តាមប្រភពព័ត៌មាន Aljazeera បានឱ្យដឹងថា សកម្មភាពរោងចក្របានធ្លាក់ចុះនៅក្នុងប្រទេសអាស៊ីភាគច្រើន នៅក្នុងខែមិថុនា ខណៈដែលជម្លោះពាណិជ្ជកម្មរវាងសហរដ្ឋអាមេរិក និងចិន បានធ្វើឱ្យប៉ះពាល់ដល់វិស័យផលិតកម្មក្នុងតំបន់ ដោយធ្វើឱ្យអ្នកធ្វើគោលនយោបាយស្ថិតនៅក្រោមសម្ពាធក្នុងការដាក់ពង្រាយវិធានការរឹងមាំដើម្បីបញ្ចៀសវិបត្តិសេដ្ឋកិច្ចពិភពលោក ។…
តាមប្រភពព័ត៌មាន Aljazeera បានឱ្យដឹងថា សកម្មភាពរោងចក្របានធ្លាក់ចុះនៅក្នុងប្រទេសអាស៊ីភាគច្រើន នៅក្នុងខែមិថុនា ខណៈដែលជម្លោះពាណិជ្ជកម្មរវាងសហរដ្ឋអាមេរិក និងចិន បានធ្វើឱ្យប៉ះពាល់ដល់វិស័យផលិតកម្មក្នុងតំបន់ ដោយធ្វើឱ្យអ្នកធ្វើគោលនយោបាយស្ថិតនៅក្រោមសម្ពាធក្នុងការដាក់ពង្រាយវិធានការរឹងមាំដើម្បីបញ្ចៀសវិបត្តិសេដ្ឋកិច្ចពិភពលោក ។
ការធ្វើអង្កេតលើការផលិតបានធ្វើឡើងបន្ទាប់ពីកិច្ចប្រជុំកំពូលក្រុមប្រទេសទាំង២០នៅទីក្រុងអូសាកា ប្រទេសជប៉ុន ដែលមេដឹកនាំកាលពីថ្ងៃសៅរ៍ បានលើកឡើងពីការរីកចម្រើនលូតលាស់យឺតសម្រាប់ពិភពលោកទាំងមូល និងការបង្កើនភាពតានតឹងផ្នែកភូមិសាស្ត្រនយោបាយ និងពាណិជ្ជកម្ម ។
សហរដ្ឋអាមេរិក និងចិន បានព្រមព្រៀងគ្នានៅឯកិច្ចប្រជុំកំពូល ដើម្បីចាប់ផ្តើមកិច្ចចរចាពាណិជ្ជកម្មឡើងវិញ បន្ទាប់ពីប្រធានាធិបតីអាមេរិកលោក Donald Trump បានបន្ថយការរឹតបន្តឹងលើក្រុមហ៊ុនបច្ចេកវិទ្យា Huawei ដោយផ្តល់នូវការធូរស្រាលដល់ពាណិជ្ជកម្មនិងទីផ្សារហិរញ្ញវត្ថុ ។
ប៉ុន្តែក្រុមអ្នកវិភាគសង្ស័យថា កិច្ចព្រមព្រៀងឈប់គៀបគ្នាទៅវិញទៅមកនឹងនាំឱ្យមានការបន្ធូរបន្ថយភាពតានតឹងប្រកបដោយចីរភាព ស្របពេលដែលភាពមិនប្រាកដប្រជាអាចបន្ថយការចំណង់ចំណូលចិត្តរបស់ក្រុមហ៊ុន និងកំណើនសេដ្ឋកិច្ចសកល ។
លោក Yoshiki Shinke ប្រធានសេដ្ឋវិទូប្រចាំវិទ្យាស្ថាន Dai-ichi Life Research ក្នុងទីក្រុងតូក្យូ បានប្រាប់ទីភ្នាក់ងារព័ត៌មានរ៉យទ័រថា ៖«វាលឿនជ្រុលសម្រាប់ឱ្យយើងឃើញអ្វីៗតែក្នុងផ្លូវល្អ ។ ប្រទេសទាំងពីរទើបតែបន្ធូរបន្ថយគ្នាតែយើងមិនទាន់ដឹងថាថ្ងៃមុខនឹងទៅជាយ៉ាងណាទេ»។
លោកបានបន្តថា សកម្មភាពនៃការផលិតនៅលើសកលលោកមិនទាន់មានដំណើរការលឿននៅឡើយ ។ ទំនុកចិត្តរបស់ធុរកិច្ចសហរដ្ឋអាមេរិក ជាពិសេសក្រុមហ៊ុនផលិតបានកំពុងធ្លាក់ចុះ ហើយប្រសិនបើរឿងនេះនៅតែបន្ត វាអាចធ្វើឱ្យប៉ះពាល់ដល់សេដ្ឋកិច្ចនៅទូទាំងពិភពលោក ៕
ប្រភព ៖ Aljazeera , កែសម្រួលដោយ ៖ សំណាង
ចែករំលែកព័តមាននេះ