Pogba នឹងស្នើសុំ Man Utd ឱ្យដោះលែងខ្លួនទៅក្លិបផ្សេង
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងរបស់ក្លិបបិសាចក្រហម Paul Pogba នឹងធ្វើការស្នើសុំគ្រូបង្វឹក Ole Gunnar…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងរបស់ក្លិបបិសាចក្រហម Paul Pogba នឹងធ្វើការស្នើសុំគ្រូបង្វឹក Ole Gunnar…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងរបស់ក្លិបបិសាចក្រហម Paul Pogba នឹងធ្វើការស្នើសុំគ្រូបង្វឹក Ole Gunnar Soskjaer ឱ្យដោះលែងខ្លួនទៅលេងនៅក្លិបផ្សេង ក្នុងសប្តាហ៍នេះ ។
ការណាត់ជួបរវាងភាគីទាំងពីរនឹងធ្វើឡើងក្រោយពេល កីឡាករបារាំងរូបនេះត្រឡប់មកពីវិស្សមកាលវិញ។ នាយករងរបស់ក្លិបបិសាចក្រហម Manchester United លោក Ed Woodward បានប្រាប់ Pogba និង ភ្នាក់ងារផ្ទាល់ខ្លួនរបស់ Pogba លោក Mino Raiola ថា នឹងមិនឱ្យចេញពីក្លិបឡើយ ។
តែសម្រាប់ កីឡាករអាយុ២៦ឆ្នាំ Pogba បានប្រាប់មិត្តរួមក្រុមនៅ Man Utd រួចហើយថា រូបគេចង់ចាកចេញ ហើយសង្ឃឹមថាលោក Ole អាចនិយាយបញ្ចុះបញ្ចូលលោក Woodward ឱ្យឈប់ឃាត់តទៅទៀត។
នាពេលនេះ ទាំង Real Madrid និង Juventus សុទ្ធតែចង់បានកីឡាករខ្សែបម្រើរូបនេះ តែមិនទាន់មានក្លិបណាមួយហ៊ានឱ្យថ្លៃនោះទេ ។ សម្រាប់ក្លិប Man Utd បើលក់ ក៏លក់ក្នុងតម្លៃថ្លៃដែរ ។ ពោលគឺ ១២០លានផោន សម្រាប់កីឡាករដែលរួមចំណែកជួយបារាំងឈ្នះពាន World Cup រូបនេះ
គួរបញ្ជាក់ផងដែរថា លោក Zinedine Zidane ដែលជាគ្រូបង្វឹករបស់ Real Madrid ថ្វីបើពេញចិត្តកីឡាករ Pogba មែន តែមិនហ៊ានឱ្យថ្លៃលើសពី ៩០លានផោនឡើយ ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ