ចិន ៖ រៀងរាល់រដូវក្ដៅ ដើម្បីជួយឱ្យត្រជាក់ក្នុងពេលមានសីតុណ្ហាភាពក្ដៅហប់ខ្យល់ បុរសៗនៅទូទាំងប្រទេសតែងចូលចិត្តទាញអាវឡើងលើក្បាលពោះ ដែលត្រូវបានហៅថា Beijing bikinis។
វាប្រៀបដូចជា ទំនៀមទម្លាប់របស់បុរសចិនទៅហើយ នៅពេលដែលពួកគេចូលចិត្តលាត់អាវឡើងលើក្បាលពោះ ហើយដើរ ឬធ្វើបែបនេះនៅទីសាធារណៈ ។ ប៉ុន្តែថ្មីៗនេះបុរសចិនត្រូវបានហាមឃាត់ដោយអាជ្ញាធរនៃទីក្រុង Jinan ពីការធ្វើបែបនេះទៀតក្រោយពីពួកគេត្រូវបានចាត់ទុកថា «គ្មានវប្បធម៌» ។
នៅក្រុង Jinan ដែលមានប្រជាជនប្រមាណ៨.៧ លាននាក់ ស្ថិតក្នុងខេត្ត Shandong អាជ្ញាធរបានហាមមិនឱ្យប្រជាជនធ្វើខ្លួនតាមរបៀប Beijing bikinis នោះទេ ។ ការកត់សម្គាល់ក៏បានបង្ហាញផងដែរថា ពួកគេពុំគួរលាត់អាវឡើងទៅលើបែបនេះ នៅពេលដើរ ឬនៅទីសាធារណៈនោះទេ ។
អាជ្ញាធរក្រុង Jinan បានតម្រូវឱ្យហាមឃាត់បែបនេះ ស្របពេលដែលសីតុណ្ហភាពបានកើនកម្ដៅ ៣៦អង្សា នៅក្នុងទីក្រុងនាសប្ដាហ៍នេះ ៕កែសម្រួលដោយ ៖ សុឃាក់
ចែករំលែកព័តមាននេះ