រាជធានីភ្នំពេញ ៖ អតីតមន្ត្រីជាន់ខ្ពស់គណបក្សសង្គ្រោះជាតិ (CNRP) លោក អ៊ូ ច័ន្ទរ័ត្ន បានអះអាងចិត្តគំនិតរបស់សកម្មជនគណបក្សប្រឆាំងបានកំពុងតែបែកបាក់ ។ ការលើកឡើងរបស់លោក អ៊ូ ច័ន្ទរ័ត្ននេះ បន្ទាប់ពីអ្នកគាំទ្រអតីតគណបក្សសង្គ្រោះជាតិមានខ្លះបានអស់ជំនឿលើក្រុមលោកសម រង្ស៊ី ហើយអ្នកខ្លះអស់ជំនឿលើលោក កឹម សុខា ពោល គឺក្រុមទាំងពីរបានកំពុងតែខ្វែងគំនិតគ្នា ។
យ៉ាងណាក្តីលោក អ៊ូច័ន្ទរ័ត្ន អតីតមន្ត្រីជាន់ខ្ពស់គណបក្សសង្គ្រោះជាតិបានសរសេរលើបណ្តាញសង្គមនៅថ្ងៃទី០២ ខែកក្កដានេះយ៉ាងដូច្នេះថា ៖«ស្មារតីសង្គ្រោះជាតិនឹងនៅតែបន្តមានជីវិតបើក្រុមអ្នកប្រឆាំងមិនមានការបែកបាក់ ។ បែកបាក់មិនមែនមកពីសកម្មភាពទេ គឺដោយសារ ចិត្តគំនិតបែកបាក់» ។
ចំណែកលោក ឈុំ ឈឿន អតីតសកម្មជនគណបក្សសង្គ្រោះជាតិ ដែលមាននិន្នាការនយោបាយលោកកឹម សុខា បានលើកឡើងថា ក្រុមឈូសឆា កំពុងតែសភ្នែកនៅពេលដែលឃើញសកម្មជនមូលដ្ឋានអស់ជំនឿដោយសារភូតច្រើនដងពេក ។ ជាមួយគ្នានោះដែរលោក ឈុំ ឈឿន ក៏បានលើកពីករណីសមាជិកសភា សភាពអឺរ៉ុប (EU) ថា សមាជិកសភា EU ដូចមិនទំនេរមកអមដំណើរមនុស្សអត់បានការនោះទេ ហើយមុននឹងប្រើពាក្យពេចន៍នោះត្រូវដឹងពីឋានៈខ្លួនជានរណា អស់លោកគ្រាន់តែជាមនុស្សរត់ចោលសមរភូមិ មិនបានត្រូវប្រទេសធំៗក្លាយជាអង្គរក្សអស់លោកទៅវិញ0x017d7 ។
ទាក់ទិននឹងការលើកឡើងរបស់លោក ឈុំ ឈឿន ត្រូវបានអ្នកគាំទ្រលោក សម រង្ស៊ី មានអាខោនហ្វេសប៊ុកឈ្មោះ Khuon Khemarak ឆ្លើយឆ្លងថា មុនដំបូងលោកវាយប្រហារថា អោយលោក សម រង្សី ថា សន្យាខ្យល់ តែឥឡូវពេលគាត់ប្រកាសចូលស្រុក លោកលើករឿងផ្សេង ។ អាខោនហ្វេសប៊ុកដដែលបានបញ្ជាក់ថា ៖ «លោកគួរតែស្ងាត់ប្រសើរជាង ហើយរង់ចាំមើល ។ ហើយអារឿងគេអមដំណើរ ឬអត់ជារឿងរបស់គេ បើរឿងនឹងពិត លោកគួរអបអរ តែបើរឿងនឹងមិនពិត លោកគួរអាណិតទៅវិញទេ ។ ធ្លាប់ជ្រកក្រោមដំបូលតែមួយ ហើយលោកនិយាយម្តងៗចង់ធ្វើតួឯកមែន0x017d7» ។
សូមជម្រាបថា លោកអ៊ូ ច័ន្ទរ័ត្ន និងលោក កង គឹមហាក់ លោក ជីវ កត្តា អតីមន្ត្រីគណបក្សសង្គ្រោះជាតិ សុំសិទ្ធិនយោបាយបានចុះជួបសំណេះសំណាលសួរសុខទុក្ខជាមួយអតីតក្រុមថ្នាក់ដឹកនាំខេត្តបាត់ដំបង បន្ទាយមានជ័យ និងខេត្តសៀមរាប កាលពីពេលកន្លងមកនេះ ៕ កែសម្រួលដោយ ៖សុឃាក់
ចែករំលែកព័តមាននេះ