ខេម ចាន់ ក្លាយជាម្ចាស់ពានជើងឯក នៅ TV5
- ភ្នំពេញ
រាជធានីភ្នំពេញ ៖ ការប្រកួតជើងឯកនៅប៉ុស្ដិ៍លេខ៥ ដែលមានឈ្មោះថា TV5 Knock Out Series By K-Cement…
រាជធានីភ្នំពេញ ៖ ការប្រកួតជើងឯកនៅប៉ុស្ដិ៍លេខ៥ ដែលមានឈ្មោះថា TV5 Knock Out Series By K-Cement…
រាជធានីភ្នំពេញ ៖ ការប្រកួតជើងឯកនៅប៉ុស្ដិ៍លេខ៥ ដែលមានឈ្មោះថា TV5 Knock Out Series By K-Cement កាលពីថ្ងៃទី៦ ខែកក្កដា ឆ្នាំ២០១៩ ត្រូវបានបញ្ចប់ហើយ ដោយកីឡាករ ខេម ចាន់ បានក្លាយជាម្ចាស់ជើងឯកក្នុងការប្រកួតជ្រើសរើសជើងឯកក្នុងប្រភេទទម្ងន់៤៥៤គីឡូក្រាមនោះ។
ទោះជាលោកទទួលបានទឹកប្រាក់៤ពាន់ដុល្លារ និងជើងឯកដូចការចង់បាន ប៉ុន្តែគេនៅតែមើលឃើញថា ជ័យជម្នះរបស់លោកបានកើតឡើងដោយការលំបាកបំផុត ដោយមិនមែនបានឈ្នះដោយស្រួល ព្រោះតែកីឡាករ ធន អៀងឡៃ ដែលជាកីឡាករទើបឡើងកូដថ្មី ឱ្យឈ្នះដោយស្រួលឡើយ។
យ៉ាងណាមិញ កីឡាករ ខេម ចាន់ បានបង្ហាញការរំពឹងថា លោកនឹងឈានឡើងទីផ្សារជាថ្មីក្រោយធ្លាក់កូដមួយរយៈ បន្ទាប់ពីលោកប្រឹងប្រែងហ្វឹកហាត់ជាប់លាប់ ហើយបានគ្រងតំណែងជើងឯកនៅប៉ុស្ដិ៍លេខ៥ ដែលកីឡាករមួយចំនួនមិនងាយធ្វើបានមួយនេះ។ កីឡាករ ខេម ចាន់ និយាយថា ខ្លួនពិតជាសប្បាយចិត្តណាស់ដែលបានលើកពាននៅប៉ុស្តិ៍លេខ៥។
លោកថា នេះជារឿងកាត់ថ្លៃមិនបាន ហើយក៏ធ្វើឱ្យលោកនៅតែមិនចង់ជឿសំណាងខ្លួនឯងផងដែរ។ លោកថា ការប្រដាល់កន្លងមក លោកមិនសូវមានការផ្គូរផ្គងឱ្យប្រកួតនោះទេ ខណៈដែលការប្រកួតមួយលើកៗក៏មិនសូវជាបានតម្លៃខ្លួនខ្ពស់។
លោកថា ខ្លួនចង់សម្រេចចិត្តទៅធ្វើការមួយផ្សេងទៀត ក្រៅពីការប្រដាល់ ប៉ុន្តែដោយសារមិនដាច់ចិត្ត ទើបនៅតែត្រាំត្រែងជាមួហអាជីពប្រដាល់មកទល់ពេលនេះ។ អុីចឹងទើបលោកយល់ថា បើមានទីផ្សារក្រោយពេលកាន់ពាន នោះលោកនឹងសប្បាយចិត្តខ្លាំង៕ (កែសម្រួលដោយ ៖ បុប្ផា)
ចែករំលែកព័តមាននេះ