ខេត្តកណ្តាល ៖ បើតាមមន្ត្រីជាន់ខ្ពស់កងរាជអាវុធហត្ថខេត្តកណ្តាលបានប្រាប់ថា ឃាតករដៃឆៅជាចៅបង្កើតមានជំងឺសរសៃប្រសាទកាប់សម្លាប់ជីដូនខ្លួនឯងខណៈពេលជីដូនកំពុងបោសសំរាមស្លាប់យ៉ាងអាណោចអាធម៌នោះ កម្លាំងកងរាជអាវុធហត្ថខេត្តកណ្តាល សហការជាមួយកម្លាំងកងរាជអាវុធហត្ថលើផ្ទៃប្រទេស និងអាវុធហត្ថខេត្តកំពង់ធំ ចាប់បានហើយនៅយប់ថ្ងៃទី០២ ខែកក្កដា ឆ្នាំ២០១៩។…
ខេត្តកណ្តាល ៖ បើតាមមន្ត្រីជាន់ខ្ពស់កងរាជអាវុធហត្ថខេត្តកណ្តាលបានប្រាប់ថា ឃាតករដៃឆៅជាចៅបង្កើតមានជំងឺសរសៃប្រសាទកាប់សម្លាប់ជីដូនខ្លួនឯងខណៈពេលជីដូនកំពុងបោសសំរាមស្លាប់យ៉ាងអាណោចអាធម៌នោះ កម្លាំងកងរាជអាវុធហត្ថខេត្តកណ្តាល សហការជាមួយកម្លាំងកងរាជអាវុធហត្ថលើផ្ទៃប្រទេស និងអាវុធហត្ថខេត្តកំពង់ធំ ចាប់បានហើយនៅយប់ថ្ងៃទី០២ ខែកក្កដា ឆ្នាំ២០១៩។
ឃាតករដែលជាចៅស្រីនោះឈ្មោះ ហ៊ីម សុខមាន ភេទស្រី អាយុ២៧ឆ្នាំ មុខរបរគ្មាន (សរសៃប្រសាទ) ត្រូវជាចៅបង្កើតរបស់ជនរងគ្រោះមានទីលំនៅភូមិព្រែកថ្មី ឃុំទឹកវិល ស្រុកស្អាង ខេត្តកណ្តាល ចំណែកជនរងគ្រោះឈ្មោះ ឡាច ឡាវ ភេទស្រី អាយុ៨១ឆ្នាំ មានទីលំនៅភូមិព្រែកថ្មី ឃុំទឹកវិល ស្រុកស្អាង ខេត្តកណ្តាល ។
គួររំលឹកដែរថា ចៅស្រីម្នាក់ដោយសារមានជំងឺសរសៃប្រសាទបានលើកដៃកាប់ជីដូនខ្លួនឯងដែលកំពុងបោសសំរាមនៅខាងមុខផ្ទះស្លាប់យ៉ាងអាណោចអាធ័ម បង្កឱ្យមានការភ្ញាក់ផ្អើលកាលពី៥ល្ងាច ថ្ងៃទី២ ខែកក្កដា ឆ្នាំ២០១៩ នៅចំណុចផ្ទះរបស់ជនរងគ្រោះ ស្ថិតនៅភូមិព្រែកថ្មី ឃុំទឹកវិល ស្រុកស្អាង ខេត្តកណ្តាល ។
តាមសាក្សីបានឱ្យដឹងថា នៅថ្ងៃកើតហេតុ ជនរងគ្រោះកំពុងតែបោសសំរាមនៅខាងមុខផ្ទះ ភ្លាមៗនោះស្រាប់តែជនសង្ស័យដើរសំដៅមកជនរងគ្រោះ ហើយបានទាញកាំបិតពីថង់ខ្មៅនៅនឹងដៃ កាន់មកកាប់ទៅលើជនរងគ្រោះរហូតដល់ស្លាប់តែម្ដង ។ ក្រោយពេលកើតហេតុជនសង្ស័យបានបោះកាំបិតចោល រួចគេចខ្លួនបាត់តែម្ដង។ ពាក់ព័ន្ធករណីនេះ កម្លាំងសមត្ថកិច្ចជំនាញកំពុងបន្ត ចាត់ការតាមនីតិវិធី។
គួររំលឹកទៀតថា ៖ អនិច្ចា ! ជីដូនកំពុងតែបោសសំរាមសុខៗ ស្រាប់តែបាត់បង់ជីវិតក្រោមដៃចៅស្រី
ចែករំលែកព័តមាននេះ