ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា បុរសម្នាក់ពេលកំពុងបើកបរម៉ូតូធ្វើដំណើរតាមផ្លូវ ជួបចៃដន្យអាក្រក់ត្រូវជណ្តើរដ៏ធំមួយដែលគេទុកចោលតាមផ្លូវដួលរលំត្រូវចំបុរសរងគ្រោះ បណ្តាលឱ្យបែកក្បាលហូរឈាមរងរបួសយ៉ាងធ្ងន់ធ្ងរ ក្រោយមកក៏បានស្លាប់ពេលបញ្ជូនដល់មន្ទីរពេទ្យ ។ ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ១២និង៣០នាទីថ្ងៃត្រង់ថ្ងៃទី៥ កក្កដា…
ខេត្តបន្ទាយមានជ័យ ៖ តាមសេចក្តីរាយការណ៍បឋមបានឱ្យដឹងថា បុរសម្នាក់ពេលកំពុងបើកបរម៉ូតូធ្វើដំណើរតាមផ្លូវ ជួបចៃដន្យអាក្រក់ត្រូវជណ្តើរដ៏ធំមួយដែលគេទុកចោលតាមផ្លូវដួលរលំត្រូវចំបុរសរងគ្រោះ បណ្តាលឱ្យបែកក្បាលហូរឈាមរងរបួសយ៉ាងធ្ងន់ធ្ងរ ក្រោយមកក៏បានស្លាប់ពេលបញ្ជូនដល់មន្ទីរពេទ្យ ។
ហេតុការណ៍ខាងលើនេះបានកើតឡើងកាលពីវេលាម៉ោងប្រមាណ១២និង៣០នាទីថ្ងៃត្រង់ថ្ងៃទី៥ កក្កដា ឆ្នាំ២០១៩ នៅក្បែរកាស៊ីណូភែរើមែក៍ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ។
បុរសរងគ្រោះដែលស្លាប់មិនត្រូវបានស្គាល់អត្តសញ្ញាណ ជាអ្នកបើកបរម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ ១HQ-២៣៦៣ ។
តាមសេចក្តីរាយការណ៍បានបន្តថា ជណ្តើរដ៏ធំមួយដែលដួលរលំខាងលើគឺជាជណ្តើរដែលជាងឡើងដាក់មេក្រូ និងតភ្លើង នៅចំណុចផ្ទាំងប៉ាណូកាស៊ីណូ តែដោយសារមានភ្លៀងខ្លាំង និងខ្យល់ផង ធ្វើឱ្យជាងផ្អាកការងារ ហើយទុកជណ្តើរនោះចោល ស្រាប់តែចៃដន្យអាក្រក់ពេលបុរសរងគ្រោះបើកបរម៉ូតូមកដល់ចំណុចកើតហេតុខាងលើ ក៏ត្រូវជណ្តើរដ៏ធំមួយនោះរលំត្រូវចំបុរសរងគ្រោះ បណ្តាលឱ្យបែកក្បាលហូរឈាមរងរបួសយ៉ាងធ្ងន់ធ្ងរ ក្រោយមកក៏បានស្លាប់ពេលបញ្ជូនដល់មន្ទីរពេទ្យ ។
គិតមកត្រឹមវេលាម៉ោង១និង៣០នាទីរសៀលថ្ងៃដដែល សពជនរងគ្រោះមិនទាន់ស្គាល់អត្តសញ្ញាណនៅឡើយទេ ហើយសពត្រូវបានគេតម្កល់ទុកនៅមន្ទីរពេទ្យបង្អែកក្រុងប៉ោយប៉ែត ដើម្បីរងចាំសមត្ថកិច្ចស្រាវជ្រាវរកសាច់ញាតិឱ្យមកទទួលយកទៅធ្វើបុណ្យតាមប្រពៃណី ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ