយខណៈពេលស្រវឹងស្រាជោកជាំផង ក៏ទិញសាំង២លីត្រមកដុតប្រពន្ធកូន និងដុតខ្លួនឯង ក្នុងផ្ទះរបស់ឪពុកម្តាយក្មេក បណ្តាលឱ្យឆេះស្លាប់ទាំង៣នាក់យ៉ាងអាណោចអាធ័ម បង្កឱ្យមានការភ្ញាក់ផ្អើលពេញភូមិនៅវេលាម៉ោង៩និង៣០នាទីព្រឹកថ្ងៃទី៧ កក្កដា ស្ថិតនៅក្នុងភូមិស្វាយ ឃុំខ្នាត ស្រុកពួក ។
បើតាមសម្តីរបស់លោកវរសេនីយ៍ឯក ទេព ពុំសែន អធិការនគរបាលស្រុកពួកបានប្រាប់ថា ការចាក់សាំងដុតប្រពន្ធ កូន និងដុតខ្លួនឯងនេះ បានធ្វើឡើង ក្នុងផ្ទះរបស់ឪពុកម្តាយក្មេក ពេលមកតាមប្រពន្ធឱ្យត្រឡប់ទៅផ្ទះវិញ តែត្រូវបានបដិសេធដាច់អហង្ការ ។
លោកអធិការថា ឪពុកក្មេកមានឈ្មោះ ជី ជុំ អាយុ៥៧ឆ្នាំ និងម្តាយក្មេកឈ្មោះ មុយ រឿត អាយុ៥៨ឆ្នាំ រស់នៅភូមិស្វាយ ឃុំខ្នាត ស្រុកពួក ខេត្តសៀមរាប ។ខណៈកើតហេតុនេះ ឪពុកម្តាយដែលជាម្ចាស់ផ្ទះមិនបាននៅផ្ទះទេរវល់ទៅផ្សារ ទុកឱ្យម្តាយអាយុ៨៦ឆ្នាំ ដែលជាជីដូននារីរងគ្រោះនៅផ្ទះ ជាមួយចៅប្រុស២នាក់ ដែលជាកូនប្តីមុនរបស់នារីរងគ្រោះ ។
លោកបានបញ្ជាក់ថា ករណីនេះ បង្កឡើងដោយជនកំណាចជាកូនប្រសាប្រុសឈ្មោះ គង់ ចំណាន អាយុ៣៤ឆ្នាំ ជាកម្មករសំណង់ បានទិញសាំងចំនួន២ដប មកចាក់ដុតប្រពន្ធកូននិងខ្លួនឯងក្នុងផ្ទះ ឪពុកម្តាយក្មេកដោយចាក់សោទ្វារពីខាងក្នុងផ្ទះ ។ ស្ត្រីជាប្រពន្ធរងគ្រោះឈ្មោះ ជី ស្រីមុំ អាយុ៣៣ឆ្នាំ កូនបង្កើតរបស់ម្ចាស់ផ្ទះ និងកូនតូចដែលឆេះស្លាប់ដែរនោះ ឈ្មោះ មេត្តា ភេទប្រុស អាយុ២ខែ ។
លោកបានបញ្ជាក់ទៀតថា ករណីដុតសម្លាប់ខ្លួននេះ បណ្ដាលឱ្យស្លាប់ចំនួន៣នាក់ គឺប្តី-ប្រពន្ធនិងកូន ។ ផ្ទះដែលឆេះនេះមានទំហំ៦,៥ម៉ែត្រគុណនឹង៩ម៉ែត្រ ធ្វើពីថ្មក្រោម ឈើលើ ប្រក់ក្បឿង ជញ្ជាំងក្ដារ កម្ពស់៤មែ៉ត្រ ។ ទ្រព្យសម្បត្តិដែលមាននៅក្នុងផ្ទះត្រូវបានអន្តរាយអស់គ្មានសល់។ ចំណែកផ្ទះរបស់ប្តីប្រពន្ធជាកូននេះ ស្ថិតនៅពីខាងលិចផ្ទះឪពុក ម្តាយក្មេកដែលឆេះនេះប្រមាណ៥០ម៉ែត្រ ។
លោកបានបញ្ជាក់បន្ថែមទៀតថា បុរសជាប្តីកំណាចនេះជាប្តីក្រោយរបស់ស្ត្រីរងគ្រោះ ដែលនាងមានកូនប្រុស២នាក់ ក្នុងនោះ កូនប្រុសច្បងអាយុ៩ឆ្នាំ និងកូនប្អូនអាយុ៦ឆ្នាំ ដែលជាកូនប្តីមុន ដែលបានលែងលះគ្នា ហើយកូនប្រុសទាំង២មិនបានរស់នៅជាមួយម្តាយទេ គឺនៅជាមួយយាយទួតដែលរស់នៅក្នុងផ្ទះនោះដែរ តែពេលកើតហេតុពួកគាត់នៅខាងក្រោម។ ចំណែកកូនពៅអាយុ ទើបតែបាន២ខែ ដែលស្លាប់ក្នុងភ្នក់លើងជាមួយឪពុកម្តាយនោះ ជាកូនប្តីកំណាចនេះ ។ អ្នកទាំង២យកគ្នាជាប្តីប្រពន្ធ មិនបានរៀបការទេមិនខុសពីពាក្យមេម៉ាយដណ្តឹងចិត្តនោះឡើយ គឺព្រមព្រៀងគ្នាធ្វើជាប្តី-ប្រពន្ធ ។
លោកបានបញ្ជាក់បន្ថែមទៀតថា ក្រោយពីបានគ្នាជាប្តីប្រពន្ធ រហូតមានកូនប្រុសអាយុ២ខែមក ពួកគាត់មានបញ្ហារកាំរកុះនឹងគ្នា រហូតដល់មានហិង្សាផងដែរ ទើបស្ត្រីដែលជាប្រពន្ធ ហាក់អស់ចិត្តនឹងប្តីកំណាចនេះ ក៏គេចមកសំងំលាក់ខ្លួននៅផ្ទះឪពុកម្តាយ មិនវិលទៅរស់នៅជាមួយបុរសជាប្តីនោះទៀតទេ ទើបធ្វើឱ្យប្តីកំណាចនេះមានកំហឹងរហូតតាមមកចាប់ដុតសម្លាប់ខ្លួនទាំងអស់គ្នាតែម្តងទៅ ។
លោកអធិការបន្តទៀតថា ការឆេះនេះ បានបាត់បង់សរុបរួមមាន មាសចំនួន៣តម្លឹង ប្លាទីន២ជី ប្រាក់អាមេរិក១០០០ដុល្លារ ប្រាក់ខ្មែរ៣.៤០០.០០០រៀល ។ ការធ្វើអន្តរាគមន៍ ក្រោយពេលកើតមានអគ្គិភ័យត្រូវបានសមត្ថកិច្ចប្រើប្រាស់រថយន្តពន្លត់៣គ្រឿង ក្នុងនោះ មានរថយន្តរបស់ស្នងការដ្ឋានខេត្ត២គ្រឿង និងរថយន្តស្រុក១គ្រឿង អស់ទឹក៤ជើង រថយន្តទើបភ្លើងបានរលត់ តែមិនសង្គ្រោះអាយុជីវិតនរណាម្នាក់បានឡើយ ទីបំផុត ពួកគេនៅសល់តែសពរោលខ្លោចក្រញង់អស់ទៅហើយ ។ (សម្រួលដោយ៖ ស្រីណា)
ចែករំលែកព័តមាននេះ