មិននឹកស្មានតារាសម្តែងស្រីកូរ៉េដ៏ល្បី១រូបសម្រេចចង.កដោយសារតែ…
ជុន មី ស៊ុន (Jeon Mi-seon) ជាតារាសម្តែងស្រីកូរ៉េខាងត្បូងដែលត្រូវបានគេស្គាល់ថាជាតួឯកនៅក្នុងខ្សែភាពយន្តដូចជារឿង «Mother», «Memories of Murder»…
ជុន មី ស៊ុន (Jeon Mi-seon) ជាតារាសម្តែងស្រីកូរ៉េខាងត្បូងដែលត្រូវបានគេស្គាល់ថាជាតួឯកនៅក្នុងខ្សែភាពយន្តដូចជារឿង «Mother», «Memories of Murder»…
ជុន មី ស៊ុន (Jeon Mi-seon) ជាតារាសម្តែងស្រីកូរ៉េខាងត្បូងដែលត្រូវបានគេស្គាល់ថាជាតួឯកនៅក្នុងខ្សែភាពយន្តដូចជារឿង «Mother», «Memories of Murder» និងរឿង «Bungee Jumping of Their Own» ត្រូវបានគេរកឃើញថាស្លាប់នៅក្នុងបន្ទប់សណ្ឋាគារដែលនាងស្នាក់នៅ ។
បើតាមភ្នាក់ងារផលិតកម្ម Boas Entertainment ដែលបាននិយាយនៅក្នុងសេចក្តីថ្លែងការណ៍មួយបានឱ្យដឹងថានាង ជុន ដែលមានអាយុ ៤៨ ឆ្នាំបានទទួលរងនូវជំងឺធ្លាក់ទឹកចិត្ត ។ អ្នកគ្រប់គ្រងតារាសម្តែងរូបនេះបានលើកឡើងពីការភ្ញាក់ផ្អើលនៅពេលនាងបានបាត់ខ្លួនអស់រយៈពេលពីរថ្ងៃ ។ នាងធ្លាប់ទទួលការព្យាបាលសម្រាប់ជំងឺធ្លាក់ទឹកចិត្ត ហើយយើងពិតជាសោកស្តាយដែលទទួលដំណឹងដ៏ក្រៀមក្រំនេះ ។
ប៉ូលីសនៅ Jeonju បានឱ្យដឹងថាពួកគេមិនទាន់បំពេញការស៊ើបអង្កេតដំបូង ឬឈានទៅដល់ការសន្និដ្ឋានអំពីមូលហេតុដែលបង្កឡើងនៅឡើយទេ ។ ទោះបីជាយ៉ាងណាក៏ដោយពួកគេបានបញ្ជាក់ថាតារាសម្តែងរូបនេះបានចូលស្នាក់នៅក្នុងសណ្ឋាគាររយៈពេល ២ ថ្ងៃមកហើយ ប៉ុន្តែមិនបានរកកំណត់ត្រាធ្វើអត្តឃាតទេ ។
ប៉ូលីសបាននិយាយតៀតថាវាហាក់ដូចជានាង ជុន មានការធ្លាក់ទឹកចិត្ដយ៉ាងខ្លាំងនៅពេលនាងបាត់បង់សមាជិកគ្រួសារនៅពេលដែលម្តាយរបស់នាងបានធ្លាក់ខ្លួនឈឺដេកនៅលើគ្រែ ។ ជុន ត្រូវបានគេរាយការណ៍ថានាងបានចង.ក នៅក្នុងបន្ទប់ទឹកនៃបន្ទប់សណ្ឋាគារដែលនាងស្នាក់នៅកាលពីថ្ងៃសៅរ៍កន្លងមកវេលាថ្ងៃត្រង់ម៉ោងនៅក្នុងស្រុក ។
សូមបញ្ជាក់ផងដែរថា តារាភាពយន្តស្រីរូបនេះបានចូលរួមផ្សព្វផ្សាយរឿង «The King’s Letters» នៅទីក្រុងសេអ៊ូលកាលពីថ្ងៃពុធ ហើយនេះគឺជាការបង្ហាញខ្លួនជាសាធារណៈចុងក្រោយបំផុតមុនពេលនាងស្លាប់ ។ ខ្សែភាពយន្តនេះគ្រោងនឹងចេញផ្សាយនៅខែក្រោយ ប៉ុន្ដែអ្នកចែកចាយខ្សែភាពយន្ត Megabox មិនបានបញ្ជាក់ថាតើខ្សែភាពយន្តនេះនឹងដំណើរការទៅមុខជាមួយនឹងការបញ្ចាំងជាលើកដំបូង ឬយ៉ាងណានោះទេ ? ៕
ប្រភព៖ nextshark , កែសម្រួលដោយ ៖ សំណាង
ចែករំលែកព័តមាននេះ