ដល់.ក ទុស្សេខ្សែភ្លើងចំឡានដឹកប្រេង
- ព្រះវិហារ
ខេត្តព្រះវិហារ ៖ រថយន្ត១គ្រឿង ម៉ាកសាំយ៉ុងពណ៌ស ពាក់ស្លាកលេខ កំពង់ចាម 2A.4297 ឆេះសន្ធោ សន្ធៅតាមចិត្តនាថ្ងៃទី១ កក្កដា…
ខេត្តព្រះវិហារ ៖ រថយន្ត១គ្រឿង ម៉ាកសាំយ៉ុងពណ៌ស ពាក់ស្លាកលេខ កំពង់ចាម 2A.4297 ឆេះសន្ធោ សន្ធៅតាមចិត្តនាថ្ងៃទី១ កក្កដា វេលាម៉ោង៩កន្លះព្រឹក នៅភូមិបរិបូរណ៍ ឃុំត្បែងពីរ ស្រុកគូលែន ខេត្តព្រះ វិហារ ខណៈកំពុងដឹកប្រេងម៉ាស៊ូត និងប្រេងសាំង រួមនឹងសម្ភារជាច្រើនទៀតដែលបើកបរដោយម្ចាស់រថយន្តឈ្មោះ ដេង វ៉ាន ភេទប្រុស អាយុ៣៨ឆ្នាំ អាជីវករលក់ដូរ មានទីលំនៅភូមិសុះ ឃុំស្តៅ ស្រុកសង្គមថ្មី ខេត្តព្រះវិហារ ។
លោកវរសេនីយ៍ឯក ឡាញ់ លីស៊ីវឡេង អធិការនគរបាលស្រុកគូលែនបានថ្លែងថា មុនពេលកើតហេតុ ជនរងគ្រោះបានបើករថយន្តដឹកប្រេងដូចធម្មតា បម្រុងយកទៅលក់នៅស្រុកសង្គមថ្មី ប៉ុន្តែចៃដន្យ កង់រថយន្តធូរអ្នកបើកបរក៏បើករថយន្តទៅបូមខ្យល់ ។ ពេលបូមខ្យល់រួចក៏បម្រុងបើកចេញ ស្រាប់តែទុស្សេខ្សែភ្លើងឆ្លងពីក្បាលអាគុយបណ្តាលឱ្យឆេះតែម្តង ។
លោកបន្តថា ក្រោយហេតុការណ៍កើតឡើង សមត្ថកិច្ចបានយករថយន្តពន្លត់អគ្គិភយ័មកជួយអន្តរាគមន៍បាញ់ទឹកពន្លត់ដែរ ប៉ុន្តែមិនអាចជួយពន្លត់បាន ដោយសារអំណាចប្រេងសាំង និងប្រេងម៉ាស៊ូតនៅលើរថយន្តនោះច្រើនពេក ។
លោកថា ក្នុងហេតុការណ៍នេះ បានបណ្តាលឱ្យឆេះរថយន្ត១គ្រឿង ប្រេងម៉ាស៊ូតចំនួន២៥ប៊ីដុង ចំណុះ១ប៊ីដុង៣០លីត្រ ស្មើនឹង៧៥០លីត្រ ប្រេងសាំងចំនួន២ធុងធំៗ ស្មើនឹង៤៤០លីត្រ ស្រាបៀរចំនួន៣០កេស ទឹកផ្លែឈើចំនួន២០កេស និងឯកសារពាក់ព័ន្ធរថយន្ត គឺឆេះអស់ទាំងស្រុង សល់តែតួដែកប៉ុណ្ណោះ ប្រៀបដូចឆេះតាមចិត្ត ៕ (សម្រួលដោយ៖ ស្រីណា)
ចែករំលែកព័តមាននេះ