ថៃ៖ ក្រោយពីស្ងៀមស្ងាត់មកជាច្រើនថ្ងៃ Blue-Jirarat បានចេញមកផុសបកស្រាយនៅក្នុងហ្វេសប៊ុកនាងថា ក្រោយពីត្រូវបានចោទថា ជាជនទី៣ដែលធ្វើឱ្យគូស្នេហ៍តារាមួយគូគឺឌីជេស្រី Sakun Tala និងតារាសម្ដែងប្រុស Sun…
ថៃ៖ ក្រោយពីស្ងៀមស្ងាត់មកជាច្រើនថ្ងៃ Blue-Jirarat បានចេញមកផុសបកស្រាយនៅក្នុងហ្វេសប៊ុកនាងថា ក្រោយពីត្រូវបានចោទថា ជាជនទី៣ដែលធ្វើឱ្យគូស្នេហ៍តារាមួយគូគឺឌីជេស្រី Sakun Tala និងតារាសម្ដែងប្រុស Sun Prachakorn បែកបាក់គ្នា ។
នាងប្រាប់ថា ការណ៍ដែលនាងមិនបានចេញមកបកស្រាយ មិនមែនបានន័យថា នាងទទួលស្គាល់នោះទេ ។ Blue បកស្រាយថា វាមិនមែនជាការពិតនោះទេ បើទោះជាស្គាល់លោក Sun តាំងពីពេលរៀននៅខេត្តអ៊ុដនថានីមែន តែមិនធ្លាប់មានអ្វីនឹងគ្នាឡើយ ។
នាងផុសថា ៖ «ការដែលចេញមកនិយាយចោទអ្នកណាម្នាក់ដោយមិនមានភស្តុតាងអ្វីនោះ ជារឿងត្រឹមត្រូវឬ? ការដែល Blue មិនបានចេញមកបកស្រាយមិនមែនបានន័យថា ទទួលស្គាល់នោះទេ គ្រាន់តែគិតថាវាជារឿងមិនពិត ចង់បណ្ដោយតាមហ្នឹងទៅ មិនបានចង់មានរឿងមានរ៉ាវអ្វីឡើយ នៅម្នាក់ឯងបាន ។ តែពេល Blue នៅស្ងៀមមិននិយាយស្ដីអី វាក្លាយទៅជាការទទួលស្គាល់កំហុស នៅពេលដែលការពិត គឺអ្នកណាដឹងខ្លះ អ្នកខ្លះគំរាមគំហែង អ្នកខ្លះរុករានជីវិតគេខ្លាំង ពេលនេះមានផលប៉ះពាលើដល់ជីវិតខ្លាំងណាស់ ទាំងរឿងការងារ គ្រួសារ ផ្លូវចិត្ត ប៉ះពាល់ទាំងអស់ ពេញចិត្តហើយនៅ?» ។
នាងបន្តទៀតថា ៖ «រឿងជនទី៣ ប្រាប់នៅទីនេះចុះថា មិនមែនជារឿងពិតឡើយ Blue និងបង Sun ស្គាល់គ្នាយូរមកហើយតាំងពីសម័យរៀននៅអ៊ុដនថានីម្ល៉េះ មិនមានអ្វីលើសលស់ឡើយ សួរបន្តិចថាបើ Blue ជាជនទី៣ ឯណាភស្តុតាង? មនុស្សស្រីដែលចាប់បានថាប្ដីខ្លួនមានស្រី នឹងនៅស្ងៀមឬ? បើចង់ទម្លាក់កំហុសឱ្យ Blue សូមឈប់ទៅ បើចង់បង្កើតរឿងឡើងមក សូមកុំយកអ្នកដទៃមកពាក់ព័ន្ធ #រឿងនេះបង្រៀនឱ្យដឹងថាកុំទុកចិត្តមនុស្ស មិនបានសំដៅលើអ្នកណាមួយទេណា» ៕
ចុចអាន ៖ ទម្លាយពីអ្នកទីបីទើបឌីជេស្រី Sakun Tala និងគូស្នេហ៍បែកគ្នា
ប្រភព ៖ sanook , កែសម្រួលដោយ ៖ សំណាង
ចែករំលែកព័តមាននេះ