ខេត្តតាកែវ ៖ បន្ទាប់ពីលេចឮករណីជ្រូកងាប់ជាបន្តបន្ទាប់នៅភូមិមួយចំនួនក្នុងស្រុកអង្គរបូរី ថ្ងៃទី០៣ កក្កដា មន្ត្រីការិយាលយ័ផលិតកម្ម និងបសុព្យាលខេត្តនៃមន្ទីរកសិកម្មរុក្ខាប្រមាញ់ និងនេសាទ ខេត្តតាកែវបានដឹកនាំដោយលោកថៃ លិ…
ខេត្តតាកែវ ៖ បន្ទាប់ពីលេចឮករណីជ្រូកងាប់ជាបន្តបន្ទាប់នៅភូមិមួយចំនួនក្នុងស្រុកអង្គរបូរី ថ្ងៃទី០៣ កក្កដា មន្ត្រីការិយាលយ័ផលិតកម្ម និងបសុព្យាលខេត្តនៃមន្ទីរកសិកម្មរុក្ខាប្រមាញ់ និងនេសាទ ខេត្តតាកែវបានដឹកនាំដោយលោកថៃ លិ ជាប្រធាន បានបន្តចុះធ្វេីជីវសុវត្ថិភាព និងផ្ដល់នៅបទកដ្ផានបច្ចេកអនាម័យសត្វដល់កសិករចឹញ្ចឹមជ្រូកភូមិអំពិល ភូមិព្រៃផ្គាំ ក ខ គ និងភូមិទ្រង់ភូមិ ស្រុកអង្គរបូរី ខេត្តតាកែវ សហ ការជាមួយរដ្ផបាលសាលាស្រុកអង្គរបូរី អាជ្ញាធរមូលដ្ឋានភូមិ-ឃុំ ដេីម្បីទប់ស្កាត់ជំងឺប៉េស្តជ្រូកអាហ្វ្រិច។
លោកប្រធានការិយាល័យផលិតកម្មនិងបសុព្យាបាលខេត្តថា ក្រុមការងារយើងបានចុះបាញ់ថ្នាំបង្ការ ដើម្បីទប់ស្កាត់ជំងឺឆ្លងជាយថាហេតុ និងបានស្រង់ស្ថិតសត្វជ្រូក ដែលមានសត្វជ្រូកសរុបចំនួន656ក្បាល,
ជ្រូកងាប់សរុបច50ក្បាល, ជ្រូកលក់174ក្បាល និងសត្វជ្រូកសល់សរុប432ក្បាល។
លោកបញ្ជាក់ថា ចំពោះនៅតាមបណ្តាស្រុកនានាក្នុងខេត្តតាកែវ មានករណីជ្រូកងាប់ដែរ តែវាមាន
លក្ខណៈតិចតួច ។ លោកក៏បានអំពាវនាវដល់បងប្អូនប្រជាពលរដ្ឋយើងទាំងអស់ ពេលមានករណីជ្រូក
ចឹញ្ចឹមរបស់ខ្លួនឈឺងាប់នោះ សូមកុំយកធ្វើម្ហូបឱ្យសោះ ត្រូវរូតរះរាយការណ៍មកមន្ត្រីផលិតកម្ម និងបសុព្យាបាលស្រុក ឬរាយការណ៍ផ្ទាល់មករូបលោក យើងដាក់កំលាំងចុះទៅពិនិត្យដល់ផ្ទះបងប្អូនតែម្តងពិសេសនោះយើងត្រូវចូលរួមដើម្បីទប់ស្កាត់ជំងឺជ្រូកឆ្កួតអាហ្វ្រិចទាំងអស់គ្នា។ (សម្រួលដោយ៖ ស្រីណា)
ចែករំលែកព័តមាននេះ