រាជធានីភ្នំពេញ ៖ កម្លាំងសមត្ថកិច្ចការិយាល័យប្រឆាំងបទល្មើសគ្រឿងញៀននៃទីបញ្ជាការកងរាជអាវុធហត្ថរាជធានីភ្នំពេញ កាលពីថ្ងៃ៣ ខែកក្កដា បានចាត់បញ្ជូនក្រុមជនសង្ស័យប្រុសស្រីចំនួន១១នាក់ទៅកាន់សាលាដំបូងរាជធានីភ្នំពេញ ពាក់ព័ន្ធករណីប្រើប្រាស់ និងចែកចាយគ្រឿងញៀន ក្នុងនោះមាននារីម្នាក់ជាតារា Tik…
រាជធានីភ្នំពេញ ៖ កម្លាំងសមត្ថកិច្ចការិយាល័យប្រឆាំងបទល្មើសគ្រឿងញៀននៃទីបញ្ជាការកងរាជអាវុធហត្ថរាជធានីភ្នំពេញ កាលពីថ្ងៃ៣ ខែកក្កដា បានចាត់បញ្ជូនក្រុមជនសង្ស័យប្រុសស្រីចំនួន១១នាក់ទៅកាន់សាលាដំបូងរាជធានីភ្នំពេញ ពាក់ព័ន្ធករណីប្រើប្រាស់ និងចែកចាយគ្រឿងញៀន ក្នុងនោះមាននារីម្នាក់ជាតារា Tik Tok ផងដែរ។
ក្រុមជនសង្ស័យទាំង១១នាក់ខាងលើ ក្នុងនោះមានស្រីចំនួន៧នាក់ និងប្រុសចំនួន៤នាក់ ដែលត្រូវបានកម្លាំងសមត្ថកិច្ចកងរាជអាវុធហត្ថខណ្ឌចំការមន សហការជាមួយកម្លាំងអាវុធហត្ថរាជធានីភ្នំពេញ ចុះធ្វើការឃាត់ខ្លួនកាលពីវេលាម៉ោង៧និង២០នាទីយប់ថ្ងៃទី៣០ ខែមិថុនា ឆ្នាំ២០១៩ នៅចំណុចអាគារឌឹប្រ៊ីដ បន្ទប់លេខ២២ ជាន់ទី១៩ ផ្លូវលេខ៧៨ ភូមិ១៤ សង្កាត់ទន្លេបាសាក់ ខណ្ឌចំការមន ។
ក្នុងការឃាត់ខ្លួននោះ សមត្ថកិច្ចបានធ្វើការដកហូតវត្ថុតាងរួមមាន ១-ក្រាមពណ៌សថ្លា៥កញ្ចប់ ៨,២៣ក្រាម ២-ម្សៅពណ៌ស៤កញ្ចប់ ២,៦៩ក្រាម ៣-ថ្នាំគ្រាប់ពណ៌ផ្ទៃមេឃ២៩គ្រាប់ ១១,៥៤ក្រាម ។
ក្រោយឃាត់ខ្លួនក្រុមជនសង្ស័យទាំង១១នាក់ខាងលើត្រូវបានបញ្ជូនទៅកាន់សាលាដំបូងរាជធានីភ្នំពេញដើម្បីចាត់ការតាមនីតិវិធី ៕ (កែសម្រួលដោយ ៖ ធីតា)
ចែករំលែកព័តមាននេះ