ខេត្តតាកែវ ៖ លោកឧត្តមសេនីយ៍ ទោ សុខ សំណាង ស្នងការនគរបាលខេត្តតាកែវ បានមានប្រសាសន៍ជំរុញដល់ស្នងការរងទទួលផែនសន្តិសុខ និងនគរបាលទាំងអស់ត្រូវតែចេះប្រើប្រព័ន្ធបច្ចេកវិទ្យា លើការតាមដានពត័មាននានា…
ខេត្តតាកែវ ៖ លោកឧត្តមសេនីយ៍ ទោ សុខ សំណាង ស្នងការនគរបាលខេត្តតាកែវ បានមានប្រសាសន៍ជំរុញដល់ស្នងការរងទទួលផែនសន្តិសុខ និងនគរបាលទាំងអស់ត្រូវតែចេះប្រើប្រព័ន្ធបច្ចេកវិទ្យា លើការតាមដានពត័មាននានា នៅតាមបណ្តាញសង្គមហ្វេសបុក ការទំនាក់ទំនងសារជាសំលេង ផ្ញើរជារូបភាព តាមប្រព័ន្ធ Telegram និង WhatsApp ព្រោះប្រព័ន្ធបច្ចេកវិទ្យានាពេលនេះ គឺជឿនលឿនបំផុត និងមានការប្រើប្រាស់យ៉ាងទូលំទូលាយនៅក្នុងប្រទេសកម្ពុជា និងទូរទាំងពិភពលោក ។
ដូច្នេះយើងមិនត្រូវធ្វេសប្រហែសឡើយក្នុងការគ្រប់គ្រង និងតាមដាន ក្នុងនាមយើងជានគរបាលត្រូវតាមឲ្យទាន់ក្នុងការប្រើប្រាស់ប្រព័ន្ធបច្ចេកវិទ្យាមួយនេះ ដើម្បីងាយស្រួលក្នុងការទប់ស្កាត់រាល់បទល្មើសផ្សេងៗដែលកើតចេញពីប្រព័ន្ធបច្ចេកវិទ្យានេះអោយខានតែបាន ជាពិសេសត្រូវតែឆ្លើយតបអោយលឿនចំពោះព័ត៌មានក្លែងក្លាយដែលកំពុងវាយលុកខ្លាំងនៅក្នុងបណ្តាញសង្គមហ្វេសប៊ុក ។
លោកស្នងការនគរបាលខេត្តតាកែវលើកឡើងបែបនេះ ក្នុងពេលដែលលោកបានអញ្ជើញចូលរួមក្នុងពិធីប្រជុំបូកសរុបសភាពការណ៏ និងលទ្ធផលកិច្ចប្រតិបត្តិការ រក្សាសន្តិសុខសណ្តាប់ធ្នាប់សង្គម ប្រចាំខែមិថុនា ២០១៩ និងលើកទិសដៅការងារបន្ត នៅសាលប្រជុំស្នងការដ្ឋាននគរបាលខេត្ត នាព្រឹកថ្ងៃទី ០១ ខែកក្កដា ឆ្នាំ២០១៩ ។
ជាពិសេសនគរបាលប៉ុស្តិ៍រដ្ឋបាលទាំងអស់ត្រូវក្តោបព័ត៌មានអោយបានទាំងអស់នៅក្នុងមូលដ្ឋានរបស់ខ្លួនមានបទល្មើសកើតឡើងឆាប់រាយការណ៍មកអធិការស្រុក លោកអធិការរាយការណ៍បន្តមកស្នងការដើម្បីមានវិធានការតែធ្វើយ៉ាងណាកំលាំងប៉ុស្តិ៍រដ្ឋបាលត្រូវតែគ្រប់គ្រងសភាពការនៅកន្លែងនោះអោយបានជាមុនសិនមិនមែននៅពេលមានហេតុការណ៍កើតឡើងហើយសួរទៅខាងណាក៏មិនដឹងនោះទេបើបែបនេះទាំងមេប៉ុស្តិ៍នឹងអធិការស្រុក ក្រុងនឹងបញ្ឈមុខក្នុងការដកដំណែងព្រោះដាក់អស់លោកទៅអោយធ្វើការងារបើមិនធ្វើទេដកចេញអោយអ្នកផ្សេងគេទៅធ្វើម្តង ៕
កែសម្រួលដោយ ៖ សំណាង
ចែករំលែកព័តមាននេះ