ខេត្តស្ទឹងត្រែង ៖ បើតាមសេចក្តីរាយការណ៍បឋមបានឱ្យដឹងថា បើមិនមានការប្រែប្រួលទេនោះគឺថា នៅព្រឹកម៉ោង៧និង៣០នាទីព្រឹក ថ្ងៃទី០១ ខែកក្កដា ឆ្នាំ២០១៩ ស្អែកនេះ នៅអយ្យការសាលាដំបូងខេត្តស្ទឹងត្រែង…
ខេត្តស្ទឹងត្រែង ៖ បើតាមសេចក្តីរាយការណ៍បឋមបានឱ្យដឹងថា បើមិនមានការប្រែប្រួលទេនោះគឺថា នៅព្រឹកម៉ោង៧និង៣០នាទីព្រឹក ថ្ងៃទី០១ ខែកក្កដា ឆ្នាំ២០១៩ ស្អែកនេះ នៅអយ្យការសាលាដំបូងខេត្តស្ទឹងត្រែង នឹងមានរៀបចំពិធីត្រួតពិនិត្យ បើកកញ្ចប់ និងធ្វើការវេចខ្ចប់វត្ថុតាងពាក់ព័ន្ធបទល្មើសគ្រឿងញៀនរបស់សាលាដំបូង៥ខេត្ត រួមមាន ៖
ខេត្តស្ទឹងត្រែង ខេត្តព្រះវិហារ ខេត្តរតនៈគីរី ខេត្តក្រចេះ និងខេត្តមណ្ឌលគីរី (ប្រមាណ១៩០គីឡូក្រាម) ក្រោមគណៈកម្មការថ្នាក់ជាតិ ដើម្បីយកទៅដុតបំផ្លាញនៅថ្ងៃទី២ ខែកក្កដា វេលាម៉ោង៧និង៣០នាទីព្រឹក។
គ្រឿងញៀនខាងលើនេះ គឺជាវត្ថុតាងចាប់យកស្តីពីការបង្ក្រាបគ្រឿងញៀនរបស់ខេត្តទាំង៥ ដោយសមត្ថកិច្ច ហើយត្រូវបញ្ជូនទៅសាលាដំបូង ដើម្បីរក្សាទុក បន្ទាប់បញ្ចប់សាលក្រមជាស្ថាពរ វត្ថុតាងទាំងនេះនឹងត្រូវប្រារព្ធពិធីឡើងបំផ្លាញចោលជាសាធារណៈ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ៕ (កែសម្រួលដោយ ៖ បុប្ផា)
ចែករំលែកព័តមាននេះ