ស្លឹកស្បូវដែលបុគ្គលចាប់កាន់មិនជាប់ល្អ ហើយទាញភើចមក តែងមុតដៃ មានឧបមាយ៉ាងណា ផ្នួសដែលអ្នកបួសរូបណាមួយកាន់មិនល្អ ប្រព្រឹត្តខុសច្បាប់វិន័យរបស់បព្វជិតរមែងទាញយកអ្នកបួសនោះឲ្យចូលទៅក្នុងអបាយភូមិក៏មានឧបមេយ្យយ៉ាងនោះដែរ ។ កិច្ចឯណាមួយដែលធូរថយក្ដី វត្តគឺសេចក្ដីប្រព្រឹត្តឯណានីមួយដែលសៅហ្មងក្ដី ព្រហ្មចរិយាឯណានីមួយដែលអ្នកបួសមិនប្រតិបត្តិឱ្យហ្មត់ចត់ក្ដី…
ស្លឹកស្បូវដែលបុគ្គលចាប់កាន់មិនជាប់ល្អ ហើយទាញភើចមក តែងមុតដៃ មានឧបមាយ៉ាងណា ផ្នួសដែលអ្នកបួសរូបណាមួយកាន់មិនល្អ ប្រព្រឹត្តខុសច្បាប់វិន័យរបស់បព្វជិតរមែងទាញយកអ្នកបួសនោះឲ្យចូលទៅក្នុងអបាយភូមិក៏មានឧបមេយ្យយ៉ាងនោះដែរ ។
កិច្ចឯណាមួយដែលធូរថយក្ដី វត្តគឺសេចក្ដីប្រព្រឹត្តឯណានីមួយដែលសៅហ្មងក្ដី ព្រហ្មចរិយាឯណានីមួយដែលអ្នកបួសមិនប្រតិបត្តិឱ្យហ្មត់ចត់ក្ដី ទាំង៣យ៉ាងនេះជាហេតុនាំឱ្យមានសីលវិបត្តិ អស់ភាពបរិសុទ្ធនៃភេទជាបព្វជិត ។
កាលបើអ្នកបួសធ្វើនូវកិច្ចអ្វីៗដែលជាកិច្ចគួរធ្វើមានការសង្រួមក្នុងឥន្រិយទាំង៦ សង្វាតក្នុងត្រៃសិក្ខាជាដើម ក៏គប្បីខំធ្វើនូវកិច្ចនោះចុះ និងត្រូវខំខ្នះខ្នែងធ្វើកិច្ចការនោះៗឲ្យមែនទែន ព្រោះធម៌វិន័យជាគ្រឿងអប់រំកាយ វាចា ចិត្ត ដែលភិក្ខុសាមណេរប្រព្រឹត្តធូរថយហើយ តែងត្រឡប់ឱ្យផលជាទោសវិញ នេះជាកិច្ចវិន័យរបស់ព្រះសង្ឃ ។
ចែករំលែកព័តមាននេះ