ហ្វ៊ីលីពីន ៖ មនុស្សប្រមាណ ២៦១ នាក់ត្រូវបានសង្ស័យថាបានពុលអាហារ ក្រោយពេលដែលពួកគេចូលរួមក្នុងពិធីជប់លៀងបុណ្យខួបកំណើតគម្រប់ ៩០ ឆ្នាំ របស់លោកស្រី Imelda…
ហ្វ៊ីលីពីន ៖ មនុស្សប្រមាណ ២៦១ នាក់ត្រូវបានសង្ស័យថាបានពុលអាហារ ក្រោយពេលដែលពួកគេចូលរួមក្នុងពិធីជប់លៀងបុណ្យខួបកំណើតគម្រប់ ៩០ ឆ្នាំ របស់លោកស្រី Imelda Marcos នៅឯប្រទេសហ្វ៊ីលីពីនកាលពីថ្ងៃពុធ នេះបើតាមការប្រាប់ឱ្យដឹងពីលេខាធិការក្រសួងសុខាភិបាលហ្វ៊ីលីពីនលោក Francisco Duque។
តាមរយៈបណ្ដាញសង្គម Twitter របស់ កាកបាទក្រហមហ្វ៊ីលីពីនបានឱ្យដឹងថា យ៉ាងហោចណាស់មានមនុស្ស ២០០០ នាក់ បានចូលរួមក្នុងកម្មវិធីរបស់អតីតស្ត្រីទីមួយហ្វ៊ីលីពីន នាទីក្រុង Pasig។ អាជ្ញាធរបាននិយាយថា ជនរងគ្រោះមានការក្អួតចង្អោរ និងវិលមុខ ហើយភាគច្រើននៃពួកគេត្រូវបានឱ្យសម្រាកព្យាបាលនៅក្នុងមន្ទីរពេទ្យចំនួន 10។
លោក Duque និយាយថា ភ្ញៀវដែលចូលរួមកម្មវិធីនោះ បានទទួលទាន «Adobo សាច់មាន់» ដែលជាអាហារដ៏ពេញនិយមនៅហ្វ៊ីលីពីន ព្រមនឹងស៊ុតស្ងោរ និងបាយផងដែរ។ លោក Imelda Ferdinand Bongbong Marcos បានធ្វើការសុំអភ័យទោសនៅលើគណនីហ្វេសប៊ុករបស់លោក ហើយលោកបានិយាយថាគ្រួសារលោកក៏កំពុងជួយដល់ជនរងគ្រោះផងដែរ ៕
ប្រភព ៖ Bloomberg , កែសម្រួលដោយ ៖ សំណាង
ចែករំលែកព័តមាននេះ