ក្រុមហ៊ុន BMW គិតថារថយន្តម៉ាស៊ីនម៉ាស៊ូតនឹងមានមុខមាត់នៅលើលោកនេះ២០ឆ្នាំទៀត ខណៈដែលរថយន្តម៉ាស៊ីនសាំងអាចបន្តរយៈពេល៣០ឆ្នាំទៀត ។ ថ្វីបើរថយន្តអគ្គិសនីកំពុងតែមានភាពពេញនិយមខ្លាំង ក្រុមហ៊ុនរថយន្តប្រណិត BMW បានលើកឡើងថា រថយន្តម៉ាស៊ីនប្រើចំហេះនៅតែអាចមានមុខមាត់នៅលើលោកយើងនេះ៣០ឆ្នាំទៀត…
ក្រុមហ៊ុន BMW គិតថារថយន្តម៉ាស៊ីនម៉ាស៊ូតនឹងមានមុខមាត់នៅលើលោកនេះ២០ឆ្នាំទៀត ខណៈដែលរថយន្តម៉ាស៊ីនសាំងអាចបន្តរយៈពេល៣០ឆ្នាំទៀត ។ ថ្វីបើរថយន្តអគ្គិសនីកំពុងតែមានភាពពេញនិយមខ្លាំង ក្រុមហ៊ុនរថយន្តប្រណិត BMW បានលើកឡើងថា រថយន្តម៉ាស៊ីនប្រើចំហេះនៅតែអាចមានមុខមាត់នៅលើលោកយើងនេះ៣០ឆ្នាំទៀត មុនពេលមនុស្សគ្រប់គ្នាប្រើរថយន្តអគ្គិសនីសុទ្ធ ឬ រថយន្តប្រើប្រាស់ឧស្ម័នអ៊ីដ្រូសែន។
លោក Klaus Frolich ប្រធានផ្នែកបច្ចេកវិទ្យារបស់ក្រុមហ៊ុន BMW បានមានប្រសាសន៍ថា៖ «ការផ្លាស់ប្តូរទៅប្រើប្រាស់ម៉ាស៊ីនអគ្គិសនី កំពុងហក់លោតយ៉ាងខ្លាំង។ រថយន្តអគ្គិសនីមានតម្លៃខ្ពស់ ដោយសារតែអាគុយរបស់វាថ្លៃ។ តម្លៃរបស់វានឹងកាន់តែថ្លៃជាងមុន នៅពេលតម្រូវការប្រើប្រាស់វត្ថុធាតុដើមកើនឡើងនៅថ្ងៃមុខ» ។
ថ្លែងនៅក្នុងព្រឹត្តិការណ៍ NextGen ក្នុងទីក្រុង Munich លោកបានអះអាងថា រថយន្តប្រើប្រាស់ប្រេងម៉ាស៊ូត នៅអាចមានគេជិះប្រហែលជា២០ឆ្នាំទៅមុខទៀតយ៉ាងតូច ហើយរថយន្តម៉ាស៊ីនសាំងវិញ គឺអាចមានវត្តមានយ៉ាងហោចណាស់៣០ឆ្នាំទៀត។
មតិយោបល់របស់លោក Frolich បានធ្វើឡើងក្រោយក្រុមហ៊ុន BMW លើកឡើងពីគម្រោងផលិតរថយន្តអគ្កិសនីនៅ២ឆ្នាំខាងមុខទៀត។ នៅត្រឹមឆ្នាំ២០២៣ ក្រុមហ៊ុននឹងសង្ឃឹមថានឹងមានរថយន្តដាក់លក់២៥ម៉ូដែល ដែលជារថយន្តអគ្គិសនី៕
ប្រភព ៖ caradvice , កែសម្រួលដោយ ៖ សំណាង
ចែករំលែកព័តមាននេះ